Mareko 12
12
KHAOLO 12.
1MI a simolola go bua le bona ka licuanco. Monona o la a tloma tsimo ea movine mi a e likanyeletsa ka logora, mi a epa khatisho ea boyaloa, mi a aga turio, mi a e laleletsa barihi‐tsimo, mi a ea kua hatsiñ le sele.
2Mi ka motla o sina go tla, a roma motlañka go barihi‐tsimo gore a bone louñuo loa tsimo ea movine mo barihiñ‐tsimo.
3Mi ba mo cuara, ba metsa, mi ba mosa a sina sepe.
4Mi a ba a roma motlañka eo moñue go bona, mi ka ba mo khobotletsa, ba mo kuenisa mo tlogoñ, mi ba mosa ka botlabisa‐litloñ.
5Mi a ba a roma eo moñue, mi eo, ba molaea, le bontsi yo boñue; mi bañue ba ba betsa, mi ba bañue ba ba bolaea.
6Mi eare ka a sa na le moroaue moñue, eo o mo ratañ, mi le eo, a mo romela go bona oa bohelo, a re, Ba tla ipobola moroake.
7Mi barihi‐tsimo ba, ba rana, Eo, ki ena oa boshua; tlañ, a re molaeeñ, mi boshua bo tla na yoa rona.
8Mi ba mo cuara, ba molaea, mi ba mo khoromeletsa ntle ga tsimo ea movine.
9Mi yalo morena oa tsimo ea movine o tla rihañ? O tla tla, a senya barihi‐tsimo ba; mi o tla nela tsimo ea movine ba sele.
10A ga loa ka lo buisa lokualo lo: Leincue ye le latliloeñ ki baagi, ye, le rihegile motheo oa khokhoco;
11Se, se rihiloe ki Yehova, mi sea gakhamatsa mo maitloñ a rona.
12Mi ba batla go mo cuara, mi ba boiha bontsi, gone ba lemoga ha a bua secuanco se kaga bona. Mi ba mo tlogela, ba ea.
13¶ Mi ba romela bañue ba Bafarisai le Baherodi go ena, gore ba mo cuare mo mahukuñ a gague.
14Mi ba, ka ba tla, ba mo raea, Rabi, rea itse u amarure, mi ga u re ope sepe, mi ga u re licuano tsa bathu sepe, mi ua ruta mokhua oa Morimo ka amarure; a ki taolo go naea Kaisare lekhetho, khotsa nya?
15A re tla le naea, khotsa, re si le nee? Mi ka a itse boitimokanyo yoa bona, a ba raea, Lo ’nthaelelañ? ’nteretsañ denari, gore ki e bone.
16Mi ba e lere. Mi a ba raea, Secuanco se, le sekualo se, ki sa ga mañ? Mi ba mo raea, Sa ga Kaisare.
17Mi Yesu a araba, a ba raea, Naeañ Kaisare lilo tse e leñ tsa ga Kaisare, mi lo nele Morimo tse e leñ tsa Morimo. Mi ba gakhamarioa ki ena.
18¶ Mi Basadukai ba tla go ena, ba ba reñ, ga gona cogo mo loshuñ; mi ba motsa, ba re,
19Rabi, Moshe o re kualetse, a re, Ha monona mogoluue a shua, mi a tlogela mogatse, mi a sa tlogele bana bape, monnaue o tla moeantlu mosari oa gague, go cosetsa mogoluue losika.
20Mi gabo gole bakauleñue ba seven, mi oa ntla a nyala mosari, mi a shua a sa tlogele losika lope.
21Mi oa bo‐tu, le ena a moeantlu, a shua; mi eo, le ena a sa tlogele losika lope; mi oa bo teri le ena ga na yalo.
22Mi a nyaloa ki ba seven, mi ba sa tlogele losika lope. Mi le ena mosari, a shua bohelo yoa bona botle.
23Ki gona, mo cogoñ, e ba tla e cogañ, o tla na mosari oa ga mañ mo go bona, gone ba seven ba le ba mo nyetse botle?
