Malaquías 1

1Kaychömi qelqaraykan Israel runakunata profëta Malaquías Tayta Diospa wilakuyninta wilashqan.

Israel runakunata Tayta Dios kuyashqan

2 Tayta Diosmi kayno nin: <<Noqaqa qamkunata imaypis kuyämi.

<<Tsayno kaykaptinpis qamkunaqa kaynömi nirkaykämanki: <¿Imanöpataq musyapäkushaq kuyamashqaykita?>

<<Tsaymi tantiyaykätsï kayno nir: <¿Manaku Jacobwan Esaúqa tsay wawqila karqan? Tsayno kaptinpis unay ayluyki Jacobtami kuyarqä 3y Esaútanami chikirqä.#Gén. 25.23-26; Rom. 9.13. Tsaymi Esaú aylukuna tashqanta chunyaq jirkaman tikratsishqä. Kananqa chacalkuna täkunalanmi rikakushqa> >>.#1.3 Esaú aylu runakunaqa Israel runakunapa contranmi karqan. Tsaymi paykunata ushakätsir Tayta Dios tantiyatsirqan Israel runakunata kuyashqanta.#Isa. 34.5-17; 63.1-6; Jer. 49.7-22; Eze. 25.12-14; 35.1-15; Amós 1.11-12; Abd. 1-14.

4Tsaymi edomita#1.4 Edomita runakunaqa Esaú aylu runakunami karqan. runakuna kayno nipäkunqa: <<Markantsikunata ushakätsiptinpis yapaymi kay nacionta sharkatsishun>>.

Tsayno nipäkuptinpis lapanta mandaq Tayta Dios kaynömi nin: <<Markankunata yapay sharkatsiptinpis yapaymi ushakätsishaq. Tsaymi nacionninpa jutinta churapanqa Jutsasapa Runakuna Tashqan Nación jutin kananpaq. Tsaynöpis nipäkunqa paykunapita imaypis rabyashqa kaykashqäta. 5Tsayno ushakätsishqäta rikarmi kayno nipäkunkipaq: <Tayta Dios alabashqa kaykulätsun. Munayniyuq kashqanqa maytsay nacionkunachöpis musyakanqami> >>.

Cürakunata Tayta Dios olqüpashqan

6Cürakunapaqmi lapanta mandaq Tayta Dios kayno nin: <<Tsurinkuna papäninta respitanmi. Ashmay runakunapis patronninta cäsukunmi. Noqami qamkunapa papäniki y patronniki kaykä. Papäniki kaykaptïqa ¿imanirtaq mana respitamankitsu? Patronniki kaykaptïqa ¿imanirtaq mana mantsakamankitsu? Qamkunaqa manakaqmanmi churaykämanki.

<<Nirkurpis kaynömi nirkaykanki: <¿Imata rurartaq qamta manakaqman churapäkushqä?>

7<<Manakaqman churarkaykämanki mana sänu uywakunata#Lev. 22.17-25; Deut. 15.21. sacrificiukunapaq altarnïman apamushpaykimi.

<<Tsayno nir tantiyatsiptïpis yapaymi kayno nirkaykanki: <¿Imata rurartaq qamta manakaqman churapäkushqä?>

<<Qamkunaqa manakaqman churarkaykämanki mana alinnin uywakunata sacrificiupaq altarnïman apamurmi. 8Qapra uywakunata sacrificiupaq apamushpayki ¿ali kashqantaku yarpapäkunki? Tsaynöpis weqruta o qeshyaykaqta apamushpayki ¿alitatsuraq rurarkaykanki?#Lev. 22.18-25; Deut. 15.21. Tsaykunata mä gobernadornikita qaranaykipaq apapäkuy. Paypis manami chaskishunkipaqtsu. Noqa lapanta mandaq Tayta Diosmi tsayno nï.

9<<Tsayno manakaqman churarkamarpis manakamankiraq yanapanäpaq. Mana alinnin uywakunata sacrificiukunapaq apamuptikiqa ¿kushishqatsuraq chaskishayki? Noqa lapanta mandaq Tayta Diosmi tsayno nï.

10<<¡Ima aliraq kanman pipis mana yaykunanpaq templu punkunta wichqaptin! Tsaynöpaqa manami pipis altarnïman mana alinnin uywakunata apamunqanatsu. Tsayno apapäkamushqayki manami gustamantsu. Apapäkamuptikipis manami chaskishaykitsu.#Isa. 1.13; Amós 5.21-24.

11<<Inti jeqamunan lädupita hasta inti jeqanan läduyaqmi maytsay nacionkunacho jutïta joqarir shumaq sirvipäkaman. Maytsaychömi inciensuwan qoshtatsipäkun y tsaki mikuyta altarkunaman apapäkun. Tsayno rurarmi maytsaychöpis respitapäkaman. Noqa lapanta mandaq Tayta Diosmi tsayno nï.

12<<Altarnïta mana respitarqa kikïtapis manami respitaykämankitsu. Mana munashqäta altarnïman apapäkamushpaykimi manakaqman churarkaykämanki. 13Tsaynöpis nirkaykanki sirvipäkamashqayki aläpa sasa kashqanta. Sirvimarpis janan shonqulami sirvipäkamanki. Altarnïmanqa sacrificiupaq aparkaykämunki suwakuy uywata, weqru uywata y qeshyaykaq uywata. Tsay uywakunata ¿chaskinäpaq kashqantatsuraq yarparkaykanki?

14<<Noqaqa lapanpaq munayniyuq reymi kaykä. Maytsay nacionkunachömi mantsakaman. Qamkunaqa uywaykikunapita alinnin kaqta apamunaykipaq promitirkurpis qeshyaykaq uywata altarnïman apamushqaykipitami maldicionashqa kankipaq. Noqa lapanta mandaq Tayta Diosmi tsayno nï>>.

Currently Selected:

Malaquías 1: qvmB

Highlight

Copy