Markusna Enjil 13
13
Bag. 13.
1Wide ter jamarton belbungon tenna hiranirton wer tekki wetirsum: „Wo arif, uru in kulwi mini galgili erangi, wide ter goitichi!“ 2Yesu rude tekki wetirsum: „In goitichi duligi er analna? Kulu wer kulu werdogor bikewidkanmunum bor shugurmeningon!“
3Terin aharro, zetunna gunan dogor agingon, jamana koir, teddo Butruskon, Yagubkon, Hanagon, wide Andrawuskon agudegir 4isigsan: „Wedecchir sittagki in bitanogingi, widegon tinn amarachigi, tirged in male bitimerangi.“
5Yesu rude wetidirarki ugudisum: „Wayewe irgi zol wer tawihemeningi. 6Mine digrichi weri bitaran ann eriged. Wide biweran: ‚Ai ter terrim an.’ Wide digrichi werigi bitawiheran. 7Ir on harbigi gijirkurun wide harubna gisagi, sarkimenwe! Mine inina ta nogar lezmebun. 8Ama kemal elgonm Mine uma wer uma owittin dogor bimbelin, wide mulki wer mulki owittin dogor. Wide arid bikerkerin agari werir. Orgidigon bitaran wide hashrachigon. In tajarna koyal teran.“
9„Innewertichigi harsewe. Mine tiri irgi mejlesir biselimeirkandan. Wide iri bitukitakkikandun jamachir. Wide bikutetebkandun walichin owollo widegon orin owollo anna joro, tindogochir shahaday an. 10Ama enjilna beshirad uma malen barer owolgir lezmebun. 11Irgi sugirkiran, selimeirw an, isigmenwe minged bibaindungi. Irgi tenna saayen bitirtakkilged bainkanwe. Ir termunum bibainili. Ama newerti gadisebul teran. 12Timbeskon wide timbeski diarkir biselimekanin, wide timbabkon tenna todti. Wide tonigon bimbelkandan tirgi uskelin dogor, wide biberkandan. 13Bitisitakkikandun malerton anna erina joro. Ama zol kello junbokon himlel, in bihalsekanin.“
14„Iri sikidigon wide borarigongi nallunna wattigi agar tedder awtakkarki komenilder — ingi ageryel fehmer agadmani wattigi Yahudiyer dali dososkanw agad jebelgir. 15Kan dogor dalgon kan tugir shugurmen agad, urti wekki injiri an. 16Gur dalgon aharkir rejaemen agad, tenna kadegi injiri an. 17Ugros eshum mewin dogor wide ertigi aïgidilin dogor bitebkanin man ugroski. 18Saliwe inna dosar shiteranmeningi. 19Mine man ugresir dig wer bitan. Ter galig wer ebeden takomnum kelloton, arti alamgi awsindoton elekenbokon. 20Wala bitamnum. Won artiy on man ugresigi urtunagirmenkin, jita wekkon bihalsemnum. Ama barbulina dumar ugresigi urtunagrossum.“
21„Manin agabir wer on irgi wetidirkin: ‚Komisbul indom an’ wala: ‚Ahan mandom an’ alegirmenwe. 22Mine komisbuli mursindichi bimbelkandan wide nebichi mursindichigon. Ayachigon ajebigongi bawkandan. Tiri eskekrangon, barbuligi bitawiheirran. 23Innewertichigi harsewe. Ai irgi ahan koyalloton haja malegi wetidirossim.“
24„Ama man ugresir, man dign aharro, masil bidulumanin. Wala anatti tenna dawigi bitirkanmunum. 25Simena wissichigon binalijshugurkandan. Wide gudrachigon simechir dali bisekikandan. 26Mani wattigi zolna todti binalkandan gemir tabungon gudra digri wekked wide mejidted. 27Mani wattigi tenna malaikarigi bishinkanin, tenna barbuligi jamegirri an aridna kochi kemsingarirton, aridna koirton simena kochichir junbokon.“
28„Tinna jowirton in metelgi fehmewe: Baki rahaski oskin wide waragkon, teddoton iri aïyirrun sef awtansingi. 29Irgon ikke burun. In hajachi ta nograngi nallunna kello iyirwe zolna todna tarar awt engi, wide babdogor tebingi.“
30„Aleged irgi wetidirrin, in jil binogmunum in male ta nogmeningon. 31Simegon wide aridton binogran. Ama anna were binogmunum. 32Ama man ugroskon man saagongi zol wer iyirmunum, wala malaikari simer dali, wala zolna tod, abog anmenkin.“
33„Bichi innewertichigi harsewe. Mine watti sittagki bitangi aïyirmendungad.“
34„Zol wer on tenna kagi wakos safrekin, tenna nugdigi tenn agarro awakileirin. Wide wer nutingi ter bawingi atirin. Wide bawabki awesen, bichi teg an. 35Irgon ikke bichi tegwe. Mine iri aïyirmunun sittagki kana tirti bitangi. Ter on sharegi bitakin, wala ugun selegi, wala darbadna kililarro, wala fejirki. 36Ter on gafla werro targi irgi nerburungon elirmeningi. 37Ai irgi awetidirringon zol malegi awetidirrin: Bichiwe!“
Currently Selected:
Markusna Enjil 13: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
