Mwanzo 36

Ojama wa Ezawu

1Opu ojama wa Ezawu anjuwaniwaaye nzina la Edomu.

2Ezawu khuwaarala aakha a Kanaani. Mmote aari wiitthiwa Aada aari mwaana wa Elooni, nhiiti. Nkinoko aari wiitthiwa Olipama mwaana wa Anahi ntuulu wa Zipiyooni nhiiti, 3na Basemaathi mwaana wa Esumayila nlupuwe Nepayoothi.

4Aada aavokoleliwe mwaana ti Ezawu khuntthaja nzina la Elifazi, na Basemaathi khunvokola Reweele. 5Na Olipama khunvokola Yewuushi, Yalaamu na Koora. Apa aari aana Ezawu awaavokoliyeeyo nti wa Kanaani.

6Ye khuwaathuula aakhaawe na aanaawe na atthu ooshi aari wiikhalanaaye na vitthu zooshi aapatthiyeezo tuniya ya Kanaani waaza pwittipwitthi zawe, puuzi na mompe zawe zooshi, khumwazeyana na ttwiiye Yaakhumpa khulawa khwiikhala nti nkina. 7Ye khuthama mwaasa wa nti opule aari wiikhalaaye khawaarina etthu yoojiwa yoofiyela oja nyama zaya zooshi, maali zaya zaari za waatta khuhisala ewaheya wiikhala vahali vamote. 8Ezawu, otu aniitthiwaaye Edomu, khuthama khulawa khwiikhala onyaako wa Seyiiri.

9Opu ojama wa Ezawu paapa wa Meedomu aniikhalaaye onyaako wa Seyiiri.

10Apa mazina a aana a Ezawu:

Elifazi mwaana wa Aada muukha wa Ezawu, Reweele mwaana wa Basemaathi muukha wa Ezawu.

11Apa mazina a aana a Elifazi:

Teemani, Omari, Zeefo, Katamu na Kinaazi.

12Elifazi mwaana wa Ezawu, aarina njichaana aari wiitthiwaaye Tinna, anvokoleliye mwaana aari wiitthiwaaye Amaleekhi. Apa aari atuulu a Aada muukha wa Ezawu.

13Apa aari aana a Reweele:

Nahathi, Zeera, Shaama na Miiza. Apa atuulu a Basemaathi muukha wa Ezawu.

14Apa aari aana a Olipama muukha wa Ezawu, mwaana wa Anahi, ntuulu wa Zipiyooni:

Yewuushi, Yalaamu, na Koora.

15Apa aari attunkhulu a mahimo a ojama wa Ezawu:

Elifazi, mwaana wamwanzo wa Ezawu, aanaawe aari apa:

Teemani, Omari, Zeefo, Kinaazi, 16Koora, Katamu, na Amaleekhi. Apo aari attunkhulu a ojama wa Elifazi nti wa Edomu. Aari atuulu a Aada.

17Aana a Reweele, mwaana wa Ezawu aari apa:

Nahathi, Zeera, Shaama na Miiza. Apa aari attunkhulu a ojama wa Reweele nti wa Edomu na atuulu a Basemaathi muukha wa Ezawu.

18Aana a Olipama muukha wa Ezawu, aari apa:

Yewuushi, Yalaamu na Koora. Apa aari attunkhulu a ojama wa Olipama muukha wa Ezawu mwaana wa Anahi.

19Ooshi apa aari attunkhulu a aana a Ezawu otu anjuwaniwaaye nzina la Edomu.

Ojama wa Seyiiri

20Apa aari aana a Seyiiri, Nhoori aari wiikhalaaye nti otthuupule: Lotaani, Shobaali, Zipiyooni, Anahi, 21Diishoni, Eseeri na Diisani. Apa aari attunkhulu a nti wa Hoori, aana a Seyiiri nti wa Edomu.

22Aana a Lotaani aari apa:

Hoori, Hemani, na Tinna nlupu wa Lotaani.

23Aana a Shobaali aari apa:

Aluvani, Manahati, Ebali, Zeefo na Onamu.

24Aana a Zipiyooni aari apa:

Aaya na Anahi othuuto ooneliyeeyo nlipu wa maati oolukuza n'yaara ashukisaka apuuru za papaawe Zipiyooni.

25Aana a Anahi aari apa:

Diishoni na Olipama.

26Aana a Diishoni aari apa:

Hemetaani, Eshipaani, Ethirani na Keerani.

27Aana a Eseeri aari apa:

Bilani, Zaawani na Akani.

28Aana a Diisani aari apa:

Wuuzi na Araani.

29Apa aari attunkhulu a ahoori:

Lotaani, Shobaali, Zipiyooni, Anahi, 30Diishoni, Eseeri na Diisani. Apa aari attunkhulu a ahoori, ti nanna aawanyeliweezo mahimo aya nti wa Seyiiri.

Afwalume na attunkhulu a nti wa Edomu

31Apa afwalume aariina yenzi nti wa Edomu ahineeyevo hatha mfwalume mmote wa mwiizirayiilu.

32Beela mwaana wa Bewoori ti ye aathawaliyeeyo tuniya ya Edomu, sitati yawe yaari wiitthiwa Dinaapa. 33Noofwa Beela, khuthawala Yobaabu mwaana wa Zeera wa sitati ya Bozara.

34Yobaabu khufwa, khuthawala Hushaamu wa nti wa Temaani.

35Khufwa Hushaamu, khuthawala Hadaadi mwaana wa Bedaadi aawaashinttiyeeyo amidiyaani nti wa Mowaabu. Sitati yawe yaari wiitthiwa Avithi.

36Hadaadi khufwa, khuthawala Samula wa nti wa Masareka.

37Samula khufwa, khuthawala Sawulu wa nti wa Rehopoothi waattameliyeeyo muuttho Efwarati.

38Sawulu khufwa, khuthawala Baali Hanani mwaana wa Akiboori.

39Afiiyeevo Baali Hanani mwaana wa Akiboori khuthawala Hadaari, sitati yawe yaari wiitthiwa Paawu, muukhaawe aari Mehetabeeli mwaana wa Matereeti ntuulu wa Mezahaabu.

40Apa aari attunkhulu a ojama wa Ezawu, na mahimo aya na miti zaya:

Tinna, Aluvani, Yeteeti, 41Oholipama, Elaahi, Pinoni, 42Kenaazi, Temaani, Mibizaari, 43Makidiyeeli na Iramu. Apa aari attunkhulu a Edomu; wakhula mmote aari wiikhala puuro etile aari othawalaaye.

Meedomu ooshi aari ojama wa Ezawu.

Currently Selected:

Mwanzo 36: eko

Highlight

Copy