2 ŊWED THESSALONICA 3
3
Mbufo Esin Nnyin ke Akam
1KE akpatre itie, nditɔ-ete, enam mkpe-ubɔk enɔ nnyin ete, ikɔ Abasi edifehe asuana onyuŋ enyene ubɔŋ, kpa nte edide ke ŋkaŋ mbufo; 2enyuŋ ebeŋe ete, enyaŋa nnyin esio ke ubɔk mme idiɔk owo, eke esaŋade ke ukwaŋ ekikere esit mmɔ: koro idige kpukpru owo enyene mbuɔtidem. 3Edi Ɔbɔŋ anam akpanikɔ; Enye eyenam mbufo esɔŋɔ eda, eyenyuŋ ekpeme mbufo mbak andidiɔk. 4Nnyin imonyuŋ inyene ɔyɔhɔ mbuɔtidem ke Ɔbɔŋ ibaŋa mbufo, ite mbufo ke enanam se nnyin itemede, enyuŋ enam. 5Ɔbɔŋ akpakam onyuŋ ɔwɔŋɔre mbufo esit esin ke ima Abasi ye ime Christ.
6Imada enyiŋ Ɔbɔŋ nnyin Jesus Christ isɔŋɔ inɔ mbufo uyo, ite edianare idem ye eyen-ete ekededi eke asaŋade otime-otime, minyuŋ isaŋake ke item eke ekɔbɔde ke inua nnyin. 7Mbufo ke idem mbufo emotim efiɔk adaŋa nte mbufo ekpekpebede nnyin; 8nnyin ikakamake idem otime-otime ke otu mbufo; nnyin ikonyuŋ idiaha udia ke ikpikpu ke ubɔk owo ekededi; edi ikaŋwana idem inam ɔkpɔsɔŋ utom ke okoneyo ye uwemeyo, mbak nnyin ididi mbiomo inɔ owo ekededi ke otu mbufo. 9Inamke ntre koro nnyin minyeneke unen ndikpetre utom; edi ikanam ntre, man inɔ mbufo uwut-ŋkpɔ, ete, ekpekpebe nnyin. 10Koro kpa ke adaŋemi nnyin ikodude ye mbufo, nnyin inɔ mbufo uyo ite, Edieke owo minyimeke ndinam utom, enye okunyuŋ adia ŋkpɔ. 11Koro nnyin imokop ibaŋa ndusuk owo eke esaŋade otime-otime ke otu mbufo, minyuŋ inamke utom, edi enɔhɔde ke mbubehe owo eŋwen. 12Ima ida uyo Ɔbɔŋ Jesus Christ isɔŋɔ iwuk inyuŋ iteme mmɔ eke etiede ntem, ite mmɔ etie suŋ, enam utom, eŋwana se edade ekama idem. 13Ama edi mbufo, nditɔ-ete, ekuduɔ esit ke erinam eti ŋkpɔ. 14Edieke owo ekededi mikopke uyo eke inɔde ke ŋwed emi, enim owo oro idiɔŋɔ, ekunyuŋ eduk nduk ye enye, man but anam enye. 15Edi ekubat enye nte usua, edi etunɔ enye nte eyen-ete.
16Ɔbɔŋ emem ke Idem Esie akpakam ɔnɔ mbufo emem kpukpru ini, ŋkpɔ etie nte etetie.
Ɔbɔŋ akpakam odu ye kpukpru mbufo.
17Ami Paul nda ubɔk mi ŋwet ekɔm mi; oro owut ete edi ami ŋwet ke kpukpru ŋwed mi: ntem ke ŋwewet. 18Mfɔn Ɔbɔŋ nnyin Jesus Christ akpakam odu ye kpukpru mbufo
Currently Selected:
2 ŊWED THESSALONICA 3: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
