ŊwɑꞋnɛ-Gɑŋntúu Yɛ́su Kɛlístɔ Mɛtú-nu
Mɛtú-nu
Lúkɑ́shi kɑ ŋwɑꞋnɛ mɛŋwɑꞋnɛ mɛ́mbɑ́. Lúkɑ́shi kɑ piitɛ ŋ́ŋwɑꞋnɛ Ŋkʉʉ Sʉ́Ꞌnɛ, ḿbɑ́ɑtɛ ŋ́ŋwɑꞋnɛ yɔ yi ɛ́ sɛ́ ńdɛꞋlɛ pɑ́Ꞌ Yɛ́su-Kɛlístɔ kɑ ɡɑ́nɛ Zẅikŋɛ Lɛ́ɛnɛ́nɛ mbɔ̌ ɡɑŋku pɛ́, ɛ́ níꞋ tʉʉ yɔ́p pɔ́Ꞌɔ (pɑk 1.8). A zɛ nɛŋwɑꞋnɛ nu nǔu pɑ́Ꞌ ɑ kɑ kɔ́Ꞌnɛ nɛ́ tʉ́nɛ́pú. Ɛ́ lɛɛ pɔ́Ꞌɔ Kɛlístɔ tsʉ́Ꞌ ŋ́kɛ́ ḿbɔ́ pɔ tsɛtsɛt ɡɑŋntúu nɛ́ zẅikŋɛ yɛ́. Ḿbɔ́ ńtsiinɛ wɔ́p, mbɔ́ ńníꞋ tʉʉ yɔ́p, pɔ́p pɔ́ ńdɔk ɛ́sɑ́Ꞌ Ŋkʉʉ Sʉ́Ꞌnɛ kɛ́ pɔ́k. ŊwɑꞋnɛ yɔ sɛ́ ńnyɛt pɑ́Ꞌ Ŋkʉʉ Sʉ́Ꞌnɛ kɑ zɛnɛ tsɛtsɛt Pɑyúdɑ ḿbɑ́ɑtɛ mɛcɔ́ mɛŋɡɔŋ. Ḿbɛn ńdɛꞋlɛ pɑ́Ꞌ pɛluŋmbi mɛcúꞋlɛ-pʉɔ-Kɛlístɔ kɑ zɛnɛ. ŊwɑꞋnɛ yɔ kɑ́ pɔ́ ńcú nu nǔu ɡɑŋntúu tsʉʉ pɔ́ lɑ́ ŋ́kɛ́ ńtsuŋ ńcú nu nǔu Pyɛ̂ ḿbɛn ńcú nu nǔu Pɔ̂l. Ɛ́ tsɛt yɔ ŋwɑꞋnɛ pɛ́ cú nu nǔu pɑ́Ꞌ: Nɛfú nǔu pɑ́Ꞌ Yɛ́su kɑ kɔ́Ꞌnɛ nɛ́ tʉ́nɛ́pú (ɑscension) tɛ ŋ́kúu lɛ́Ꞌ pɑŋtɛkɔ̂t (pɑk 1-2). Nɛpɔ́ ńcẅɛ́ɛntɑ́ŋ mbɑ ŋkwɑꞋnɛ Yɛlúsɑlɛm (pɑk 3-7) Ŋkʉʉ Sʉ́Ꞌnɛ ŋɡɔŋ-Sɑmɑlîi (pɑk 8) Shʉɔt tʉ́m-Pɔ̂l (pɑk 9) Nduŋmbi ŋu wí ɑ kɑ́ pɔ́ ŋu-pɑyúdɑ pɔ́ tsɛt cúlɛ-pʉɔ-Kɛlístɔ (pɑk 10-11) Pɛ́ jẅí Jɑ̂ŋ, Pyɛ̂ cẅɛt ndɑ́tsɑ́ŋ (pɑk 12) Nduŋmbi nɛnɛn-Pɔ̂l ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ (pɑk 13-14) CúꞋlɛ-ɡɑŋntúu Yɛlúsɑlɛm (pɑk 15) Mbɑɑtɛ nɛnɛn-Pɔ̂l ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ (pɑk 16-18) Wɛcɔ́ nɛnɛn-Pɔ̂l ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ (pɑk 19-21) Pɔ̂l tsʉ́Ꞌ ŋɡɑŋtsɑ́ŋ (pɑk 22-26) Pɔ̂l tsɛt ŋɡɔŋ-Lɔ́mɑ (pɑk 27-28).
Currently Selected:
ŊwɑꞋnɛ-Gɑŋntúu Yɛ́su Kɛlístɔ Mɛtú-nu: JGO
Highlight
Share
Copy
Want to have your highlights saved across all your devices? Sign up or sign in
CABTAL, 2017