Hosea 14
14
1ISARAELA lö, hmetu ju kö Iehova Khongom; anyin a u je ta but ge ânyâm hulo. 2Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun. 3Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra. 4Oge me he ka osoâ hna digic nya gadra: anyin ame hwio gadra anyik hmonyin. 5Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona. 6Ame he ka gan je angin, ke ame he hmanenanginy ka helâ me elaio, ke bunen ame he ka helâ me Lebanona. 7Ame he tavat adre me laba hnyi hmenon ka hmetu; adre me he ka mot hmetu helâ me hwit, me vhong helâ me vine: ame he ka helâ me wainainy Lebanona bunen. 8Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam. 9Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.
Currently Selected:
Hosea 14: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
