ATÜNNAK 7
7
Tuiyiin Ah Mü
(Lk 17:26-27)
1 Bawipa naw Noah am, “Na Chu, na hta avan luh püi ne htinpaw im kyong ah na luh vai nei, khomdek khan ung düng ciah chang nang bäng ka hmuk ci nei. 2-3Khomdek khan ung shonbang ba khai ah, theing ciah akghing akhik akhla, ming ät ung ang phii chih ci, kä theing ciah ak ghing akhik akhla ming ät ung ang phi tumat ci, kha gui ming ät ung ang phii chih ci na lak gui vai nei. 4A hnüüp chih hnüüp ung tün ne, hnüüp phli kip la mü phli kip ung khaw k’aa nu ka yuk chah lawk khai nei. Ka tüisho ah akghing avan cu ka m’di yawp khai nei” cine yuk m’thein ci. 5Bawipa naw amcäi ah mäih ah Noah naw bik ci.
6Tuiyiin a mü sang ung Noah cu a khawkum phya chuk lawk ci. 7Noah la akchu ni, a hta gui la a hta gui ah chu gui cu, tuiyiin phyawn nak khai gui ah htinpaw im kyong ah lut ci gui. 8Phyukha, khisa, theing ci la kä theing ci, akghing avan cu akhik la akhla ang phi bäng bäng ah, 9Khanpughi ah pyen ah mäih ah Noah awn a täng ah htinpaw im kyong ah lut ci gui. 10Ak hnüüp chih hnüüp tün ne tuiyiin mü ci.
11Noah cu a khawkum phya chuk abe nak, ak cha goi nak, a hnüüp gha lei chih nak ung m’dek khui tui m’kawt hmawng ne, khankho tui m’kawt hmawng sei, m’liktui phu ne, 12hnüüp phlikip la mü phlikip ung m’dek khan ah khaw aa ci. 13A cun hnüüp ung Noah la ak chu ni, a hta gui, Shem, Ham la Japheth la ami chu gui cu htinpaw im kyong ah lut ci gui. 14Ngami awn a täng ah aknget, aknep, ng’vaak ci, yong ci, 15-16akhik akhla ang küm bäng bäng ah, ak ghing päng avan htinpaw im kyong ah lut ci gui. Cun ah Khanpughi ah pyen ah mäih ah ami luh yawp kawn ah Bawipa naw Noah ah m’kawt cu khai ci.
17Tui cu hnüüp phlikip pum ung däm law pi pi ne htinpaw im cu k’phon lawk ci. 18Tui cu khomdek k’plüm ne däm law aih khäta, htinpaw cu tui ung ng’phong ci. 19Tui cu däm law aih neta, khomhtung k’hlüng gui avan k’plüm yawp ci. 20Khomhtung k’taai phlän ne k’plüm ciah tui cu dawng gha lei hma ah thuuk ne li ci. 21Khomdek khan ah om ciah ak ghing gui avan sik ci — phyukha, khisa avan, chang avan sik ci. 22Khomdek khan ung ghing ciah ak ghing phung avan si yawp ci. 23Chang ni, phyukha khisa, ak ghing phung avan Bawipa naw m’di gui yawp ci. Noah la Noah awn a täng ah htinpaw im kyong ah om ci gui bäng k’pawih ba ci gui. 24Tui cu hnüüp phya la hmakip ung khomdek khan küm ne li ci.
Currently Selected:
ATÜNNAK 7: CBC
Highlight
Share
Copy
Want to have your highlights saved across all your devices? Sign up or sign in
Cho Bible Common Language © Bible Society of Myanmar, 2016.
