Matana Enjil 14
14
Bag. 14.
1Manina wattin tur Hirudus, kemsirena or, Yesuna gisar abaindangi gijirsum. 2Ter tenna hadamigi wetidirsum: „In Hana akidiril teran, Dielin barerton imbolossum. Inin jiradilo teran ayachi tekked aawtakkiran.“
3Hirudus teran Hanagi arrigi habsir luf undurkosum, ingon Hirudya Filibus timbesn enna joro. 4Mine Hana tekki awetirsum: 5„Ekki hiletirmunum tekki engirar.“ Tekki berosarki birgos, gebilana sarkeged welesesum, Hana tinnai nebiy esinged. 6Hirudusna uskarna ugrosir Hirudyana buru targi abansum. 7Inged Hirudus guresum. Hirudus wide jodtirsum ter awersin malegi tiringi. 8Burugon tinenged wesebusum: „Hanana urki indo in kisibdogor kujredtaden an.“ 9Or inged desen muslossum. Ama jodtigon wide agiligonna jiradilo amresum tekki tirrangi. 10Ter ishindigi Hanana urki meredtatirsum habsirton. 11Urki attargi, kisibdogor kujbungon, burugi tirsan. Ter wide tinengi attatirsum. 12Tenna hirani talin targi jitagi soke injejju kuyirsan. Lefte targon Yesugi habarki tirsan.
13Yesu gijredirgi mandeton talos kub werro targi agar hala werro agudan kewidsum. Jemachigodon gijred tekki tebaesan osiged, medinechirton. Yesu bel targi uru nalsum jema 14digri wekki. Ter wide tindogochir shefege tinna odiligi gengirirsum.
15Gu shareyaningad tenna hirani tekk abidi talin torgi wetirsan: „Eshei halam an. Masilgon torossum. Jemachigi talinkidosir, nejachigir jurgi zad wekki tinnewertichir janw an.“ 16Yesu tirgi wetidirsum: „Tale juwarki tiri hajemnan. Ir tidirwe, kalw an.“ 17Tir tekki wetirsan: „Indo an̄nai, tube dicch anmenkin wide kare owig anmenkin, damnum.“ 18Ter wide wesum: „Indogir aigi attadenwe!“ 19Ter jemachigi amreirsum magisen dogor tegosw an. Terin aharro tubechi dijingarigi ared wide kare owingarigon, tenna misichigi simegir soke ururgi wide barkos, togijosir hiranigi tidirsum, hiranigon jemachigi. 20Male kal beressann agabir soke injisan tomattichirton shibir diminde owigi, eyeburangon. 21Kaleligon eluf dijkirichi esan ogjirton, ecchigon, affichigonna masir.
22Tenna watten Yesu tenna hiranigi wetidirsum: „Kubir toros ann owolgi arwe essin jerkir, jemachigi talekidosirinbokon.“ 23Yemachigi talekidosirsinn agabir gunagir agudan kujsum, teddo saliri an.
Share bidangadgon ter mando agudan kewidbusum. 24Ama kub essin selegi dured mojirton kestakkibusum, turug merisi esinged. 25Fejriyer Yesu tirgi ta nogirsum, essin dogor talebungon. 26Hirani tekki essin dogor talebungon nalos, sarkos wesan: „In sulure wala?“ 27Wide sarkeged wigsan. Tenna lehdayen Yesu tirgodon bain wetidirsum: „Falanwe. Ai terrim. Sarkimenwe!“ 28Butrus tekki rudetir wide wesum: „Wo tirti, er ter ter ekin, aigi amredenu ennai essin dogor talin taringi.“ 29Ter wetirsum: „Talin ta.“ Butrus kubirton bel wide essin dogor talesum, Yesunai tari an. 30Ama turug shedid engi uru nalos, sarke tedder torossum. Wide kidarkir shugursum. Ter wide wigirgi wesum: „Wo arti, aigi osos.“ 31Tenna lehdayen Yesu tenna igi midergi tekki morogred wetirsum: „Wo iman gelilkol, er ma asarkin?“ 32Kubir tir owi torossann agabir turug turbossum. 33Kubir dabuligon talin targi tekki sejdossir wesan: „Aleged, er artina tod teran.“
34Essin jerro bidargi Jenisaratna ardir tasan. 35Man agarna zoli tekki iyirossan. Tir wide mando dalina nejachi malerton ishin uwedtaĂŻrsan odili malegi tekk abidi. 36Wide werissan tenna kadena ew agudegi kumarki. Tekki kumel male genansan.
Currently Selected:
Matana Enjil 14: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
