Yosua 20
20
Kota dinii male membuni
1Mangkai joo too, mangkada-Mi PUANG Allataala lako Yosua Nakua,#Bilangan 35:6-32; Ulangan 4:41-43, 19:1-13 2“Pauanni to-Israel susi tee: Mangkami Kupangparentan lako Nabi Musa napattantui to pira-pira kota nanii membuni to tau ke te'da naanggai'i papatean. 3Jaji ia ke denni tau susi joo, wa'dingngi male mpalaian kalena membuni lako ntuu joo kota jio mai to tolampembalahhii. 4Wa'dingngi palai lako sala mesa'na joo kota, nake'deh jio babanganna napaui lako tomangparenta llan joo kota, apa to mangka napugauk. Namane' nneloranni tomangparenta mentama kota, nadipakitan ngenan to la nanii torro. 5Ia ke naula'i to tolampembalahhii, nadete'i joo kota, te'da nalampangbenganni tau joo topapatean. Apa la nalendungngii, nasaba' te'da naanggai'i mpatei padanna rupa tau na tangngia too passabaran memanna. 6La torroi llan joo kota ratu lako dira'tahna kara-karana jio olona tobuda, na mate toopi to Imang Lompo mangjama joo wattu, mane'ri wa'ding pole lako kampongna.”
7Napattantui to-Israel to kota nanii palai membuni to tote'da naanggai'i papatean, llan kalambunanna Sa'dan Yordan iamo to: kota Kedes llan Galilea, jao membuntunna suku Naftali, kota Sikhem jao membuntunna suku Efraim, na kota Kiryat-Arba to disanga too Hebron jao membuntunna suku Yehuda. 8Napattantu tooi to ba'tu pira-pira kota jio kadellekanna Sa'dan Yordan kadellekanna kota Yerikho iamo to: kota Bezer tana manahna suku Ruben jio padang makase to membuntunna, kota Ramot jio Gilead tana manahna suku Gad na kota Golan jio Basan tana manahna suku Manasye. 9Ia ngasanmo joo to kota dipattantuan to-Israel sola tau laen to nasolan torro. Ia ke denni tau te'da naanggai'i papatean, iamo nanii palai danggi' napateii tolampembalahhii ke te'dapi nadira'tah joo kara-karana jio olona tobuda.
Currently Selected:
Yosua 20: mvpAD
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.