MA-TAI 24
24
DSA̱̍NG NYÍ DSÌP SI̍.
1Iei-su wo̍k liao ndăn diê̱n, tu dĭ mă, vi náng rà̱n diê̱n zâeo dı̍ nguóng.
2Iei-su lăng sa̍o dı̍ nào, ka̍i su̍ nguóng náng iàng iàng ni má? Ku̍ lăng ka̍i su̍ nào dsı̍ng, dso̍ lia̍ng ni lâi mì li ka̍e rĭn ndiăo dô dso̍ săng rĭn, du̍ng lâi lièt váe.
3Dsò̤ Iei-su dso̍ bŏ kan lan ráng dso̍, tu dĭ bè ndík mă nào, sı̍n lăng ka̍i du̍ nào, dsò̤ laèo li náng rĕ ni? mèng lâi mă dà̱ng rò̤ng uàn liao săng bò̤ng lâi li ĭn iàng mà?
4Iei-su nào, ka̍i su̍ mâe rĕh gíp ndai dù uèn ió su̍.
5I̍n uĕi li be laèo dù uèn lâi mâu dsó ku̍ mă, ká nào ku̍ shĭ Gi-du, iei lâi ió be laèo dù uèn.
6Ka̍i su̍ lâi nyĭ rĕ dì dsă̱ng rò̤ng ĭng rùm dì dsă̱ng, niâng vâng, náng rĕ ni shĭ mâe li, bàn dă hai mì shĭ sà hò.
7Bia̍k sı̍ng lâi dì biàk sìng, kuèh lâi dì kuèh, yo̤̍k lò̤n, bíng iê̱n, nám rìn, lia̍ng lia̍ng lâi li.
8Náng rĕ ni shĭ năn niép kâu ndu.
9Ra̍ dı̍ dù uèn lâi hăn za̍i ka̍i su̍, lâi kâ ka̍i su̍, ka̍i su̍ uĕi dsó ku̍ lâi dò̤k ván kuèh zĕn.
10Ra̍ di̍ be laèo dù uèn lâi da̍ diák, váng ni váng dı̍ kĕn ba̱̍k bău, váng ni váng dı̍ dung zĕn.
11Li be laèo dsa̍ mâu bu ro ko̍an lâi re̍n mă, lo dù uèn lăe.
12I̍n uĕi rĕ lĕn kó lăe, mì rào dù uèn dsŏ̤ ngáe nâ nâ dsam liao.
13Kák li dù uèn kuôm dà̱ng dî lâi ndai gĭu.
14Fù ı̍n kuèh mbĕn lâi tsuan dó dî bò̤ng lăng ván kuèh kó bák só, uàn sà hò dsîu mă dà̱ng.
15Uĕi mà ka̍i su̍ nguóng răn ka̍i bàn vò̤ o̍m dăn, bu ro ko̍an Da-ni-li kâng, dso̍ lia̍ng sen sòng dso̍, váng laèo nĭn ka̍i sĕ ni mâe dsĭm sák.
16Dsò̤ dı̍ dù uèn dso̍ ndăeo Iu-tai mâe diào dà̱ng sâng bŏ.
17Dù uèn dso̍ săng rà̱n niâng mă lâ dò̤ ku̍ liéng ndăeo rà̱n.
18Dso̍ ndăeo nà niâng da̍u mâ dò̤ ka̍e bú dı̍.
19Uàn dı̍ dsa iá rúng lék, rò̤ng bu kŏ̤ néh shĭ li hŏ.
20Ka̍i su̍ mâe dáo kâu, gíp ndai ra̍ ka̍i su̍ băi diào bùng ndò̤n dsiang rò̤ng uàn î na̍e.
21Ra̍ dı̍ lâi li năn ndu̍m, sung dsau mbĕn dsau ndăn só dà̱ng dsĭn ni, mì li ka̍i năn iàng ni, dà̱ng lăng iei mì dái li.
22Nò mì gié̱n sîu náng uàn dı̍, dsi mì li váng laèo ndai gĭu, dseh shĭ uĕi bu dò̤k liéh náng uàn ndı̍ lâi gié̱n sîu.
23Dsò̤ dı̍ nò li dù uèn lăng ka̍i su̍ nào, Gi-du dso̍ lia̍ng ni, Gi-du dso̍ lia̍ng zân, niâng sĭn dsàn.
24I̍n uĕi bu dsa̍ kó Gi-du, dsa̍ kó bu ro ko̍an lâi re̍n mă, kó rĕ ĭn rò̤ng rĕ sák kák ndu̍m, nò ndai ió bu dò̤k liéh dsîu lâi ió sa̍o dı̍ liao.
25Ka̍i rĕ ni ku̍ ko̍an lăng ka̍i su̍ nào.
26Nò li dù uèn lăng ka̍i su̍ nào, Gi-du dso̍ ndăeo diê̱n vò̤, ka̍i su̍ niâng wo̍k băi, nào Gi-du dso̍ ndăeo ndăn ràn làk, ka̍i su̍ niâng sĭn dsàn.
