Dalaana 10
10
Coosaani ɓëewë ëldúnë
1Filoon fi mbënë më, koyyi Nowe : Sem, Haam a Yafet, lahute i koy. Ƴee daa tii yi koyyi ƴaalla tala. 2Koyyi Yafet daa wa ƴeh : Gomeer, Magok, Madaay, Yawan, Tubal, Mesek a Tiras. 3Ƴee daa koyyi Gomeer : Askenas, Rifat a Togarma. 4Ƴee daa koyyi Yawan : Elisa, Tarsis, Kittim a Rodanim. 5Ɓëewë hasluu ginna hom ɓúk kísí fë rë ɓéeɓ coosaanuu koyyi Yawan.
Ƴaa daa koyyi Yafet a séttí. Ow fi ow waa na ɓéeɓ lahte wonadi, te ɗi dék feey fi a ɓëy tali.
6Ƴee daa koyyi Haam : Kús, Misrayim, Púut a Kanaan. 7Ƴee daa koyyi Kús : Sebaa, Hawilaa, Sapta, Rayma a Sapteka. Ƴee daa koyyi Rayma : Saba a Dedan.
8Nemrot ɓal non koyyi Kús. Daa ri ɗéɓpí hen jammbaar feey fa. 9Nemrot daa húmú mín ɓoorsoh níi fíi Koo. Yii baa daa komaꞌ yee na wonuu : « Mínté ɓoorsoh níi fíi Koo, ti Nemrot nen. » 10Ginna ɗéɓpí hen gin gaan nguur ki ra daa wa ƴeh : Babel, Erek, Akkat a Kalne : wa ɓéeɓ gin-taah di Sineyar. 11Nemrot kolaꞌ gini bah saañce Asiri, yíppé gini Níníif, Rehobot-Ir, Kalah 12(gin-taah gaan), a Resen fa hom hanndal ki Kalah fi bah, a Níníif rë.
13Misrayim daa ciffi Lúɗɗë, Anamma, Lehaɓɓa, Naftu ya, 14ɓëy Patoros, Kaslu ya (ɓëy Fílístí coosaanuu waa na), a ɓëy Kaftoor. 15Kanaan daa boffi Sidon koy ki saawi, a Het ; 16daa ri ciffi ɓëy Yébús, Amoorra, Girgassa, 17Híwwë, ɓëy Arka, ɓëy Sín, 18ɓëy Arwat, ɓëy Sumra, a ɓëy Hamat. Talli ɓëy Kanaan hasluute filoon fe, 19te feey fi wa dalaꞌ Sidon, laɗte waal Geraar níi Gaasaa, a waal Sodom, Gomoor, Atma, a Seboyim níi Lesaa.
20Ƴaa daa koyyi Haam. Tal fi tal ɓéeɓ a wonadi, di gini a feey fi.
21Sem ɓahii Yafet, lahte i koy ɓal. Daa ri ciffi Ebeer a ɓëewë coosaanuu ɗii na ra ɓéeɓ. 22Ƴee daa koyyi Sem : Elam, Asuur, Arpaksat, Lút a Aram. 23Ƴee daa koyyi Aram : Úus, Húul, Geteer a Maas. 24Arpaksat daa boffi Selaa ; Selaa daa boffi Ebeer. 25Ebeer lahte koy ana : saawa hínú Pelek (daa ri : haslaꞌ), af biti na pesaꞌ ri ra, ɓëewë feey fa hasluu na ; ñéedí hínú Yoktan. 26Yoktan daa boffi Almodat, Selef, Hasarmawet, Yerah, 27Hadoram, Usal, Dikla, 28Obal, Abimayel, Saba, 29Ofir, Hawilaa a Yobap ; ƴaa ɓéeɓ koyyi Yoktan. 30Wa húmú dékú hanndal ki Mesa a daŋi Sefaar fa paaꞌ púlëen naꞌ ra.
31Ƴaa daa koyyi Sem. Tal fi tal ɓéeɓ a wonadi, di gini a feey fi.
32Ƴaa daa talla coosaanuu koyyi Nowe na ra, gin fi gin ɓéeɓ a coosaani. Ginna haslaꞌ feey fa filoon fi mbënë më rë ɓéeɓ, ɗúhúu waa na.
Currently Selected:
Dalaana 10: NDV
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