24Mi Yesu a araba, a ba raea, A ga loa timela, ka lo sa itse likualo, le thata ea Morimo?
25Gone etlare ba sina coga mo loshuñ, ba sa nyale, mi ba sa neoe nyaloñ, mi ba cuana le baengele ba ba mo magorimoñ.
26Mi ga bashui, le cogo e ba tla e cogañ, a ga loa ka loa buisa mo bukeñ ea ga Moshe, kaha Morimo o loa bua le ena mo setlareñ ka gona, oa re, Ki na Morimo oa ga Aberahame, le Morimo oa ga Yitsake, le Morimo oa ga Yakobe?
27Morimo, ga si Morimo oa bashui, me e le oa batseri. Ki gona loa timela segolu.
28¶ Mi moñue oa bakuari ka a utlua ka ba botsanye, a lemoga a ba arabile seiñtle, a tla go ena, a motsa, a re, Molao oa ntla oa eotle, ki ohe?
29Mi Yesu a mo araba, Molao o ntla mo go eotle, e le, Yeserela, utlua; Yehova, Morimo oa rona, e le Yehova eo moñue hela:
30Mi u tla rata Yehova Morimo oa gago ka pelu ea gago eotle, le ka moea oa gago otle, le ka tlaloganyo ea gago eotle, le ka thata ea gago eotle. O, ko ona molao oa ntla.
31Mi oa bo‐tu o cuana le ona, eboñ o, U tla rata moñ ka uena yaka u ithata. Ga go molao ope o sele o mogolu mo go e.
32Mi mokuari a mo raea, Rabi, u buile boamarure, gone gole Morimo o moñue hela, mi ga go na ope ha e si ona;
33Mi go o rata ka pelu eotle, le ka tlaloganyo eotle, le ka moea otle, le ka thata eotle; le go rata moñ ka ena yaka a ithata, go sita licupelo tsa pisho, le cupelo tsa tlabo.
34Mi ka Yesu a bona a arabile ka tlaloganyo, a mo raea, Ga u khakala le bogosi yoa Morimo. Mi go si ka ga tlola go le ope eo o ka motsañ señue.
35¶ Mi ka Yesu a ruta mo tempeleñ, a araba, a re, Bakuari ba reelañ Keresete ki moroa Davide.
36Gone Davide ka esi o la a bua ka Moea oa Boitsepho, Yehova o la a raea Morena oa me, Lula ha atleñ sa me se se siameñ, ki tle ki tsamae ki rihe baba ba gago serulo sa nao tsa gago.
37Ki gona ha Davide ka esi a mitsa Morena, mi o ka na moroaue yañ? Mi boñtsi yo bogolu yoa mo utlua ka boitumelo.
38¶ Mi a ba raea mo thutoñ ea gague: Lo itise mo bakuariñ, ba ba ratañ go tsamaea mo liaparoñ tse ri telele, le go rumerisioa mo mebileñ ea thekelo,
39Le lirulo tsa ntla mo masenagogeñ, le mahelo a a kua pele mo merihoñ:
40Ba ba metsañ matlu a batlolagari, le go riha merapelo e melele, go na seipato; bauo ba tla bona tsekisho e kholu bogolu.
41¶ Mi ka Yesu a lula go lebagana le letlule ya lohumo, a bona kaha bontsi bo tsenyañ lireko mo lohumoñ. Mi bontsi yoa ba ba humileñ yoa tsenya segolu.
42Mi ga tla motlolagari oa sehumanegi, a tsenya lirekoana li tu, tse e leñ kuaderane.
43Mi ka a biletsa barutoa ba gague go ena, a ba raea, Amarure kia lo raea, Motlolagari eo, oa sehumanegi, o tsentse bogolu mo go botle ba ba tsentseñ mo tluleñ ya lohumo:
44Gona botle ba tsentse ga bogolu yoa bona, mi eo, o tsentse bobotlana yotle yo o nañ nayo, yo o tselañ ka yona.
Currently Selected:
Mareko 12: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
