MATIU 24

I Jisas mo vitiviti huri na magarakiana na Vanua Kokona noi God

(Mak 13.1-2; Luk 21.5-6)

1I Jisas mo tiraki na Vanua* Kokona noi God mo lakao, vunu a nona ngwalagelo ramo vanamai vaki maia ramo vosangia kina ingwa vano hi mana Ingwa Kokona noi God. 2Mo viti “Io, tulu taga savi na kinau vano hika. Kareaki na viti lakwakamu, a vatu vano hi vae hete kwara te katukwale ne eno lo tanotanona. A tangaloi rana vai savi na vatu aira vano hi rana visoviki.” #Luk 19.44

A rongoana hati mana vai bulabula

(Mak 13.3-13; Luk 21.7-19)

3Hikani i Jisas mo hugu lo Vuti na Vikai* a Violev. Lolona hi a ngwalagelo ramo vanamai vaki maia raraveki, ramo uduhuri kinia ramo viti kwara, “Ko viti lakwakami. ?A kinau vano hi ranari mule luna kihokua? ?A hava kaivosangi hinea ne vosangi kwara hikani a taro huri na nomu mulemaiana mana gweregwere na taro hika tamo toka luna?” #a Mat 24.27,37,39; b Mat 13.39,40,49; 28.20

4Vae i Jisas mo daraki mo viti “Tulu tagahuri, tulu hatu tiraki a tangaloi ramo sinasinakamu, 5huri a tangaloi rusa rana vanamai lo hinagu, rana viti ‘I nau i Vurae*,’ vae rana sina na tangaloi rusa. #Mat 24.11,23-24; Sione 5.43; 1 Sione 2.18 6Tulu ne rongo na roro na vuro garagarani mana roro na vuro vakahao, vae i kamu tulu hatu mataku. A kinau aira vano hi rana mule luna vae a gweregwereki hete radu. #Dan 2.28,29 7A tangaloi na vanua katukwale rana vai vuro vovohi na tangaloi na vanua dolua, a hugwe na mamalukoro katukwale ne vai vuro vovohi na hugwe na mamalukoro dolua. Ne gwakere, ne ruru vataha na mahagweki. #a 2 Kron 15.6; b Aes 19.2 8Savi na kinau vano hi aira hoki na natu vavine hinea a lolona mo tinakaki mo kadia ki natuna.

9“Vunu a tangaloi rana kwiribibikamu rana vai bulakikikamu rana kwohi mateikamu. Vae a tangaloi na vanua savira rana bega kikamu huriau. #a Mat 10.17,23; b Sione 16.2; d Mat 10.22; Sione 15.18 10U rusa rana tiraki na noga hauhuriana lo taro hi rana tiratirakinira lakwa na noga tavaluivuro, rana begabega kinira. #Dan 11.41 11Vunu a tangaloi* duruduruki kurakura rusa rana maraka rana sina na tangaloi rusa rana vano rerarera. #Mat 25.5,24 12A hatiki ne matala vae huri hi a tangaloi rusa ranahe lagwa te mai God taliku. 13Vae ihe hi ne tu madimadi vaki lo gwereki ne ahi. #Mat 10.22 14A tangaloi rana kwalahaki na Roro Karea doluaki na varamana kwara i God u hugwe koro na tangaloi doluaki, rana hago leo lakwa na tangaloi savia, vunu vari a gwereki neri vanamai.” #a Mat 28.19; b Mat 10.18

A rongoana hati lo gwatuivanua Serusalem

(Mak 13.14-23; Luk 21.20-24)

15Vunu i Jisas mo hoke na leona mo viti kwara, “Tulu ne tagai na kinau u hati haburu hinea u magaraki na vanua, hinea a tangaloi* duruduruki i Daniel mo vitia tuai, ne tu lo Tanotano Kokona vae ne vakangwedaia.” (A tangaloi hinea ne valuki na leo hikani u karea kwara ne kikilaia.) #Dan 9.27; 11.31; 12.11 16“Lo taro aia hini vae a tangaloi hinea rau hugu lo vanua Sutia u karea kwara rana kwakwalaoki vaki lolo vuti. 17A tangaloi hinea u hugu varea tina ingwana, u karea kwara ne hatu vaivai ta tuai kwara ne lai nona vivilagoki tina ingwana. 18A tangaloi hinea lolo talu u karea kwara ne hatu mule vaki tatana huri na lugwana. #Luk 17.31 19!Oo! A rongoana hati lakua haburu lakwa na ravavine hinea rau tatagwangira mana raretahi rau bava natu karagwa lo rani aira vano hi. 20Tulu tiutangaroa lakwai God kwara tulu ne hatu kwalao lo taro* na katama dovo diko lo Rani* na Mabuana. 21Lo taro vano hi a tangaloi rana rongo hati silesiletia hinea ramo toko rongo hati vanamai evina kinia lo tinatinakaki na varamana tarisaki hikani. Vae nehe hokinia tea taliku vaki tuai. #a Dan 12.1; Joel 2.2; b Rev 7.14 22Vae i God u domikinia ba kwara ne hivoki na valuvalu na rani vano hi. Kwara vae diko he vai tea kwehini, kwara vae a tangaloi ranahe ahi tea. Vae ne hivoki na valuvalu na rani vano hi huri na bulana tangaloi hi mo mataira.

