Joanes 9

1Is wat atga a Iesu, is ecet natimi is ethi aien is aupat nesganimtan an napos yin vaig. 2Eris ahodai yin a ilpu atimi atahaijeg yin, um ika, Ak Natimi esege, is ago nedo has a di, natimi ineigki, ka ohwat atmil o un, mika is par aupat nesganimtan aien an napos yin vaig? 3Is um ika a Iesu, Is eti ago nedo has a natimi ineigki, ka ohwat atmil o un: ja et ucco va uhpu ecetai niji auritai o Atua iran: 4eris idim ika ki ago niji auritai o un ainyak an nadiat is abrai nyak aien: et wit yetpam nepeig, inyi ehka va atimi nagovaig nauritai iran: 5ek wat amen ainyak an nobohtan, ek itai lah an nobohtan ainyak. 6Is asan tas iji eigki aien, ja par agdeise nobohtan, um ago nosal an nagdan, um aspi nesganimtai natimi iyehki an nosal is aupat nesganimtan, 7um ika ehelen, Apan aiek, um ereuc an netpen Siloam, (nesgan tas iran, Nimtan wai). Is apan aien um ereuc, um alum itai, ja par lep apan.

8Eris tas a ilpu atimi eblaamnem o un, im lep ra eris upyi ecet yin ara an naupatvaig nesganimtan aien, um ika, Aien aigki is ateuc aien um ugni itai, ka o’o? 9Eris ika nahaiji ra, Aien aigki: eris lep ika nahaiji ra, Et idivai yin aien: ja is ika aien, Ainyak um aigki. 10Eris um ika ehelen ara, Er uauo nesganimtam, par asalgei? 11Is tas aien, um ika, Is ago nosal natimi is ethi nidan Iesu, um aspi nesganimtak, um ika ehelek, Apan aiek an netpen Siloam um ereuc: kis apan ainyak um ereuc, ja et par lah nesganimtak. 12Eris um ika ehelen ara, An yek eda aien? Is um ika aien, Ek eti ato ainyak.

13Eris imyiapan ehele ilpu Farisi natimi iyehki ara, is upyi aupat nesganimtan aien. 14Is adiat atumop iyehki is ago nosal iran a Iesu, um asalgei nesganimtan. 15Eris lep ahodai yin a ilpu Farisi, um ika, Na uauo nesganimtam aiek et pah lah? Is um ika ehele ra aien, Is aspi nesganimtak an nosal aien, ja kis par ereuc ainyak, um alum itai. 16Eris ika nahaiji ilpu Farisi, Is eti ahes ehele Atua natimi ineigki, et eti apos nadiat atumop aien. Eris lep ika nahaiji ra, Et ehka vai natimi ineig et auatatimi aien nagovaig nauritai ehka iji eigki. Eris imyiisjis jipe ara. 17Eris lep ika ara ehele natimi iyehki is aupat nesganimtan, Na ikha aiek vai yin is asalgei nesganimtam aien? Is um ika aien, Et aprofeta aien. 18Ja eris eti imyiisjis ninivaijec vai yin a nupu Jutaia mika, is aupat nesganimtan aien, ja par lep lah; ja eris ahlaig vai ohwat atmil o natimi iyehki ara is lep lah nesganimtan, 19um ahodai rau, um ika, Inhal unyimirau ineigki, erau ika aijaurau is aupat nesganimtan aien an napos yin vaig, ka o’o? et uauo nesganimtan aien et pah lah an naopan ineig? 20Eris tas ehele ra ahwat atmil o un, um ika, Ecrau ato aijumrau, nikavaig, inhal unyimrau ineigki is aupat nesganimtan aien an napos yin vaig: 21ja ecrau eti ato aijumrau nedo ineig et alum itai vaig aien an naopan ineig; ecrau eti lep ato aijumrau natimi ineig is asalgei nesganimtan aien: et eti halav aien; ahodai yin: etpu asuptecnaig aien. 22Erus asan tas iji eigki ahwat atmil o un va nimtitaig nupu Jutaia urau: eris upyi asan tas alep ineigki a nupu Jutaia, um ika, el et ika tah natimi, et Kristo aien, uhpu ahlo yin an neom alaigaheni ura. 23Va nedo ineigki, eris ika ahwat atmil o un, Et eti halav aien; ahodai yin. 24Eris lep ahlaig vai natimi iyehki ara, is aupat nesganimtan, um ika ehelen, Namu imyiahpas Atua aiek: ecra ato aijama mika et atimi auatatimi natimi ineigki. 25Is tas aien, um ika, Ek eti ato ainyak, kit et atimi auatatimi aien, ka o’o: ja ek idim ato nitai ineigki ainyak, nikavaig, is aupat nesganimtak ainyak, ja ek alum itai ainyak an naopan ineig. 26Eris lep ika ehelen ara, Is ago inhe iram aien? is uauo nesganimtam aien par asalgei? 27Is um ika ehele ra aien, Ek mun idim asuptecnaig ehelemia ainyak, ja eka mun eti atahaijeg aijaua: eka lep merit aijaua natahaijegvaig vanhe? eka lep merit aijaua mika aki ilpu atimi atahaijeg yin, ka o’o? 28Eris atuh yin ara, um ika, Na atimi atahaijeg yin ache aiek; ja ecra ilpu atimi atahaijeg Moses aijama: 29ecra ato aijama, nikavaig, is tas ehele Moses a Atua: ja ecra eti ato aijama is ahes eda a nat naico. 30Is tas ehele ra a natimi iyehki, um ika, Et itai imyiali ineig mika, eka eti ato aijaua is ahes eda aien, ja is idim asalgei nesganimtak aien: 31inta idim ato akaija, nikavaig, et eti atahaijeg ilpu atimi auatatimi a Atua: ja el et alaigaheni vai Atua tah natimi, um imyiaiji intas o un, el et atahaijeg yin aien: 32eris eti atahaijeg an naopan iyehki itu acen mika, is ago lah nesganimtan tah natimi ineig is aupat nesganimtan an napos yin vaig tah natimi: 33el is eti ahes ehele Atua natimi ineigki, el et ehka vai yin nagovaig tah nitai. 34Eris tas ara, um ika ehelen, As atimi auatatimi aiek an naopan iyehki eris apos euc, na auri aiek par esege imi cama? Eris atipagki yin ara. 35Is atahaijeg a Iesu, nikavaig, eris atipagki yin ara; is wat ecet yin aien, is ika ehelen aien, Na asgeig irai Inhal o Atua aiek, ka o’o? 36Is tas aien, um ika, Ak Natimarid, di neigki mika ki asgeig iran ainyak? 37Is um ika ehelen a Iesu, Na mun ecet yin aiek, aien aigki et tas ehelum aien. 38Is ika aien, Ak Natimarid, ek asgeig iram ainyak. Is atpuse an nuhup o un aien. 39Is um ika a Iesu, Kis ham an nobohtan ainyak par aru jipe nedo o atimi, mika eri alum itai a ilpu atimi aupat nesganimtara; im lep mika yi aupat nesganimtai ilpu atimi alum itai. 40Eris atahaijeg nitai iji eigki nahaiji ilpu Farisi eris amen ehelen ara, um ika ehelen, Et lep aupat nesganimtama aijama, ka o’o? 41Is um ika ehele ra a Iesu, El et aupat nesganimtamia aijaua, el et ti nedo has unyimia: ja eka ika aijaua, Ecra alum itai aijama; va nedo ineigki, et amen iramia nedo has unyimia.

Currently Selected:

Joanes 9: ATY1863

Highlight

Copy