ZECHARIAH 3

Ɔyɔhɔ Ŋkukut Zechariah Inaŋ: Joshua Akwa Oku ye Satan

1NDIEN enye owut mi Joshua akwa oku adade ke iso angel Jehovah, Satan onyuŋ ada enye ke ubɔk nnasia, ete ineni ye enye.

2Ndien Jehovah ɔdɔhɔ Satan, ete, Jehovah akpakam aduari fi, Satan; Jehovah emi ekemekde Jerusalem akpakam onyuŋ aduari fi: nte enye emi idige ifia eke esiode ke ikaŋ? 3Ndien Joshua esine ndek-ndek ɔfɔŋidem onyuŋ ada do ke iso angel oro. 4Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem. 5Ndien ndɔhɔ nte, Yak mmɔ eyare enye edisana mitre ke ibuot. Ndien mmɔ eyara enye edisana mitre oro ke ibuot, enyuŋ esine enye edisine-ŋkpɔ. Ndien angel Jehovah ada do.

6Ndien angel Jehovah owuk Joshua, ete, 7Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi. 8Mbufo ekop ndien, afo Joshua akwa oku, ye mme nsaŋa fo emi etiede fi ke iso: koro mmɔ edide mbon idiɔŋɔ: koro, sese, nyeda owo mi Nsekhe nduk. 9Koro, sese, itiat emi ŋkonimde ke iso Joshua; itiat emi kiet enyene enyin itiaba: sese, ami nyekap ŋwed ke esit, ke edi uyo Jehovah mme udim, nyenyuŋ nsɔhi idiɔk ido isɔŋ emi mfep ke usen kiet. 10Jehovah mme udim ɔdɔhɔ, ete, Ke usen oro mbufo kpukpru eyekot mbɔhiduŋ mbufo ke idak vine ye ke idak eto fig.

Currently Selected:

ZECHARIAH 3: ENA

Highlight

Copy