MALAQUÍAS 4
4
Mandaj Dios shamuna punllamanta
1Tucuita Mandaj Diosca cashnami nin: “Riquichij, hornopi nina lunyacuj shina punllaca ñallami chayamugrin. Chai punllapimi jatun tucushcacunapish, millaita rurajcunapish ujsha shina tucui rupangacuna. Chaipica sapillapish, shuj ramallapish mana saquiringachu. 2Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij. 3Ñuca tucuita ricunaman shamui punllapica, cancunami millai runacunataca sarunguichij. Paicunaca cancunapaj chaqui shungu ucupica ushpa shinami canga.
4Ñucata servij Moisesman Horeb urcupi mingashca mandashcapi imallata nishcata alli yuyarichigari. Chai mandashcacunataca tucui israelcunamanmi curcani.
5Riquichij, Mandaj Dios llaquichingapaj shamuna jatun llaqui punllacuna manaraj shamujpimi, ñuca ima nishcata huillaj Eliastaca cancunapajman cachani. 6Paimi yayacunataca huahuacunahuan, huahuacunatapish yayacunahuan p'iñanacushpa causacujtaca, cutin c'uyanacushpa causachun allichinga. Ashtahuanpish cancuna ishquindij mana alli tucujpica, ñuca shamushpaca tucui cai llajtapi causajcunatami llaquichishpa tucuchisha ninmi”.
Currently Selected:
MALAQUÍAS 4: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
