Luka 2
2
KHAOLO 2.
1MI ga rihala mo metleñ euo, ga coa taolo go Kaisare Aguseto, gore lehatse yeotle le kualoe.
2(Lokualo lo, loa ntla, lo lo kuariloe ka Kairenaio a le molaori oa Siria.)
3Mi botle ba ea go kualoa, moñue le moñue a ea kua motseñ oa gague.
4Mi Yosefe, le ena, a ea a coa Nasareteñ motse oa Galilea, a ea kua motseñ oa ga Davide, o o mo Yuda, o o birioañ Beteleheme, (gone a la le oa ntlu, le oa losika loa ga Davide,)
5Go kualoa, le Marie mogatse, eo o beelecoeñ, eo o ithueleñ.
6Mi ga rihala ka ba sa le gona, ga tla malatsi a o tla belegañ ka aona.
7Mi a belega moroaue oa ntla, mi a mohelela ka matsela, mi a mo latsa mo boyeloñ yoa lipitse; gone gole go sina bonno go bona mo tluñ ea baeti.
8Mi gabo gole barisa mo nageñ, mo hatsiñ yeuo, ba ba risitseñ lecomane ya bona mo bosigoñ.
9Mi, bonañ, moengele oa Morena a ema ha go bona, mi khalalelo ea Morena ea phatsima mo ntleñ cotle tsa bona, mi ba boiha ka poiho e kholu.
10Mi moengele a ba raea, Si boiheñ; gone, bonañ, kia lo leretsa mahuku a molemo, a a tla nañ boitumelo yo bogolu, le mo bathuñ botle.
11Gone lo tsalecoe Moluki mo motseñ oa ga Davide gompienu, eo o leñ Keresete, Morena.
12Mi se, se tla na cupo go lona; lo tla bona ñuanyana a bohelecoe ka matsela, a letse mo boyeloñ yoa lipitse.
13Mi bontsintsi yoa ntua ea legorimo yoa na le moengele ka bonako, yo bo bakañ Morimo, bo re,
14Khalalelo a e ne Morimoñ mo magorimoñ a bogorimo bogolu, le kagisho e ne mo hatsiñ, le nateho e ne mo bathuñ.
15Mi ga rihala, ka baengele ba ba tlogela, ba ea kua legorimoñ, barisa ba rana, A re eeñ yana kua Beteleheme, mi re bone seo se, se se rihahetseñ, se Morena o se re itsisitseñ.
16Mi ba tla ka bonako, mi ba bona Marie le Yosefe, le ñuanyana eo o laricoeñ mo boyeloñ yoa lipitse.
17Mi ka ba sina bona seuo, ba itsise mo ntleñ cotle lehuku ye ba le bulelecoeñ ga ñuana eo.
18Mi botle ba ba utluañ, ba gakhamarioa ki lilo tse barisa ba ri ba buleletseñ.
19Mi Marie a buluka lilo tse cotle, mi a li gakologeloa mo peluñ ea gague.
20Mi barisa ba rulara, ba galaletsa Morimo, ba o baka ka ntla ea cona cotle tse ba li utluileñ, le tse ba li bonyeñ, yaka ba bulelecoe.
21Mi malatsi a eit a sina heta, a ba isañ ñuana boguera ka aona, eabo leina ya gague le birioa YESU, ye le biricoeñ ki moengele a e si a ithualoe mo sebopeloñ.
22Mi malatsi a boiñtlahaco yoa gague a sina heta, yaka molao oa ga Moshe, ba mo isa kua Yerusalema, go mo shupa ha pele ga Morena;
23Yaka go kuariloe mo molaoñ oa Morena, Monona moñue le moñue oa maitibolo o tla bilerioa boitsepho Moreneñ;
24Gore ba nee cupelo maphui a le ma tu, leha e le matseba a le ma tu, yaka go builoe mo molaoñ oa Morena.
25Mi, bonañ, gabo gole monona mo Yerusalema, leina ya gague e le le Simeone; mi monona eouo a bo a siame, e le moihi Morimo, a lebeletse khomoco ea Yeserela; mi Moea oa Boitsepho o lo le go ena.
