Lûk 7:7-9

Zə̀ lò e ghee M̀ mô kôʼ tsughu enyəa Ŋ̀ kâ bùʼ kɔʼ kpe alebùghò a vʉ̀a ghù, kuuwn saʼ tsughu ko dzə̀, kɔ̂ɔ faŋa fə tughuu doʼò wô. Nu Ǹ lo ghùw wəla Ǹ tsəghàsò lâŋ kò, sùghugòʼ tia tə lo a tsəlà mùghò; abugho Ǹ tsəghàsò tsughu lâŋ kò â ghùw enyəa, ‘Ndùw!’ Ù mò è nduw; â ù lì wən enyəa, ‘Bùghò!’ Ù mò è bugho. Abugho Ǹ tsəghàsò tsughu sughò lâŋ kò â kɔ̀ɔ faŋa fo enyəa, ‘Ghəəŋ ndùw enyə,’ fə ŋ ghəŋlo è nduw.” A m bùghò Yɛso zuw shwaʼ wən wo, dzughu zə n zum wə̄n a zəŋò komndzūghū vʉ̀, ù m fə̀n dzɛ̀ ndùw â saʼ kə aghì chia kə mô bughōo a bàâ wə̄n enyəa, “Ǹ so Ǹ dzâa wô â ghɛ̀ enyəa, Ŋ̀ kaam bûʼ kòʼ kòʼ dzə̀ ŋgòʼ è èboo zən an Ezə̀lɛ̂.”