Psalms 3
3
Taita Diosta yariashpa tutamandata mañana shimicunami
Davidca, paipaj churi Absalonda pacajushpa rishpami, cai Salmota rurashca.
1¡Mandaj Dioslla, ñucata fiñajcunaca
ninandamari mirashca!
Ñucata llaquichingapaj jatarijcunaca,
ashtacapachami.
2Ashtacacunami ñucataca: “Paitaca, Taita
Diosca na quishpichingachu” ninajun.
3Ashtahuangarin can Mandaj Diosca,
ñucapaj muyundipi jarcajuj escudoshnami cangui.
Ñucata punchayachij, ñuca umata
alsachinshna shinllichijmi cangui.
4Ñuca shimihuanmi, Mandaj Diostaca
caparishpa mañarcani.
Paipash, paipajlla urcumandapachami
tigrachihuarca.
5Ñucaca, Mandaj Dios cuidajujpimi,
siririshpa puñushpaca rijcharircani.
6Huaranga huaranga gentecuna tandanajushpa,
ñucata fiñashpa chaupipi churajpipash,
na manllashachu.
7Mandaj Dioslla, ñuca Taita Dioslla,
can shayarishpa quishpichihuayari.
Ñucata tucui fiñajcunataca, canmi
ñavi ladopi huactashpa chugrichircangui.
Jatun nalicunapaj quirucunataca faquircanguimi.
8Quishpirinaca, Mandaj Diosmandami shamun.
Can agllashcacunapaj jahuapi bendiciapangui.
Currently Selected:
Psalms 3: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
