Luka 20
20
KHAOLO 20.
1MI ga rihala, ka tsatsi leñue ya malatsi auo, ka a ruta bathu mo tempeleñ, a rera evangelio, baperiseti ba bagolu, le bakuari, le bagolu ba tla go ena;
2Mi ba bua nae, ba re, Re bulelele thata e u rihañ lilo tse ka eona? Khotsa mañ eo o gu neileñ thata e?
3Mi a araba, a ba raea, Le ’na, ki tla lo botsa huku leñue; lo ’nkarabe:
4Papetisho ea ga Yohane a e le ea coa kua legorimoñ, khotsa mo bathuñ?
5Mi ba gakololana mo go bona, ba re, Etlare ha re re, E coa kua legorimoñ, o tla re, Ana lo lo sa mo rumeleleñ?
6Mi etlare ha re re, E coa mo bathuñ; bathu botle ba tla re khobotletsa ka maye: gone ba itse rure ha Yohane e le le moperofeti.
7Mi ba araba, ba re, Ga re itse kua e coañ gona.
8Mi Yesu a ba raea, Le ’na ga ki lo bulelele thata e ki rihañ lilo tse ka eona.
9Mi a simolola go bua secuanco se le bathu: Monona moñue a tloma tsimo ea movine, a e laleletsa barihi‐tsimo, mi a etela kua hatsiñ le sele ka motla o mo lele.
10Mi a roma motlañka go barihimo motleñ oa louñuo, gore ba mo nee louñuo loa tsimo ea movine; mi barihi‐tsimo ba metsa, ba mosa a sina sepe.
11Mi a ba a roma motlañka eo moñue; mi le ena ba metsa, mi ba mo riha botlabisa litloñ, mi ba mosa a sina sepe.
12Mi a ba a roma oa bo‐teri; mi le ena ba mo kuenesetsa, mi ba mo khoromeletsa kua ntle.
13Mi morena oa tsimo ea movine a re, Ki tla rihañ? Ki tla roma moroake, eo ki mo ratañ; etlare khotsa ba moihe ba mona.
14Mi ka barihi tsimo ba mona ba gakololana mogo, ba re, Eo ki ena oa boshua; tlañ, re molaeeñ, gore boshua e rihe yoa rona.
15Mi ka ba sina mo khoromeletsa ntle ga tsimo ea movine, ba molaea. Mi yalo morena oa tsimo ea movine o tla ba rihelañ?
16O tla tla, mi a senya barihi‐tsimo ba, mi o tla nela tsimo ea movine ba sele. Mi ka ba utlua yalo, ba re, A go si ne yalo.
17Mi a ba leba, a re, Mi eñ se, se se kuariloeñ, Leincue ye baagi ba le latlileñ, ki yeona ka yeosi le rihegile motheo oa khokhoco?
18Mi leha e le mañmañ eo o oelañ mo incueñ ye, o tla papetlega; mi eo, le mo oelañ, le tla mo phatlakana.
19¶ Mi baperiseti ba bagolu le bakuari ba batla go mela liatla mo oureñ ouo; mi ba boiha bathu; gone ba lemoga ha a bua secuanco se kaga bona.
20Mi ba mo lepa, mi ba roma batlori ba ba ipaeañ tsiamo, gore ba mo cuare mo thutoñ ea gague, go mo nela mo thateñ le mo taoloñ ea molaori oa motse.
21Mi ba motsa, ba re, Rabi, rea itse ha u bua mi u ruta ka tsiamo, mi ga u cule cuano ea ope, mi ua ruta tsela ea Morimo mo amarureñ.
22A ki taolo go rona go naea Kaisare lekhetho, khotsa nya?
23Mi ka a lemoga tsieco ea bona, a ba raea, Lo ’nthaelelañ?
24’Ncupetsañ denari. Secuanco le lokualo loa ga mañ lo mo go eona? Mi ba araba ba re, Loa ga Kaisare.
25Mi a ba raea, Ki gona naeañ Kaisare lilo tse e leñ tsa ga Kaisare, mi lo nee Morimo lilo tse e leñ tsa Morimo.
26Mi ba reteleloa ki go mo cuara mo hukuñ ya gague ha pele ga bathu; mi ba gakhamarioa ki karabo ea gague, mi ba ririmala.
27¶ Mi ga tla go ena bañue ba Basadukai ba ba latolañ cogo ea bashui; mi ba motsa,
28Ba re, Rabi, Moshe o la a re kualela, a re, Ha moñue mogoluue a shua, a na le mosari, mi ha a shua a sina bana, monnaue a tla cula mosari oa gague, go cosetsa mogoluue losika.
29Mi gabo gole bomoroa mothu ba seven; mi oa ntla a nyala mosari, mi a shua a sina bana.
30Mi oa bo‐tu a nyala mosari eo, mi le ena a shua a sina bana.
31Mi oa bo‐teri a mo cula, le ba seven, ga na hela yalo; mi ba shua hela, ba sa tlogele ñuana ope.
32Mi mosari le ena a shua bohelo yoa bona botle.
33Ki gona mo cogoñ ea bashui, o tla na mosari oa ga mañ mo go bona? gone ba seven ba le ba mo nyetse botle.
34Mi Yesu a araba, a ba raea, Bana ba lehatse yenu ba nyala, mi ba neoa mo nyaloñ.
35Mi ba ba tla kaioañ ba cuanetse go bona hatse ye leñue, le cogo mo bashuiñ, ga ba kitla ba nyala, mi ga ba neoe mo nyaloñ.
36Le gona ga ba kake ba tlola ba shua; gone ba cuana le baengele; mi e le bana ba Morimo, gone e le bana ba cogo ea bashui.
37Mi Moshe le ena o la a shupa kua setlareñ ha bashui ba tla coga, ka a bitsa Yehova, Morimo oa ga Aberahame, le Morimo oa ga Yitsake, le Morimo oa ga Yakobe.
38Yana, Morimo ga si oa bashui, mi e le oa batseri; gone botle ba tsela ka ona.
39¶ Mi bañue ba bakuari ba araba ba re, Rabi, u buile seiñtle.
40Mi ba si ka ba tlola ba leka go motsa poco epe.
41Mi a ba raea, Ba reñ, Keresete e le Moroa Davide?
42Mi Davide ka esi oa bua mo bukeñ ea Lipsalem, Yehova o a la raea Morena oa me, Lula ha atleñ sa me se se siameñ,
43Ki tle ki tsamaee ki rihe baba ba gago serulo sa nao tsa gago.
44Ki gona Davide o mitsa Morena oa gague; ontse moroaue yañ?
45¶ Mi a raea burutoa ba gague mo kutluoñ ea bona botle,
46Itiseñ mo bakuariñ ba ba eletsañ go tsamaea mo liaparoñ tse ri khokhotañ, mi ba rata litumerisho mo mebileñ ea thekelo, le litulo tse ri kholu mo masenagogeñ, le mo lituloñ tse ri kua pele mo merihoñ;
47Ba ba ’mmetsañ matlu a batlolagari, mi ba riha merapelo e melele go na seipato. Ba, ba tla bona tsekisho e kholu bogolu.
Currently Selected:
Luka 20: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
