Lucuotuv Biehmaasa
Biehmaasa
Lucuotuv tie Rehriena kaw hing Luka caa-uv a patue tana a cuo. Hingpa caa-uv ta aa ting cepa ca Thlaapa Pathe luochiyna thueta Zingsuv kaw Thuophaabie kha, “Jerusalem khy, Judea ruo, Samaria ruo bangkhuo hne chuelyi dena te ta ama pathyisana kaw khata a cuo (1:8). Judah ming taata patha pata chuelyi khyzaa ta a cahraw diypa Khrihsaa ming zangna hne rehriena kaw ta a cuo. Cakhutaata hing caa-uv a capetuv ta a pasie sa khingpa ca Khrihsaa tie hing Rom acuzaa a dutuv buv cuo li pata Judah ming zangnapa a patling sa tuv tana a cuo tapata a cuo.
Lucuotuv caa-uv hing chethung ta che khu pata a cuo. Capa cata Thuophaabie a ku hryly ta ama phule napa kaw hne Khrihsaabuv aa daa lena kaw kha a paluo sa:
1. Zingsuv vuoruo luo a kie khu taata Khrihsaa phung ca Jerusalem taata a pathu.
2. Palestine ruochung hmang hrang luo aa zelena kaw hne,
3. Mediterranean Riyliy kie ruo bangkhuo ta a ze te Rom khypuv te a phanapa kaw zaw khata a cuo.
Lucuotuv caa-uv chunglie aa luopa hmang suokha ca Thlaapa Pathe rehriena ta a cuo. Thlaapa Pathe ca Pentekos ning ta Jerusalem lie a awpa zangtuv tie cunglie kha zaa luo te Khrihsaabuv hne luochiytuv tie kha aa pazue pata luo a chiy yite thaazuo a pi yi. Hingpa caa-uv chunglie hing Khrihsaa taapa tie ama phung ripa hne hmang ama tuepa, capa phung ama ripa hne hmang ama tuepa cata tuokhaatama cawsaa hringna chunglie re a hrie tapa kha hmung khu pata a cuo.
Abietluopuv
1. Pachangkhyituv cuona riypata a tingtuona 1:1-26
a. Zingsuv nawbie a hnangcawcepa hne biekuo 1:1-14
b. Judas a thletuv 1:15-26
2. Jerusalem khypuv chunglie pachangkhyituv cuona 2:1—8:3
3. Judea ruo hne Samaria ruo lie pachangkhyituv cuona 8:4—12:25
4. Paul rehriena 13:1—28:31
a. Paul khytlawnapa a yikhana 13:1—14:28
b. Jerusalem khypuv lie biepatlana 15:1-35
c. Paul khytlawnapa a yihningna 15:36—18:22
d. Paul khytlawnapa a yi thungna 18:23—21:16
e. Jerusalem, Sisaria hne Rom lie Paul thawtlana 21:7—28:31
Currently Selected:
Lucuotuv Biehmaasa: LNT1
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.