Litiho tsa Baapostoloi 8
8
KHAOLO 8.
1MI Saulo a khatlegile mo loshuñ loa gague. Mi pogisho e kholu e le ea rihahalela ekelesia e e mo Yerusalema ka metla euo; mi ba halarioa botle mo mahatsiñ aotle a Yudea le Samaria, mi esiñ baaposotoloi.
2Mi banona baboihi Morimo ba belegela Setefano go phitloñ, mi ba riha telelo e kholu ka ntla ea gague.
3Mi Saulo antse a senya ekelesia, a tsena mo matluñ, a shuatola banona le basari, a ba tsenya mo tluñ ea kholegelo.
4Mi yana ba ba halaricoeñ ba ralala ntla cotle, ba rera lehuku.
5Mi Filipo a ea kua motseñ oa Samaria, a ba rerela Keresete.
6Mi bontsintsi yoa elatloko lilo tse Filipo o li buañ, ka ba utlua, ba bona cupo tse o ri rihañ.
7Gone bantsi ba ba le ba na le meoea e e mashue e le ea coa e bitsa ka koru tse ri kholu; mi bantsi ba ba teteselañ, le batlotsi, ba horisioa.
8Mi ga na boitumelo yo bogolu mo motseñ o.
9Mi gabo gole monona moñue, eo o birioañ Simone, eo o la a na pele mo motseñ, a löa, a silohatsa bathu ba Samaria, a ba raea ga gague ha a le moñue eo mogolugolu.
10Eo ba le ba mo tsatsia, eo mogolu le go eo motlana, ba re, Eo ki ena thata e kholu ea Morimo.
11Mi ba mo ñaparela, gone a sibolo ba silohatsa ka litoo tsa gague.
12Mi erile ba rumela Filipo, ka a rera lilo tsa bogosi yoa Morimo, le tsa leina ya ga Yesur Keresete, ba bapetisioa, banona le basari.
13Mi Simone le ena a rumela; mi ka a sina bapetisioa, a na ka gale le Filipo, mi ka a bona likhakhamaco le rithata tse ri kholu tse ri rihoañ, a gakhamala segolu.
14Mi yana, ka baapostoloi ba ba leñ kua Yerusalema ba utlua, ha Basamaria ba cutse lehuku ya Morimo, ba ba romela Petero le Yohane;
15Ba erileñ ba tla, ba ba rapelela, gore ba cule Moea oa Boitsepho:
16Gone o lo e si o ke o oele go moñue oa bona; mi ba le ba bapetisioa gosi mo ineñ ya ga Yesu Morena.
17Eriha gona ba ba baeañ liatla, mi ba cula Moea oa Boitsepho.
18Mi ka Simone a bona ha Moea oa Boitsepho o necoe ka peo ea liatla tsa baapostoloi, a shupa go ba naea lireko,
19A re, Le ’na ’nnaeañ thata e, gore moñue le moñue eo ki maeañ liatla a cule Moea oa Boitsepho.
20Mi Petero a mo raea, Lireko tsa gago a li senyege le uena, gone u itlomile ha neo ea Morimo e rekoa ka lireko.
21Ga u na kabelo, le esiñ boshua mo hukuñ ye; gone pelu ea gago e sa siama ha pele ga Morimo.
22Tlabologa tle mo boleoñ yo yoa gago, mi u rapele Morimo, e tle e re khotsa khakologelo e, ea pelu ea gago e icuareloe.
23Gone kia lemoga ha u le mo santlukueñ se se galakañ, le mo khunaganyoñ ea tsiamololo.
24Eriha gona Simone o arabañ, a re, ’Nthapelelañ Moreneñ, gore go si tle sepe go ’na sa lilo tse lo li buileñ.
25Mi yana ba rile ba sina shupa, ba rera lehuku ya Morena, ba ba ba boela kua Yerusalema, mi ba rera evañgelio mo metsaneñ e mentsi ea Basamaria.
26Mi moengele oa Morena a bua le Filipo, a re, Tloga u eme, mi u ee kua ntleñ ea Southa, kua tseleñ e e coañ Yerusalema e ea kua Gasa, e e leñ gareganaga.
27Mi a tloga a ema a ea; mi bonañ, monona oa Etiopia, mouneki oa taolo e kholu mo bogosiñ yoa ga Kandase, khosi ea sesari ea Baetiopia, eo o nañ le tisho mo lohumoñ lotle loa gague, mi o la a tletse go obamela mo Yerusalema,
28Mi a bo a boea, mi a rutse mo carioteñ ea gague, a buisa Yesaye moperofeti.
29Mi Moea oa raea Filipo, Ea, u kopane le cariota e.
30Mi Filipo a tabogela gona, a mo utlua a buisa Yesaye moperofeti, mi a re, A u tlaloganya se u se buisañ?
31Mi a re, ’Nka tlaloganya yañ, ha ki sa kaeloe ki moñue? Mi a lopa Filipo gore a palame, a lule nae.
32Mi khaolo ea lo kualo e o buisañ go eona, e le le e, O la a gogeloa yaka ñku kua tlaboñ, mi yaka kuana e sa bue ha pele ga meori oa eona, le ena a si ka a bula molomo oa gague.
33Tsiamisho ea gague e la ea tlosioa mo bonoloñ yoa gague: mi losika loa gague lo ka buleloa emañ? gone botselo yoa gague bo tlosioa mo hatsiñ.
34Mi mouneki a araba Filipo a re, Kia gu rapela, moperofeti eo, o bua yalo ga mañ? ga gague, khotsa ga mothu eo moñue?
35Mi Filipo a tumolola molomo oa gague, mi a simolola ka kualo lo, a mo rerela Yesu.
36Mi ka ba ea mo tseleñ, ba hitla ha metseñ mañue; mi mouneki a re, Bona, metse ki a; ki khorelerioa ki eñ go bapetisioa?
37Mi Filipo a re, Ekare ha u rumela ka pelu eotle ea gago, go ka na yalo. Mi a araba, a re, Kia rumela ha Yesu Keresete e le Moroa Morimo.
38Mi a laola cariota go ema; mi ba hologela mogo mo metseñ, ena Filipo le mouneki; mi a mo bapetisa.
39Mi ka ba tlatloga mo metseñ, Moea oa Morena oa tlosa Filipe, mi mouneki a sa ka a tlola a mona; gone a eta mo tseleñ ea gague ka boitumelo.
40Mi Filipo a bonoa mo Asoto; mi ka a ralala a rera evangelio mo metseñ eotle, a tsamaea a tla go Kaisarea.
Currently Selected:
Litiho tsa Baapostoloi 8: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
