Bɛnyɛná Nifínínə́
Nifínínə́
Lúkasɛ a ka tiləkə tuəfulə tɔ́fandɛ́: Híbúsíə́, ɔ́ Imbə́nú Yɛɛsɛ ɔyɛ́á Lúkasɛ a ná hɔ́kɛ́na ɔ buɔmɔ́ bɔ́ Yə́susu háha ɔ misí. Imbə́nú yɛ yayɛ́á nyɛmbɛ́ na yɛ nɛ́áyɛ́á nɛhɔŋɔa. Hiəfulə hɛ́ bɛnyɛná bɛ́ basɔ́másɔma hɛ́ lɛa ɔ niɔŋgɔnɔ nɛ́ tɔ́áyɛ́á tuəfulə tɔ́fandɛ́.
A ka hiítə tiləkinə á Tiofíli (1.1). Hɛ́ ndɔ botoliniə ɔ ɛŋganda yɛ Nɛbálaka ɔ nɔɔ́mɛná nɛ́ Yə́susu. Ɔ balakɛna ɔ yɛ́táyɛ́ ikúílí, Kilísitusu a ndɔ bəə́bu Umbúínyi Mɔnaŋanaŋa índiə ɔkɛaka ɔwá bá Imbə́nú Yɛɛsɛ yɛ Yə́susu nɔ́ŋɔ́náka ɔ tɔlɛ́ŋɛ́ tukimə tɔ́ misí (1.8). Híihi hiəfulə hɛ́ lɛ ndɔ hɛ́na ɛlɔ́áyɛ́ basɔ́másɔma bəkimə, mba sulusulu, ɛlɔ́áyɛ́ bɛkɔa bikimə ɔbɛ́á Bíə́lə na Báwolo bá ná kɛ́áka.
Bɛkɛ́tɛ bɛ́ ɛnjɔmɔ bɛ́ híihi hiəfulə
Náana bɛkɔa bɛ́ híihi hiəfulə bɛ́ lɛ́á tɛ́kɛ́nátɔ.
Ɔ botolokiə ɔ Nɛbálaka nɛ́ Isə́lúkú ɔ nɔɔ́mɛná ɔkafámáká ɔ Nitukinə nɛ́ Umbúínyi Mɔnaŋanaŋa (1–2).
Imbóŋi na mətəkəsənə ɔ Yəlúsalɛma (3–7).
Imbə́nú Yɛɛsɛ ɔ bɔnɔŋɔ bɔ́ Samália (8).
Báwolo a nɔ́ mɔlɛ́má kɔ́ŋɔ́na (9).
Bááyɛ́ ɔbá bá lɛ bá Bɛyútɛnɛ bá nɔ́ híána bəlumininə, bá nɔ́ taŋa ɔbɛ́lata ɔ ilúkunə yɛ́ bəlumininə (10–11).
Bá nɔ́ Yákɔbɔ ɔ́nɔ́kɔ, Bíə́lə a nɔ́ fáma ɔ ɛbɔka (12).
Mɔkɛnda wúbúsíə́ wɔ́ Báwolo ɛlɔ́áyɛ́ ɔnɔŋɔna wɔ́ Imbə́nú Yɛɛsɛ (13–14).
Nɛkɔta nɛ́ basɔ́másɔma ɔ Yəlúsalɛma (15.1-35).
Niɔŋgɔnɔ nɛ́ mɛkɛnda ífəndí nɛ́ Báwolo ɛlɔ́áyɛ́ ɔnɔŋɔna wɔ́ Imbə́nú Yɛɛsɛ (16.18-22).
Niɔŋgɔnɔ nɛ́ mɛkɛnda ɛ́lálɔ́ nɛ́ Báwolo ɔnɔŋɔna wɔ́ Imbə́nú Yɛɛsɛ (19–21).
Báwolo ɔ ɛbɔka (22–26).
Niɔŋgɔnɔ nɛ́ mɛkɛnda ínisə nɛ́ Báwolo ɔnɔŋɔna wɔ́ Imbə́nú Yɛɛsɛ (27–28).
Báwolo a lɛa ɔ Lɔ́ma (28.15).
Currently Selected:
Bɛnyɛná Nifínínə́: tvu
Highlight
Share
Copy
Want to have your highlights saved across all your devices? Sign up or sign in
© 2019, CABTAL