MATTHEW 1
1
Mme Ete Ete Jesus Christ
(Lk 3.23-38)
1ŊWED emana Jesus Christ, eyen David, eyen Abraham.
2Abraham okobon Isaac; Isaac obon Jacob; Jacob obon Judah ye nditɔ-ete esie; 3Judah obon Perez ye Zerah emi Tamar amande; Perez obon Hezron; 4Hezron obon Aram; Aram obon Amminadab; Amminadab obon Nahshon; 5Nahshon obon Salmon. Salmon obon Boaz emi Rahab amande; 6Boaz obon Obed emi Ruth amande; Obed obon Jesse; Jesse onyuŋ obon David edidem.
7Ndien David obon Solomon emi ŋwan Uriah amande; Solomon obon Rehoboam; Rehobaom obon Abijah; 8Abijah obon Asa; Asa obon Jehoshaphat; 9Jehoshaphat obon Joram; Joram obon Uzziah; Uzziah obon Jotham; 10Jotham obon Ahaz; Ahaz obon Hezekiah; Hezekiah obon Manasseh; Manasseh obon Amon; 11Amon obon Josiah; Josiah onyuŋ obon Jechoniah ye nditɔ-ete esie, ke ini emi etaŋde nmɔ eka ke Babylon.
12Ndien ke ema eketaŋ mmɔ eka ke Babylon, Jechoniah obon Shealtiel; Shealtiel obon Zerubabbel; 13Zerubbabel obon Abiud; Abiud obon Eliakim; Eliakim obon Azor 14Azor obon Sadoc; Sadoc obon Achim; Achim obon Eliud; 15Eliud obon Eleazar; Eleazar obon Matthan; Matthan obon Jacob; 16Jacob onyuŋ obon Joseph ebe Mary, emi amande Jesus, emi ekerede Christ.
17Ntem ɔtɔŋɔde ke Abraham tutu osim David kpukpru emana edi emana duopenaŋ; onyuŋ ɔtɔŋɔde ke David tutu osim ini emi etaŋde mmɔ eka Babylon edi emana duopenaŋ; onyuŋ ɔtɔŋɔde ke ini emi etaŋde mmɔ eka Babylon tutu osim Christ edi emana duopenaŋ;
18Emana Jesus Christ ekedi ntem: ekeda Mary eka Esie enɔ Joseph ke ndɔ; edi ke ini mmɔ miduhe kaŋa ufɔk kiet, eyarare efiɔk ete enye omoyomo idibi oto ke Edisana Spirit. 19Edi sia Joseph ebe esie edide edinen owo, minyuŋ imaŋa ndisuene enye ke iso owo, enye aduak ndisio enye ndɔ ke ndibe. 20Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit. 21Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.
22Edi ofuri ŋkpɔ emi ɔkɔwɔrɔ, man osu nte Jehovah akadade inua prophet ɔdɔhɔ ete,
23Sese, eyenɔwɔŋ aŋwan eyeyomo, onyuŋ aman eyeneren;
Enyeyuŋ esio enye enyiŋ Immanuel,
oro ɔwɔrɔ ete, Abasi ke ododu ye nnyin.
24Ekem Joseph edemere ke idap, anam nte angel eketemede enye, ada ŋwan esie ɔnyɔŋ ufɔk; 25inyuŋ ifiɔkke enye tutu enye aman eyeneren; ndien osio Enye enyiŋ JESUS.
Currently Selected:
MATTHEW 1: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.