Zakaria 2
2
1KE oge me bwele thö, me wâ, ke wâ bi, at ae hu tulut tö hnyi hnyamen. 2Me haingök, ka habe, U me he kâ? Me e ame thu könya, ka habe, Oge me he ka tuluto Jerusalema me wâ ûlauen ke ibeûen. 3Ke wâ bi, ame he but angela at ame ûhnenamö mönya, ke ame he ke angela bi ka ûkhanö më, 4me haingen kâu, ka habe, Më wadring dö he ka ha ka hidröu eling, ka habe, Adre me he bi ka labâ Jerusalema helâ me je taun ae ba haginy, anyin ae se hia but tavat me meno hnyi wanben e. 5Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e. 6E, e, kec dö ûnyi hnyi hnyei hnyi hwadro, haingö Iehova: anyin a oge biâ but ovesei öbun helâ me vak ta ang hnyi drany, haingö Iehovä. 7Ziona lö, kec möt dö, u at ame laba unyin lakon Babulona. 8Anyin a walang hna ha hnö Iehova tuhan sabaoth, ka habe, E ame hia but kunö nya ka hnyi je hnyei iny tavat adre me sei öbun he ka hom hmanenang: anyin a haba at ame kalʼ öbun, me ame ka kâlâ wan emakan bi. 9Ke wâ bi oge me he ka nyinyikâ hnyamok hudra, me ame he ka sei ödra hnen tavat waleji adre me bi lathnyaba kodra; mʼ öbun e he ka wâ a ga, kunö nya Iehova tuhan sabaoth. 10Khumöng dö ke senyin, u hluiny Ziona: anyin a wâ bi, oge me he, me oge me he ka laba hnyi wanbâm, haingö Iehova. 11Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth. 12Ke ame he Iehova ka laba hnyi Juda, wale hwajekhon hnyi hnyei ae kap, me ame he bi ka ûca Jerusalema. 13Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.
Currently Selected:
Zakaria 2: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
