Ạsuor 54
54
Ịiḅereghi ọmoogh eekpereghian esi ạmulogh-ḍien
1Ụphel ịmi rꞌịikpo phọ ạna, Ẹnaan;
ụtagharan ịmi rꞌịnyaam mọ ạna.
2Nạghan ịiḅereghi ạmi, Ẹnaan;
nạghan ikpo ọnhu phọ ạmi.
3Awe ophoophe aloor rotu ozuom ạmi;
awe ẹkaraph eḍighinom ịyaar rọwa oghiigh ạmi —
awe dị ụ́moogh ịyaar oḍighinom Ẹnaan.
4Kụ ọlo Ẹnaan kụ ọpelia ạmi.
Ọmoogh-we phọ kụ ọsuaram ạmi.
5Ẹnaan ẹsighe ịkaraph ạbidi kụ ẹliom bụmulogh-ḍien phọ ạmi!
Ọdi kapiemi bịdi loor esi dị ọdi raḍighi ghan ịlo ọdi ạḅem.
6Rꞌọḅaal ologhi kụ mị aḍighi ịyaar aghuḍum ạngo nyịna, Ọmoogh-we.
Mị kạngo nyịna ḍịseph
loor esi dị nạ ạnighe ni.
7Nạ mụtagharan ịmi ạsighe esi oomo ịiḅaghami ạmi,
kụ mị mạmiin dị ạbumulogh-ḍien ạmi momeleghu.
Currently Selected:
Ạsuor 54: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
