Emiighom 10
10
Ẹemara ẹemara phọ aNoa
(1 Krọnikuls 1.5-23)
1Bụen phọ kụ ẹemara ẹemara ạnmuny phọ aNoa, Sẹm, rꞌạHam, rꞌaJafet. Ịraar phọ ạbidi ụmaraghian ni mem mọ aḍigho phọ megheel bọ.
2Ạnmuny phọ aJafet — aGomer, ạMagog, aMadai, aJavan, aTubal, ạMesek, rꞌaTiras — kụ ạburude ạburude awe areelhe phọ omeera ghan bọ siḍien phọ ạbidi. 3Ẹemara ẹemara aGomer kụ awe phọ Askenaz, aRifat, rꞌaTogama. 4Ẹemara ẹemara aJavan kụ awe phọ Elisa, aSpen, ạSaipros rꞌaRods.
5Bụen phọ kụ ạburude ạburude awe dị orughogh ghan ọgbal ạriphiiny. Bụen phọ kụ ẹemara ẹemara aJafet, orughogh ghan bọ bụo eghun rꞌeghun, bụo eelhe rꞌeelhe ọgbaranaan rụnhu.
6Ạnmuny phọ ạHam — aKus, Ijipt, ạLibia, rꞌaKenan — kụ ạburude ạburude awe areelhe phọ romeera ghan bọ siḍien phọ ạbidi. 7Ẹemara ẹemara aKus kụ awe phọ aSeba, aHavila, aSabta, aRaama, rꞌaSabteka. Ẹemara ẹemara aRaama kụ awe phọ aSiba rꞌaDedan. 8AKus ạmoogh mọony dị oghol mọ ạNimrod, ọpo aḍighi bọ ọḅel ogbogh oye ẹgham aḅirini phọ. 9Ọdi ophelegbe ọtayaam ịtaya esi ọloghonaan ạḍighaagh Ọmoogh-we phọ, ịduon kụ iḍighi kụ awe ọghal ghan mọ, “Ọmoogh-we phọ aḍighi aani nyịna ophelegbe ọtayaam ịtaya ịdipho ạNimrod!” 10Emiighom mọ, eelhe phọ ọdi ịḅaram ni Bạbilon, Erek rꞌAkad ẹpe eelhe phọ ạBabilon. 11-12Kụ ạNimrod ạḍua sịphe ạghi Asiria kụ ạloghoḍi rạmha phọ aNineve, Rehobot Ir, Kala, rꞌaResen phọ odi bọ igbo aNineve rꞌạKala. Ẹphen phọ egbogh ẹmha ni.
13Ẹemara ẹemara Ijipt kụ awe phọ ạLidia, Anam, aLehab, aNaftu, 14aPatros, Kaslu, rꞌaKrit, ọkuruḅaka awe phọ aFilistia ọḍua bọ kụ omite.
15AKenan ạmar Saidon — ọkpana ọdi — ạḅile ạmar Het; bịdi kụ ạburude ạburude awe areelhe phọ romeera ghan bọ siḍien phọ ạbidi. 16AKenan kụ ọde ọde awe aJebusait phọ, awe Ạmorait phọ, awe phọ aGirgasait, 17awe aHivait, awe Ạrkait, awe Sịnait, 18awe Avadait, awe aZemarait rꞌạHamatait phọ. Íbia bịn arughunughun phọ aKenan ọḍuaghu ọwalala. 19AKenanait phọ ọkuan ọku rꞌaSaidon dị nạ rạki Gerar etuman Gaza, ḅịle kẹn ọku phọ anyeene Sọdom rꞌaGomora rꞌAdma rꞌaZeboyim etuman Lasa. 20Bụen phọ ẹemara ẹemara ạHam, bụo eghun rꞌeghun, bụo ọnhu rꞌọnhu, pạ ạramha phọ ạbidi, sịphe areelhe phọ ạbidi.
21ẠSem, okumoor umor phọ aJafet, kụ ọde oomo awe phọ aHibru. 22Ạnmuny ạSem — Ilam, Ashur, Apaksad, aLud, rꞌAram — bịdi kụ ạburude ạburude awe areelhe phọ romeera ghan bọ siḍien phọ ạbidi. 23Bụen kụ ạnmuny Aram: Ụz, Hul, Geter rꞌạMesek. 24Apaksad kụ ọde aSela, ọpo aḍighi bọ ọde Eber. 25Eber ạmar ịyal ạnmuny; oniin ughol mọ aPeleg, ịdi eḍighi bọ mem mọ ọdi, aḅirini phọ adia ni; kụ nyọori phọ oghol mọ aJoktan. 26Ẹemara ẹemara phọ aJoktan kụ awe phọ Almodad, aSelef, aHazamavet, aJera, 27aHadoram, Uzal, aDikla, 28Ebal, Ạbimael, aSiba, 29Ofir, Havila rꞌaJobab; oomo phọ ạbuen phọ ạnmuny aJoktan. 30Amarugh ạbidi amiigh Mesa kụ asi Sefar rạaḅaraph ẹpe erumuḍio phọ rẹḍua ghan bọ kemite. 31Bụen phọ ạnmuny ạSem, bụo eghun rꞌeghun, bụo ọnhu rꞌọnhu, bụo ẹmha rꞌẹmha, bụo eelhe rꞌeelhe.
32Oomo phọ ạbuen phọ kụ ẹemara ẹemara phọ aNoa, eelhe etum eelhe, ẹdaphan oḍigh awe rꞌawe. Mem mọ aḍigho phọ ẹḍua bọ, oomo areelhe aḅirini phọ ụḍua ẹemara ẹemara ạnmuny phọ aNoa kụ omite.
Currently Selected:
Emiighom 10: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