26Mi a bulelecoe ki Moea oa Boitsepho, ha a si kitla a shua, a e si a bone Keresete oa Morena pele.
27Mi a tla, a gogeloa ki Moea mo tempeleñ. Mi ka bagolu ba lere ñuana Yesu, go mo rihela yaka temalo ea molao,
28A mo cula ka mabogo a gague, mi a baka Morimo, mi a re,
29Morena, yana ua lesa kala ea gago go ea mo kagishoñ, yaka huku ya gago;
30Gone maitlo a me a bonye puluko ea gago,
31E u e etleritseñ ha pele ga pono ea bathu botle;
32Leseri go bonesa bahaitene, le khalalelo ea Yeserela, bathu ba gago.
33Mi Yosefe le mague, ba gakhamala mo liloñ tse li builoeñ ga gague.
34Mi Simeone a ba tsegohatsa, mi a bua le Marie mague, Bona, ñuana eo, o beecoe koo le cogo ea bontsi mo Yesereleñ; sebeo se se tla ganerioañ;
35Le gona lerumo le tla tlaba moea oa gago, gore megopolo ea pelu lintsi e bonatsioe.
36Gabo gole Ane moperofeti oa sesari, moroaria Fanuele, oa losika loa Asera. Eo, o la a le mo bocoheñ yo bogolu, mi o la a aga le monona oa gague ka nyaga li seven, morago ga bokharebe yoa gague;
37Mi eabo e le le motlolagari, mi bocohe yoa gague bo kane bo le linyaga li eite for; eo o sa tlogeleñ tempela, mi a rihela Morimo ka mabisho ma yo, le lithapelo, ka bosigo le motsegare.
38Mi a tla mo motleñ ouo, mi a ipobolela Morena, mi a bua ga gague le bathu botle, ba ba lebeletseñ thekololo mo Yerusalema.
39Mi ba sina go riha lilo cotle yaka molao oa Morena, ba boela kua Galilea, kua Nasareta, motse oa bona.
40Mi ñuana a gola, a thatahala mo moeeñ, a tlarioa ka botlale; mi tsegohaco ea Morimo e le le go ena.
41Mi bagolu ba gague ba ea Yerusalema go morihoñ oa Tlolaganyo ka ñuaga ñuaga.
42Mi ka bogolu yoa gague bo le linyaga li tuelev, ba ea Yerusalema yaka temalo ea moriho.
43Mi ka malatsi a sina heta, mi ka ba boea, ñuana Yesu a tlola morago mo Yerusalema; mi Yosefe le mague ba sa itse mouo.
44Mi ka ba itloma a le mo leshomoñ ye le mo tseleñ, ba etela pele loeto loa tsatsi leñue; mi ba matla mo litsaleñ tsa bona, le mo go bona ba ba ba itseñ.
45Mi ka ba sa mone, ba ba ba boela kua Yerusalema, ba matla.
46Mi ga rihala malatsi a teri a sina heta, ba mona mo tempeleñ, a rutse ha gare ga baruti, a ba utlua, a ba botsa lipoco.
47Mi botle ba ba mo utluañ ba gakhamarioa ki tlaloganyo le likarabo tsa gague.
48Mi erile ba mona ba gakhamala, mi mague a mo raea, Ñuana, u lu u re riha yañ yalo? Bona, rago le ’na re gu batlile ka bohutsana.
49Mi a ba raea Lo lo ’mpatlelañ? A ga loa ka loa itse ha ki cuanetse go na mo go tsa ga Rre?
50Mi ba si ka ba tlaloganya huku ye o le buañ nabo.
51Mi a ea nabo, mi ba hitla mo Nasareta, mi a ba utlua. Mi mague a buluka lilo tse cotle mo peluñ ea gague.
52Mi Yesu a tota mo botlaleñ, le mo bogoluñ, le mo tsegohacoñ ea Morimo le bathu.
Currently Selected:
Luka 2: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
