Zakaria 5
5
1KE inya hmetu oge me bwela me wâ, ke wâ bi tusi adre vhec at ame gâ. 2Ke e ame ha könya, ka habe, Ieû u je wâ? ke haingök ka habe, Inya oge me wâ tusi adre vhec ame gâ; twente kubit ibeûen e, ke ten kubit ûlauen. 3Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e. 4Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.
5Me ame he but angela at ame ûhnenamö mönya, me ha könya, ka habe, Bwele thö walang ang, me wâ thö ie ûnyi ang ame he but. 6Ke haingök, ka habe, A ieû e? Ke e ame ha könya, ka habe, Walang efa at ame he. Ke haingen, ka habe, Walang hnân oûcû ödra hnyi hnyei hia: 7(ke wâ bi, adre me kap görany ai talan led:) ke walang ke momo ame laba hnyi wanben efa. 8Ke haingen, ka habe, Wale Hwakecin ae Kong; ke e ame khûâ hnyikânâi momo, ka hnyi wanben efa: me e ame khûâ tulut led ka hnyi hnyimen ûnyi e. 9Ke inya oge me bwele me wâ, ke wâ bi, li momo ödru me o, ke e hnyi li labenyidru ang; ke ve hu labenyidru helâ me labenyin kasida: ke ödru me kap goranyai efa hnyi wanben hmeledrany me drany. 10Me oge me ha ka angela, at ame ûhnenamö mönya, ka habe, Ödru me hom kâ efa? 11Ke haingen könya, ka habe, Ödru me he ka bi umen uma hnyi hnyei Sinara: ke e ka penapena, adre me he ka ip momo hnyin wale hnyi hing taben lap.
Currently Selected:
Zakaria 5: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
