GENESIS 10
10
Nditɔ Noah Etɔt Enyuŋ Esuana ke Ofuri Ererimbot
1MME mmɔ emi edi emana nditɔ-iren Noah; Shem, Ham, ye Japhet: ndito-iren enyuŋ emana enɔ mmɔ ke ukwɔ ama ekebe:
2Nditɔ-iren Japhet: Gomer, ye Magog, ye Madai, ye Javan, ye Tubal, ye Meshech, ye Tiras. 3Ndien nditɔ Gomer, Ashkenaz, ye Riphath, ye Togarmah. 4Ndito Javan ŋko; Elisha, ye Tarshish, ye Kittim, ye Dodanim. 5Mme mmɔ emi ebahare isuo mme idut ke isɔŋ mmɔ; kpukpru ke usem mmɔ, ye ke oruk mmɔ, ye ke idut mmɔ.
6Nditɔ Ham ŋko; Cush ye Mizraim, ye Phut, ye Canaan.
7Ndien nditɔ Cush; Seba, ye Havilah, ye Sabtah, ye Raamah, ye Sabteca: ndien nditɔ Raamah; 8Sheba ye Dedan. Ndien Cush obon Nimrod: enye ɔtɔŋɔ ndikabare ɔkpɔsɔŋ owo ke ererimbot. 9Enye edi ata-utop ke iso Jehovah; mmɔdo edɔhɔde ete, Nte Nimrod ata-utop ke iso Jehovah. 10Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar. 11Enye oto ke isɔŋ oro aka Assyria, onyuŋ ɔbɔp Nineveh, ye Rehoboth-Ir, ye Calah, ye Resen ke ufɔt Nimeveh 12ye Calah: oro edi akamba obio. 13Ndien Mizraim obon mme Ludim, ye mme Anamim, ye mme Lehabim, ye mme Naphtuhim, 14ye mme Pathrusim, ye mme Casluhim (emi mme Philistine etode ke esit,) ye mme Caphtorim. 15Ndien Canaan obon Zidon 16akpan esie, ye Heth, ye mme Jehusite, ye mme Amorite, ye mme Girgashite, 17ye mme Hivite, 18ye mme Arkite, ye mme Sinite, ye mme Arvadite, ye mme Zemarite, ye mme Hamathite: ndien edikem mme oruk mme 19Canaanite esiaha. Ndien adaŋa mme Canaanite ɔtɔŋɔ ke Zidon aka ke Gerar, osim Gaza; aka Sodom ye Gomorrah, ye Admah, 20ye Zeboim, osim Lasha. Mme mmɔ emi edi nditɔ-iren Ham, ke oruk mmɔ, ke usem mmɔ, ke isɔŋ mmɔ ke idut mmɔ.
21Nditɔ enyuŋ emana enɔ Shem, ete kpukpru nditɔ Eber, akpa eyen-ete Japhet. 22Nditɔ-iren Shem; Elam, ye Asshur, ye Arpachshad, ye Lud, ye Aram. 23Nditɔ-iren Aram ŋko; Uz, ye 24Hul, ye Gether, ye Mash. Arpachshad onyuŋ obon Shelah; Shelah onyuŋ obon Eber. 25Ndien nditɔ-iren iba emana enɔ Eber; enyiŋ kiet ekere Peleg; koro ererimbot abaharede ke eyo esie; enyiŋ eyen eka esie onyuŋ ekere Joktan.
26Ndien Joktan obon Almodad, ye Sheleph, ye Harzarmaveth, 27ye Jerah; ye Hadoram, ye Uzal, 28ye Diklah; ye Obal, ye Abimael, ye Sheba; ye Ophir, ye Havilah, 29ye Jobab: kpukpru mme mmɔ emi edi nditɔ Joktan. 30Edem iduŋ mmɔ ɔtɔŋɔ ke Mesha, aka Sephar, osim akamba obot ke edem usiaha utin. 31Mme mmɔ emi edi nditɔ-iren Shem, ke oruk mmɔ ye ke usem mmɔ, ye ke isɔŋ mmɔ, ye ke idut mmɔ. 32Mme mmɔ emi edi mme oruk nditɔ-iren Noah, ke emana mmɔ ye ke idut mmɔ: ndien mme mmɔ emi ebahare mme idut ke ererimbot ke mmɔŋ ukwɔ ama ekekebe.
Currently Selected:
GENESIS 10: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
