Kada Bulawan 6
6
Mangrupa-rupa pangpakainga'
1Ee anakku', ia ke denni mujanji padammu rupa tau
ba'tu mpangngakui mbajaran indanna to tote'da musiissen,
2napojamoko kadammu,
natumangko timummu.
3Apa susi tee to carana muwa'ding la'pah,
nasaba' nakuasaimoko joo tau:
maleko lako musuju' jio olona mpeta'da tonganni,
nala'paranko jio mai janjimmu.
4Danggi' mangtorro-torro
ba'tu mamma' jolo'.
5Pangngattai tonganni nala'paranko joo to munii mangjanji,
susi jonga la mella'pah jio mai poja
ba'tu susi manuk-manuk la mella'pah jio mai ba'tikan.
6Ee tomakuttu, kitai to lintik,
mupelajahhi to apa napugauk mumacca.
7Ia to lintik, te'da tonnatoro'i,
te'da tomparentai, te'da tombandoro'ii,
8apa rrempunni kande ke wattu peparean
naden nakande ke wattu karorian.
9Ee tomakuttu, la mamma' bangrokoka,
piranra mulami'cok?
10 #
Bulawan 24:33-34
Ia mandara mupugauk to cingga'tu'-cingga'tu' mamma', cingga'tu'-cingga'tu' maroja,
mangkoko kalepak na cingga'tu'-cingga'tu' mbambangan kale.
11Ia ke ia manda mupugauk to susi joo,
la makaasi-asiko butung to dirampai,
na te'da apa muampui butung to narampo' tosibawa balili'.
12Te'da bua'na na gaja' panggaukanna
to tomale melako bang mangnguraga,
13na mangkidi' mata sola mpupangkae' ajena
na mangjillok-jillok mangngara la mangnguraga.
14Mangnguraga manda llan penawanna to mangngatta bang mpugauk kagajatan,
na umbo-umbo nanii mpaden bang kasisakkan.
15Ia ngasanmo joo panggaukan gaja'na ncilakaii,
nata'pa rratuii abala',
naancuru' lalo,
na te'damo nadikulle mpemeloii.
16Den annan panggaukan to gaja Nakaba'ci Puang Allataala,
iarika pitu sipa' to Nasanga gaja mecarepan:
17mata ngkita majiong padanna rupa tau,
timu mangkada tangtongan,
lima papatean lako totangsala,
18penawa mangngatta bang mangpanggaukan gaja',
aje matika' male mangpanggaukan gaja',
19mukkun bang sa'bi tangtongan,
mpaden bang kasisakkan llan alla' soba'na.
Pangpakainga' danggi' manggauk sala
20Ee anakku', parinawa meloi to apa napatujuanko ambe'mu,
na danggi' mukalupaii to pangpakainga'na indomu.
21Tuli ingaranni kadanna tomatuammu
butung mupurara' jio kollongmu.
22Ia to sininna pangpangngajahna la mpakitanko lalan kameloan,
naampaiko ke mamma'ko,
napangngingaranko ke mi'cokko.
23Ia joo sininna nasuanko tomatuammu mpugaukki butung palita ssuloiko
na susi arrang nnarrangngiko,
na ia to pangpakainga'na mpatujuko lako lalan katuoan melo.
24Iamo mpamambelako jio mai baine sala kedo,
sola jio mai passedena bainena tau.
25Danggi' napakacinnako kamaloloanna,
danggi' nale'ke'i penawammu to kamaballoan matanna.
26Ia to baine bandarang wa'ding dibajah allian sangpiring kande,
apa ia to manggauk sala sola bainena tau, wa'ding ntumang sunga'.
27Denraka ia tau mpatama api kocikanna,
na tanglangkandei api to bajunna?
28Denraka ia tau lumingka jao kuaro
na tanglamangla'po to ajena?
29Susi toomi joo to tomanggauk sala lako bainena padanna rupa tau,
te'da nalala'pah jio mai pangsessa.
30Ia ke denni tau boko moi sangpiringra nande,
nasaba' tangbarahhi,
nang la te'da naangga'i tau.
31Na ia ke diampa'i boko,
nang la nabajahhi manglokkon pempitu,
iamo la ncappu'i ewananna.
32Ia to muane manggauk sala lako bainena tau ssolangan kalena
naliwa' bango'.
33Na nnampa' pangsessa sola pangcacca jio olona tobuda
na te'da pajana masiri'.
34Liwa' magalli muanena joo baine, nasaba' mapa'dik penawai.
Te'da lalomo asse penawanna ke membalahhi.
35Moi apa disedeanni te'da namadoang,
moi pira budanna apa dibenni te'da namparadan kamagallianna.
Currently Selected:
Kada Bulawan 6: mvpAD
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
