MALAKAI 4
4
Ụjita Tizhajɛ ta AGWANGWAMA
1Gamba AGWANGWAMA na Hwuri Kpaaŋ, N dumwa, Ngɛɛ hiɛŋ, Kwụba ma, ụjita we ci ba, nụ ụjita ata, ulwa zhɛ no hwoŋno gana ulwa wa apitwa. Ɛ zhɛ o sotulonu atwa tubusa keeni anjɛ iyi iwɛ hwɛɛ o hwoŋzhingo aŋ nu ulwa ata. Ɛ zhɛ o hwoŋno gana arɛya, okwo tini, kwo kaa a'wa'walụ zha shɛ a vwa o.
2Ama inee hiŋ ahiɛba na hia sụma izeci mi inyɛsɛ, tiririri ti zhɛ tu na hi ta gana uwaŋna, ti zhɛ tu ma hi 'waŋnanɛ tɛnɛnjɛ gana ezezeji uwaŋna. Nazhɛ ɛhi zhɛ hi mama 'yaga, maa hi na hiranga gana oywoywo agwụdụ na ɛɛ bɛnjɛ ni isume. 3Gamba AGWANGWAMA na Hwuri Kpaaŋ, N dumwa, Ngɛɛ hiɛŋ, Jita na Ngɛɛ zhɛ ma nda ijɛ, hi zhɛ hio rukoto ogworozwo nɛ ɛvwɛvwɛjɛ hiŋ gana upwupwutu.
4Ne teyinje ma imbisegeni yɛu mi ugondu go Moses, ibɛ shɛ andwa keeni shikpogo sha ata Ngee peni bu ni Ishɛmɛ Sainai iwɛ atwa Isrɛl hwɛɛ.
5Hioko ma, N zhɛ ma hiɛ tumwananɛ bigesere gɛ Elaija nazhɛ ụjita ata ụ'wụtụ wa AGWANGWAMA, na shɛ ụjita u tuholono u ci.#Mat 11:14; 17:10-13; Mak 9:11-13; Luk 1:17; Jon 1:21 6Ubwa zhɛ be gwuricinje shihaŋsa she eshi no ofwo miaụŋ ma aba, bɛɛ zhɛ be gwuricinje du shihaŋsa sha miaụŋ no ofwo eshi aba. Yaa shɛ shɛ gana ata, asha N zhɛ ma nda cɛnjɛ ti hiŋ ufwu tedure nu unu-tukalana.
Currently Selected:
MALAKAI 4: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
