MATTHE 1

Jesuh Khrit ah Pakhui Ng’shon Law Gui

(Lk 3:23-38)

1Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

2Abraham ung tün ne David ghangpughang ung khüt ciah ng’shon ang täm law cu: Abraham ah hta Isaak, Isaak ah hta Jakob, Jakob ah hta Judah, Judah la a nau gui; 3Judah ah hta goi Perez la Zerah (ani nu cu Tamar), Perez ah hta Heron, Heron ah hta Ram; 4Ram ah hta Amminadap, Amminadap ah hta Nahshon, Nahshon ah hta Salomon; 5Salomon ah hta Boaz (anu cu Rahap) Boaz ah hta Obet (anu cu Ruth), Obet ah hta Jesse, Jesse ah hta David ghangpughang ah kiak ci.

6David ungka naw Israel chang gui Babilon kho ah ami hteh püi gui ung khüt ciah ng’shon ah ng’täm law gui cu; David ah hta Solomon (anu cu Uriah ah chu David ah khäm tu ba); 7Solomon ah hta Rehaboam, Rehaboam ah hta Abijah, Abijah ah hta Asa; 8Asa ah hta Jehoshaphat, Jehoshaphat ah hta Jehoram; 9Jehoram ah hta Uzziah, Uzziah ah hta Jotham, Jotham ah hta Ahaz, Ahaz ah hta Hezekiah; 10Hezekiah ah hta Manasseh, Manasseh ah hta Amon, Amon ah hta Josiah; 11Josiah naw Babilon ah pha ne ami hteh püi gui yah ung a hta nak gui cu Jehoiachin la anua gui ah kyak ci. #2Gpg 24:14-15; 2Stn 36:10; Jer 27:20

12Babilon kho ah ami hteh püi gui ungka naw, Jesuh Khrit ang tüi law ung khüt ciah ng’shon ang täm law gui cu: Jahoiachin ah hta Shealtiel, Shealtiel ah hta Zerubabel, Zerubabel ah hta Abiud; 13Abiud ah hta Eliakim, Eliakim ah hta Azor; 14Azor ah hta Zadok, Zadok ah hta Achim, Achim ah hta Eliud; 15Eliud ah hta Eleazar, Eleazar ah hta Matthan, Matthan ah hta Jakob; 16Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

17Cun ah kyasei Abraham ungka naw David ung khüt ciah ng’shon gha-lei-phli, David ungka naw Israel chang gui pha ne Babilon ah ami hteh püi gui ung khüt ciah ng’shon gha-lei-phli, Babilon ah pha ne ami hteh püi nak gui ungka naw Messiah ang tüi law ung khüt ciah ng’shon gha-lei-phli ah kyak ci.

Jesuh Khrit Ang Tüi Law ah Mawng

(Lk 2:1-7)

18Jesuh Khrit ang tüi law ah mawng cu shin ah kyak ci; Mari cu Josef ung ami beit kawn ah, kä ani ni om ng’chungla pha ung, Mumcha Theing awn käü mah lawk ci. #Lk 1:27 19Josef cu düng ciah chang k’ni ah kya ne, chang ah ma ah Mari a lü ng’ va kä ng’ya hlü netah, ng’häng ba vai ah ngaih-tüh ci. 20Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci. 21Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci. #Lk 1:31

22Shin ah amawngma gui cu profet gui-am Khanpughi naw am cäi nak gui ah ng’thu a khüm nak ah kyak ci. 23Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.) #Isa 7:14 (LXX)

24Cun ah kyasei Josef cu a ih nak ung kaa, a thawh law ba kawn ah Khanpughi ah khankho chang ah a pyein ah mäih ah Mari cu akchu ah khäm ci. 25Cun ung phi Mari kä a hta pha ah chuih Josef naw kä ih om püi ci. Cun ah hta cu Josef naw Jesuh ah ang ming sui ci. #Lk 2:21

Currently Selected:

MATTHE 1: CBC

Highlight

Copy