Mataio 8
8
KHAOLO 8.
1KA a hologa mo thabeñ, bontsintsi yo bogolu yoa mo sala morago.
2Mi bonañ, moleperoi a tla a mo obamela, a re, Morena ha u rata, u ka ’nntlahatsa.
3Mi ka Yesu a otlolola atla sa gague, a mo ama, a re, Kia rata, u ntlahale, mi a akoha a ntlahala mo leperoñ ya gague.
4Mi Yesu a mo raea, U itise gore u si bulelele ope, mi u ee u icupetse moperiseti, mi shupa neo e Moshe o e laotseñ, go na cupo go bona.
5¶ Mi ka Yesu a tsena mo Kaperenameñ, ga tla mosenturi go ena a mo rapela,
6Mi a re, Morena, motlañka oa me o letse kua gae ka pobolo ea teteselo, mi o tlukuharicoe bogolu.
7Mi Yesu a mo raea, Ki tla ea ki mo horisa.
8Mi mosenturi a araba, a re, Morena ga kia cuanela gore u tle kua tlatse ga tlomesho tsa me, mi bua lehuku leñue, mi motlañka oa me o tla hola.
9Gone le ’na ki monona eo o mo thateñ ea ba sele, mi ki na le batlabani ba me: mi kia raea moñue, Ea, mi a ee; le eo moñue, Ntlo, mi a tle; le motlañka oa me, Riha se, mi a se rihe.
10Mi Yesu ka a utlua yalo, a gakhamala, mi a raea ba ba salañ morago, Amarure, kia lo raea, ki siñ ke ke bone tumelo e kholu yana le mo Yesereleñ.
11Mi kia lo raea, Bontsi bo tla coa kua Isete le Uesete, mi bo tla lula le Aberahame, le Yitsake, le Yakobe, mo bogosiñ yoa magorimo.
12Mi bana ba bogosi ba tla khoromelerioa kua hihiñ ye le kua ntle, kua selelo le khuranyo ea meno li tla nañ gona.
13Mi Yesu a raea mosenturi, Ea kua gae, a go gu rihahalele yaka tumelo ea gago. Mi motlañka oa gague a horisioa ka oura ouo.
14¶ Mi ka Yesu a tsena mo tluñ ea Petero a bona mogoagariague a loala ka pobolo ea mogote.
15Mi a mo ama seatla, mi pobolo ea mogote ea mo tlogela, mi a coga, a ba rihela.
16¶ Ka go na mabanyane ba lere bontsi yo bo cueroeñ ki bademona, mi a khoromeletsa ntle meoea ka lehuku; mi a horisa botle ba ba bobolañ.
17Gore go rihahale se se builoeñ ki Yesaye, moperofeti a re, O iculetse makoa a rona, mi a belega matluku a rona.
18Mi Yesu ka a bona bontsintsi yo bogolu bo mo horile, a laola go ea kua moseya.
19Mi ga tla mokuari moñue go ena, a mo raea, Rabi, ki tla gu sala morago le kua u eañ gona.
20Mi Yesu a mo raea, Liphukuye li na le mesima, le linunyane tsa legorimo li na le litlaga, mi Moroa mothu ga a na ha o ka latsañ tlogo ea gague gona.
21Mi eo moñue oa barutoa ba gague a mo raea, Morena, ’ntesa pele ki ee go hitla rre.
22Mi Yesu a mo raea, ’Ntsala morago, mi a bashui ba hitle bashui ka bona.
23¶ Mi erile a tsena mo shepeñ, barutoa ba gague ba mo sala morago.
24Mi bonañ, ga coga moroalela oa pheho o mogolu mo leoatleñ, ga tsamaea shepa sa khurumerioa ki lintelo; mi a robetse.
25Mi barutoa ba mo atamela, ba mo cosa, ba re, Morena, re buluke, rea nyelela.
26Mi a ba raea, Lo boihelañ, batumelonyana ki lona? Mi a coga a buela pheho le leoatla, mi ga na tirimalo e kholu.
27Mi bathu bo gakhamala, ba re, Ontse yañ eo, ka lipheho le leoatle li mo utlua?
28¶ Mi ka a sina hitla kua moseya, mo hatsiñ ya Bagadarini, a khatlana le ba tu ba ba cueroeñ ki bademona, ba coa mo liphupuñ, mi ba le bogale yo bogolu, mi go si ope eo o la a ka heta ka tsela euo.
29Mi bonañ, ba bitsa ba re, Re gu rihañ, uena Yesu Moroa Morimo? A u tsile monu go re tlukuhatsa, e si e ne motla?
30Mi gole gole serapa se segolu sa likolobe se hula khakala le bona.
31Mi bademona ba mo rapela, ba re, Ha u re khoromeletsa ntle, re romele kua serapeñ sa likolobe.
32Mi a ba raea, Eañ. Mi ka ba coa ba ea mo serapeñ sa likolobe: mi bonañ, serapa shotle sa likolobe sa khokologela ka logaga mo leoatleñ, mi sa shua mo metseñ.
33Mi ba ba se risañ ba tsaba, mi ka ba tsena mo motseñ, ba bulela lilo cotle tse, le tse ri rihahaletseñ bona ba ba cueroeñ ki bademona.
34Mi bonañ, motse otle o loa tla go khatlana le Yesu; mi ka ba mona, ba mo rapela gore a tlogele hatse ya bona.
Currently Selected:
Mataio 8: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
