Habakuka 2
2
1OGE me he ka tot hnyi hnok hna hmâkâ, me laba hon tap tue, ke oge me he ka selâdrâ me long hofuc e ame he ka ha kônya, ke hofuc oge me he ka thu ge hnok hna tenge. 2Ke haba Iehova ame thu kônya me ha, ka habe, Sihnalimen ju hna omanenâ, me kave hnyi je taben, me me he ka aû ge tavat adre me wadring bi. 3Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec. 4Wâ bi, ame bi gan hnyekon, kʼ ame ca fofâ bi eû hnyin: ke ame he at ae wisa hwakecin ka möt hnen anyin labageju. 5Eke, haba waina, ame at iyawö, ke at bi gan, kʼ ame ca laba hmâ hnyi hing hnyaban bi; ke ame ogânâ weny helâ me hedis, kʼ ame helâ me mok, kʼ ame ca sekon bi, ke e ame ûkhacaköuâ unyin ta je hnyei hia, kʼ ame hlo tavat hia thithö. 6Hawa, ame ca he tavat ang hia ka ha ûböûcû gan, me vejec hnân ûhiö kâu, me ha, ka habe, Ekölö ge at ame ca osehia ta je ûnyi a ca anyin bi! ke ne o but kehö? ke at minya ame osehia ta je haten hna hok gufa! 7Hawa, adre me ca he ka ie tot tavat adre me he ka ûlû u, ke hmak bi tavat adre me he ka oveci u, mʼ u me he ka hnân söh kodra? 8Anyin a u je hia but söh ta je hnyei ae se hia, me ame he ka sei u hnen ta je kolon ta je hnyei hia; can dren tavat, me ûokonguny adre me ânyâ ka hnyei, me taun me tavat hia adre me labâ e.
9Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon! 10U je hia but ûnykûme ûnyi hnân ohmehma ânyâm lap, hnyi hnâm hna subâ degecâ je hnyei ae se hia, me ânyâ hulö köu bi. 11Anyin ame he veto hnyi hna up uma ka fuc, ke ame he ka thu kâu hnen uto a venyâ.
12Ekölö ge at ame otilâ ke taun ge dra, me ohmâ taun hnyi hwakecin ae kong! 13Wâ bi, hawa, ca ûnyi ga Iehova tuhan sabaoth a ame he tavat ka huliwa hobi kâu meic, me ame he je hnyei ka osēnyini ödra hnyi ûnyi ae ûnyi baû? 14Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.
15Ekölö ge at ame habelen waeny, ame bihanen ânyâm hmonyin kâu, ke ame omono e, mʼ u me ke ka ö ʼdrin ae ba ûkhaû! 16U je unöngötö ge hmehma ke ca hmanenang bi: bethe ic dö minya, mʼ u me helâ me at adre ca peritomonâ: adre me he ka wia köu kaiainy hnyam a metö Iehova, ke ame he ka e bi hon ânyâm hmanenang hmehma ae ikiki. 17Anyin ame he ka tubi u hnen ûokonguny ka Lebanona, me hna ohia je meno wale ame ooti ödrin; can dren at, me ûokonguny ka hnyei, me taun me tavat adre me labā e.
18Ieû troban hnatheat me me huliwan e hnen at ame op e; me idola adre oköiâ, me at ame nâ thoi, me me labageju kâu at ame huliwan bi, he ka ânyâ je idola ae hum. 19Ekölö ge at ame ha ka uto, ka habe, Hmak dö: me ka veto ame ca fuc, ka habe, Todrö! Hawa, ame he ka ûnö ûnyi ang? Wâ bi adre tube e ge gol me sileva, ke ba hmonyin homenâ eû hnyin e. 20Ke e bi Iehova hnyi hnyin umen uma ae kap: e so ame he hmeledrany hia ka laba hnyibû ju hnyi hnyimakan.
Currently Selected:
Habakuka 2: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
