Luk 3

Joon Nfoo Moo fekte kenəə Feyin ɛ ntaam jio Joldan

(Mat 3.1-12; Mak 1.1-8; Jn 1.19-28)

1Nè lu ka Tibelius nè sakenmen ka Əbfon ə Lûm se nguk njio setan ɛyvəm, nɛ̀ Bontius Bailɛt sake ɛ wen ɛyshas ɛylake Judea, nɛ ko nè lu ɛ ngukse fo nɛ Helod Antibas sake ɛ Galilee, nɛ wan-no wene Filib sake ɛ Itulea ghene Tlakonitis, nɛ Lisanias sake ɛ Abilene, 2nɛ Annas ghene Kaiafas lu əbtuu se ghɛ́ ntaŋlee ɛylake Judea, Feyine tinse ntum se Joon wɛ wán ə Zakalia ɛ əbkwak. 3Əb me se ghane ɛ ntaame yɛ əbghooye jio Joldan fekte se ghele ge: Ghɛn kubsen tetem ə tɛn è fiile se ɛybame mbee é ɛ́ fó moo se ghɛn, ka Feyine lɛyse mbee sɛn. 4Ke nè gane kɛn ka wele ntum nə Feyine wɛ Ezaya nè nyakenmen ge:

“Yio ka giɛ wele jaŋen ɛ əbkwak ge:

Siyse jii se Báàba

nɛyte kevəə jii se wen é ke yɛ nduu ɛ titiy!

5È lunse tefian tejim,

è kɛs tetaŋ ghene kfən sejim é se yɛ lu mbok.

È tiyse jii sɛ se ngoten é se yɛ lu ɛ titiy,

è lunse tebee é jiise yɛ lu ɛ mbok.

6É ghel ɛjime yɛn ka Feyine boysen ghel.”

7Ghel ɛjime nè lô fəy è gwiy ge Joon fo moo se ghene. Joon suuy se ghene ge: Ghone yiose, suuy ndɛ se ghɛn ge lòó ghɛn nyiŋ è boy se ngɛk sɛ Feyine shiin se mak se ghele? 8Ghɛn yɛ nɛɛy əbnəə əbjuŋe se din ge ghɛn kubsenmen tetem ə tɛn. Ghàà ghɛn yɛ suuy kɛn se ngeŋ ə sɛne ge: Ghɛs lu ghel ɛyshaa-ndaa nə Ablaham, nɛ ghɛse boymen se ngɛkse. Mɛ suuy se ghɛn ge lòó Feyine bense ɛtiy ghin fɛn se ghon nə Ablaham. 9Njam se shi ɛyshaa fekak kebaaten ka ɛ́ sɛɛ fekak so kɛn ɛ ɛghaŋ. Naa fekak fekɛ fɛ fe koom wiy əmtam lu nɛ ɛ́ gwɛl è kwaay.

10Kenone ghel ki yio è me bif se Joon ge: Lòó ghɛs nɛɛy ghɛ ɛ leenen?

11Əb fise ge: Wel loo ki ndəy sebaa, é əb fo sɛ semoke se wel wɛ əb báà se ki se nkan, wele yɛ ki əbfua-əbyíɛ́ne, é əb fó ghel ghɛ ɛ́ báà se ki naa se nkan.

12Naa ghel ɛyfii shile gwiy sɛ̂y se fii moo è bif se Joon ge: Ndinte, lòó ghɛs nɛɛy ghɛ?

13Əb fise ge: Ghàà ghɛn yɛ fii shile chia ka ke luun ge ghɛn yɛ fii. 14Ghel ɛyghoŋ ɛlee ko bif sɛ̂y se Joon ge: Lòó ghɛs nɛɛy ghɛ kɛse?

Əb fise ge: Ghàà ghɛn yɛ kwantene ghel, səəke əbkaa se ghene, nɛ ghàà ghɛn yɛ toye ghel se lólò. Ghɛn yɛ lu kekulen nɛ̀ əbkaa wɛ ghɛne liɛn. 15Ka ghel ɛjime nè chiyten ɛygwiy ə Vi wɛ Feyine nè Yiosen, ghene me se kante ɛ ghene tetem ge Joon sɛ shi vi nɛ̂ vi-a. 16Joon keele è me fise se ghene ge: Mɛ foo nɛ lu moo se ghɛn, dî nɛ wel əbngaŋten əblee nɛ̂y gwiy, nɛ chèmè lu kɛn guose ɛvəə nə wen fene mɛ báà se lu kekwɛnten ka lòó mɛ yayte. Əb nɛ̂y yɛ foo nɛ lu Keyioy Kelanene gese nɛ̀ əbvəse. 17Əb ki ɛyshɛn ə wen ɛ keghoo, yɛ əb fɛfte ɛsaŋ so ɛjim, è vii se wen əbŋwak, è baate məyse ten è nyok se əbvəs wɛ əb baalen əbliy əbjim.

18Joon nè fekte sakghɛ əbjuŋ nɛ̂ vin lɛ ɛ jiise jiise se ghele, jaŋe suuye ge kiy ghene, ghene ko kubsen se ghene jii sebee. 19Helod wɛ əb nè saken Galilee, wɛ Joon nè zəəmen ge ke báà se lu ɛ titiy se wen se kase se liɛ Helodias, nɛ lu wiy wan-no ə wen wɛ Helod se wen əbvii, nè lô ko gese momle əbnəə naa se ɛydio wɛ Joon nè zəəmen wen se ten, 20è me gese koo Joon è vii se nchak, se gise se əbnəə nɛ̂ ghan.