27Lŭm bâ dso̍ báe du̍ng duông dsău dà̱ng báe săi̍, lèk dù uèn mă dà̱ng iei shĭ iàng ni.
28Ndăng nó dso̍ lia̍ng laèo, dù ruóm dsîu dso̍ lia̍ng dı̍ dung ru̍ong.
29Ka̍i năn náng uàn ni ku̍a lăng, ndăn da̍ng uàn dsîu lâi bı̍n láp, ruóng ndò̤n iei mì dsu̱̍ng duông, náng ndău ndi dso̍ săng mbĕn lâi dók mă lâ, ka̍i riàng dso̍ săng mbĕn lâi dò̤k nyín nĭng.
30Dsò̤ dı̍ ka̍i ĭn lèk dù uèn dso̍ săng mbĕn lâi shiê̱n wo̍k, da̍ng kă̱ ba̍o dso̍ dî ndăn lâi kòk dâe, yu̍ lâi nguóng răn lèk dù uèn ndai riàng ndu̍m dsiâng mba̍o ndu̍m dso̍ săng û mă dà̱ng.
31Dı̍ lâi ya̍p tie̱̍n sí di̍, bo̍ ba ĭng ndu̍m, ăo bu dò̤k liéh dı̍ sung sı̍ bûng lâ mbĕn du̍ng ruŏm mă.
32Ka̍i su̍ mâe ăo kô vae kó bí vâng, dsò̤ nyĭ vae we̍n núm kăng mbăeo, ka̍i su̍ dsi ro ndŏ̤n riăm dà̱ng zăn.
33Ka̍i su̍ nguóng răn náng rĕ ni, iei dsîu ro dsò̤ dı̍ kae̍o mă dà̱ng ruók dŭ liao.
34Ku̍ lăng ka̍i su̍ nào dsı̍ng, dsîu ni ví ku̍a băi ka̍i rĕ ni du̍ng lâi kó bàn.
35Mbĕn nám lâi váe, za̍o ku̍ du̍ng mì váe.
36Bàn dă uàn dı̍ dsò̤ dı̍ mì li váng laèo ro, tie̱̍n sí̤ iei mì ro, lèk iei mì ro, kák li váng Bó ro.
37Lèk dù uèn mă dà̱ng lâi lûm dsò No-ia.
38Ndŏ̤n uàn dso̍ ko̍an ram dúm, sa̍o di̍ kĕn sèt za̍ dsu só dà̱ng uàn No-ia dsít băi̍ ndăn rù ndu̍m, lèk dù uèn mâ dà̱ng iei lâi lûm ka̍i iàng di̍.
39Sa̍o di̍ mì ro mì laèo ram dúm dsi mă dà̱ng dsuók sa̍o di̍ liao sa̍o băi liao, lèk dù uèn mă dà̱ng iei lâi lûm ka̍i iàng dı̍.
40Ra̍ dı̍ li suŏng uèn dso̍ ndăeo nà, lâi dò̤ váng ndiăo băi, vì̱t váng ndiăo dô.
41Li suŏng iá ba̍n mén lâi dò̤ iá ndiăo băi̍, vì̱t iá ndiăo dô.
42Uĕi̍ mà ka̍i su̍ mâe rĕh, ı̍n uĕi̍ mì ro váng Sû ka̍i su̍ lâi dsò̤ laèo mă dà̱ng.
43Nò shĭ su ra̱n ro dié̱n ngèn dsĭn laèo li bu ndíp lâi mă, di̍ dsi lâi rĕh, mì zâeo ndíp mbét dsuóng dsít rà̱n, ka̍i ni shĭ ka̍i su̍ ro.
44Uĕi̍ mà ka̍i su̍ mâe sái ndă, ı̍n uĕi dsò̤ dsĭm mì dà̱ng lèk dù uèn lâi mă.
45Váng laèo shĭ bu ua̍e shiĕ̱n só dsín ko̤ng, váng sû ràn lâi zâeo dı̍ kuô̤n bu rò̤ng yu̍ dı̍, da̍ng dsò̤ băn ka̍i kĕn zâeo sa̍o dı̍.
46Váng sŭ da̍u mă nguóng răn dù ua̍e iàng ni băn rĕ, dù ua̍e ni dsîu li fù.
47Ku̍ lăng ka̍i su̍ nào dsing, Váng sû lâi ăo náng iàng dı̍ li zâeo dı̍ kuô̤n.
48Nò shĭ váng dù ua̍e ya̍k, ndăeo dsò̤ nào, váng sû ku̍ mă lua̍t,
49Dsîu dŭng véng dua̍i váng ban dı̍, yu̍ rò̤ng bu dăe lâu kĕn sèt,
50Uàn dsĭm mì dà̱ng, dsò̤ dı̍ mì ro váng sû dù ua̍e lâi dà̱ng.
51Nák nák dsĭ dı̍, niáp dı̍ dà̱ng bò̤ng bu dsa̍ mâu ndĭ sû shin lăng sa̍o dı̍ iàng ndiăo, dso̍ lia̍ng dı̍ lâi li sèt dâe rièk vàn.
Currently Selected:
MA-TAI 24: BY1904
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
