Tsefanye 3
3
KHAOLO 3.
1GO latlega motse oa cuulolo, o o itsekologileñ, o o gobetsañ!
2Ga o utlue koru; ga o cule thuto; ga o ikanye Yehova; ga o atamele Morimo oa ona.
3Khosana tsa ona, tse ri teñ ga ona, ki litau tse ri rumañ; basiamisi ba ona ki liphiri tsa lotlatlana; ga li garube marapo mo moshoñ.
4Baperofeti ba ona ba ithamako le banona ba bonoñuane: baperiseti ba ona ba itsekolola se se itsephileñ, ba rihela molao tsenyo.
5Yehova, Mosiami, o gare ga ona; ga a siamolole: oa isetsa kua leseriñ tsiamisho ea gague ka mesho mesho, ga e tlokahale: mi eo o sa siamañ ga a itse litloñ.
6Ki khaotse merahe: maye a khokhoco a eona a sencoe; ki khakhabaritse mebila ea eona, mi ga go ope eo o e ralalañ: metse ea eona e sencoe, ga go mothu, ga go monni.
7Ki le ka re, ’Mpoihañ, amogelañ thuto, ki gona gosi; gore boago yoa ona bo si khaoloe, kaha cotleñ tse ki le ka o li laolela; ba le ba phakela, ba borisa tiho tsa bona cotle.
8¶ Leha gontse yalo, lo ’ntete mo motleñ o mogañ ki cogelañ khapo, go bua Yehova: gone boikaelelo yoa me ki go kokoanya merahe, le go phutha magosi, go a goromeletsa khaleho ea me, le bogale yoa me yo bo hisañ yotle: gone lehatse yeotle le tla nyelerioa ka molelo oa lehuha ya me.
9Gone hoñ ki tla hetolela bathu puo e e itsekileñ, gore ba bitse leina ya ga Yehova botle, go mo rihelela goñue.
10Baraperi ba me, eboñ moroaria bahalarioi ba me, ba tla ’nteretse cupelo ea me ea liyo kua bosiyeñ yoa melapo ea Etiopia.
11Ga lo kitla lo tlayoa ki litloñ ka tiho tsa lona cotle tse lo ’ntloletseñ ka cona mo motleñ ouo: gone ki tla tlosa go lona baruruetsi ba pelahalo ba lona, mi ga lo kitla lo tlola lo ikhorisa mo thabeñ ea me ea boitsepho.
12Mi ki tla sarisa bathu ba ba bogisioañ le bahumanegi mo go lona, mi ba tla ikanya leina ya ga Yehova.
13Mi masalela a Bayeserela ga a kitla a simolola, le esiñ go bua maka: mi leme loa tsieco lo si kitla lo bonoa mo melomoñ ea aona: mi a tla hula a botha, mi ga go ope eo o tla a boitsañ.
14¶ Moroaria Tsiona, opela; Bayeserela, ruruetsañ; moroaria Yerusalema, itumela, mi ruruetsa ka pelu ea gago eotle.
15Yehova o tlositse tsekisho tsa gago, o bositse baba ba gago: Yehova, Khosi ea Bayeserela o gare ga gago: ga u kitla u tlola u bona boshula.
16Go tla reoa Yerusalema mo motleñ ouo, U si boihe: Tsiona, a atla tsa gago li si repe.
17Yehova Morimo oa gago, o gare ga gago, o Mothati eo o tla bulukañ, o tla gu itlapelela ka boitlapelo; o tla ririmala mo loratoñ loa gague, o tla gu rurueletsa ka kopelo.
18Ki tla phutha ba ba hutsahalelañ meletlo, e le le ba gago; khobo ka ona ki mokholeo.
19Bona, ki tla nyeletsa babogisi ba gago botle mo motleñ ouo: mi ki tla buluka eo o tlotsañ, ki phutha eo o lelekiloeñ; mi ki tla ba riha pako le leina mo hatsiñ yeotle kua ba le ba tlabisioa litloñ gona.
20Ki tla lo tlisa mo motleñ ouo, E, ki tla lo phutha mo motleñ ouo; E, ki tla lo riha leina le pako mo cabeñ cotle tsa lehatse, mogañ ki bosañ bocuaro yoa lona ha pele ga maitlo a cona, go bua Yehova.
Currently Selected:
Tsefanye 3: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