Ɛyfii moo nə Jesus

(Mat 3.13-17; Mak 1.9-11)

21Nè lu ɛ kechii kelee, nɛ ɛ́ geese koo Joon, əb fo moo se ghele è mɛyse, è me fo sɛ̂y se Jesus. Jesus loo jem, əbchio ɛyyio dise. 22Keyioy Kelanene səəke è guo ɛ wen əbghun, lu ka kenlal. Giɛ səəke se ɛyyio ge: Wɛ̀ lu wán ə wom wɛ mɛ koŋen, nɛ mɛ gese saŋle naa se ŋaŋ kum wɛ̀.

Ɛyshaa-ndaa nə Jesus

23Jesus nè kɛɛte ɛyfɛl ə wen nɛ əb shi ka nguk əmmtal.

Ɛ́ nè ke ge əb lu wán ə Josɛf

wɛ nè luun wán ə Heli.

24Heli nè lu wán ə Mattat wɛ wán ə Levi,

wɛ nè luun wán ə Melki wɛ wán ə Jannai,

wɛ nè luun wán ə Josɛf.

25Josɛf nɛ̂ vin nè lu wán ə Mattatias wɛ wán ə Amos,

wɛ nè luun wán ə Nahum wɛ wán ə Esli,

wɛ nè luun wán ə Naggai.

26Naggai nè lu wán ə Maat wɛ wán ə Mattatias,

wɛ nè luun wán ə Semein wɛ wán ə Josech wɛ nè luun wán Joda.

27Joda nè lu wán ə Joanan wɛ wán ə Lesa,

wɛ nè luun wán ə Zelubbabel wɛ wán ə Shealtiel,

wɛ nè luun wán Neli.

28Neli nè lu wán ə Melki wɛ wán ə Addi,

wɛ nè luun wán ə Kosam wɛ wán ə Elmadam wɛ nè luun wán ə El.

29El nè lu wán ə Joshua wɛ wán ə Elieza,

wɛ nè luun wán ə Jolim wɛ wán ə Mattat,

wɛ nè luun wán Levi.

30Levi nè lu wán ə Simeon wɛ wán ə Juda,

wɛ nè luun wán ə Josɛf wɛ wán ə Jonam wɛ nè luun wán Eliakim.

31Eliakim nè lu wán ə Melea,

wɛ wán ə Menna wɛ nè luun wán ə Mattata wɛ wán ə Natan,

wɛ nè luun wán ə David.

32David nè lu wán ə Jesse wɛ wán ə Obet,

wɛ nè luun wán ə Boaz wɛ wán ə Salmon,

wɛ nè luun wán ə Nahshon.

33Nahshon nè lu wán ə Amminadab wɛ wán ə Admin,

wɛ nè luun wán ə Alni wɛ wán ə Hezlon,

wɛ nè luun wán ə Bɛlɛz wɛ wán ə Juda.

34Juda nè lu wán ə Jakob wɛ wán ə Ayzek,

wɛ nè luun wán ə Ablaham wɛ wán Tela,

wɛ nè luun wán ə Nahol.

35Nahol nè lu wán ə Selug wɛ wán ə Leu,

wɛ nè luun wán ə Beleg wɛ wán ə Ebel,

wɛ nè luun wán ə Shela.

36Shela nè lu wán ə Kenan wɛ wán ə Alfasad,

wɛ nè luun wán ə Shem wɛ wán Noa,

wɛ nè luun wán ə Lamek.

37Lamek nè lu wán ə Metusela wɛ wán ə Enok,

wɛ nè luun wán ə Jaled wɛ wán ə Mahalalel,

wɛ nè luun wán ə Kenan.

38Kenan nè lu wán ə Enosh wɛ wán ə Set,

wɛ nè luun wán ə Adam wɛ Feyine nè bomen.

Currently Selected:

Luk 3: oku

Highlight

Copy

Want to have your highlights saved across all your devices? Sign up or sign in

©CABTAL, 2012

Learn More About Ŋwaale Feyin; Kelek Kefɛɛ

Popular Bible Verses from
Luk 3

Listen to Luk 3

Videos for Luk 3

Baptism of Jesus

The Bible Series

Luke 3:1-20

Lumo Project

Satan: The Book of Luke

Eyewitness Bible Series

John the Baptist: The Book of Luke

Eyewitness Bible Series

Luk 3

Popular Bible Verses from
Luk 3

Listen to Luk 3

Videos for Luk 3

Baptism of Jesus

Luke 3:1-20

Satan: The Book of Luke

John the Baptist: The Book of Luke

Bible:

Oku

Version: Ŋwaale Feyin; Kelek Kefɛɛ - oku

Luk 3

Luk 3

Popular Bible Verses from Luk 3

Listen to Luk 3

Videos for Luk 3

Baptism of Jesus

Luke 3:1-20

Satan: The Book of Luke

John the Baptist: The Book of Luke

Bible:

Oku

Version: Ŋwaale Feyin; Kelek Kefɛɛ - oku

Luk 3

Popular Bible Verses from
Luk 3