23“Vunu diko te katukwale ne viti lakwakamu kwara, ‘!Tulu tagaia! !I Vurae* aia hike!’ diko ‘!Aia takwahinea!’ tulu hatu hauhuri luna, 24huri a Vurae kurakura mana tangaloi duruduruki kurakura rana maraka, rana vai na kaivosangi lalakua mana idilakiana rusa kwara rana sina na tangaloi. Rana vai kwehini huri kwara vae diko rana hagwe na hala tea vae rana sina na tangaloi vake hinea i God mo mataira. #Mat 24.5,11; 1 Sione 2.18 #Dut 13.1-3; 2 Tes 2.9-10; Rev 13.13-14 25Tulu rongo, nu viti vunuhi na kinau lakwakamu tomuaki, vunu ranari mule luna.

26“Diko a tangaloi ramo viti lakwakamu kwara, ‘!Tulu tagaia! !Aia lo vanua vuroki!’ tulu hatu vano takwa-hi. Diko ramo viti kwara, ‘!Tulu taga! !Aia u hili hike!’ tulu hatu hauhuri, 27huri i nau, a Natu* na Tangaloi, na vanamai hoki na vila hinea u tavilahi utuhi na taetae doluaki tina hala na mataniaho giri vaki lo hala na mataniaho soro. #Luk 17.23-24 #Mat 24.37,39; 1 Kor 15.23; 1 Tes 2.19; 3.13; 4.15; 5.23; 2 Tes 2.1,8; Sem 5.7,8; 2 Pita 3.4,12; 1 Sione 2.28

28“Vae ne hoki na manu hinea rau tuku kani a biki boni. Te ave tea hinea a biki boni eia, a manu vano hi rana vileki tabulutaki eia kwara rana kania.” #Luk 17.37

A Natu na Tangaloi vae ne mulemai taliku

(Mak 13.24-27; Luk 21.25-28)

29Vunu i Jisas mo viti vake kwara, “A rongoana hati na rani vano hini ne rovo vunu nehe tuai tea a mataniaho ne dodoka, a vula nehe varama tea, a vitu rana sovi tina taetae, vake a kinau hinea rau huira lo mahaleki, i God ne vaira rana kusa tina tanotanoga. #a Aes 13.10; Esik 32.7; Joel 2.10,31; 3.15; Rev 6.12; b Aes 34.4; Hag 2.6,21; Rev 6.13 30Vunu a nogu kaimatai, i nau a Natu* na Tangaloi, vae a tangaloi rana tagaia lolo taetae. Vunu savi na vakabela lo varamana rana tangi, rana tagaiau, i nau a Natu na tangaloi na mulemai lolo taenalangi na taetae mana huirana mana hahaviada lakua. #a Sek 12.10,14; Rev 1.7; b Dan 7.13-14; Mat 16.26; 26.64 31A tavui lakua ne tangi, vae nana hora na nogu kaihora tina taetae rana vileki na tangaloi hinea nomo mataira tina ngwahuku na varamana gwatu kaivati. Ne tinakaki lo gweregwere na varamana lo duviki vaki lo duviki.” #a Mat 13.41; b Aes 27.13; 1 Kor 15.52; 1 Tes 4.16; d Dut 30.4; Sek 2.6

A huhuiana tina vikai u kwareki a vivik

(Mak 13.28-31; Luk 21.29-33)

32Vunu i Jisas mo viti kwara, “Tulu huhui tina vikai* hi a vivik. Lolona a rangaki ramo kesakesana, a rauki ramo tavu, tulu kikilai kwara a taro na bulamiu saru. #24.32: A gwaloana noi Isrel rau kikilai na taro lo vikai hi a vivik hokinia i kita tau kikilai na taro lo vikai hi a virara. 33Vae hokinia hi lolona tulu ne tagai na kinau vano hini, vae tulu neri kikilai kwara i nau a Natu* na Tangaloi nu garagarani hokinia kwara i nau lo matakihala. 34Kareaki na viti lakwakamu, a tangaloi hinea rau toka hika kwahale ranahe mate vunu tea, tarisaki savi na kinau vano hi rana mule luna. #Mat 16.28 35A taetae mana varamana vae raru ne tikei, vae a leogu nehe tikei lai te vohoki.” #Mat 5.18; Luk 16.17

Hete kwara te katukwale u kikilai na rani mana taro

(Mak 13.32-37; Luk 17.26-30,34-36)

36Vunu i Jisas mo viti vake kwara, “Hete kwara te katukwale u kikilai kwara a raniki mana taroki hi ne vanamai kihokua. Hete kaihora tina taetae, hete a Natuki, aia a Tamaki kehekeheki u kikilai. #Bol 1.7; 1 Tes 5.1,2 37Lo taro hinea i nau, a Natu* na Tangaloi, na mulemai, aia ne hoki na taro i Noa. #Jen 6.9-12 38Lo rani vano hi tomua tina kwai mo kwali na vanua, a tangaloi rau kanikani, rau inuinu, a ravavine mana ngwera rau laki, mo maravuti lo raniki hi vohoki i Noa mo galo tilolo aga lakua. 39Vae rahe kikilai tea kwara a havakinau ne vanamai rovonaki a kwai mo horo mo kwali savira letiu. Vae ne hokinia hini lolona i nau, a Natu na Tangaloi, na vanamai. #Jen 6.13—7.24; 2 Pita 3.6 #Mat 24.27,37; 1 Kor 15.23; 1 Tes 2.19; 3.13; 4.15; 5.23; 2 Tes 2.1,8; Sem 5.7,8; 2 Pita 3.4,12; 1 Sione 2.28 40Lo taroki hini a tangaloi kairua raru ne boloki lolo lungwa, vae kairuaki ne laiana letiu, kairuaki ne hugu. 41A vavine kairua raru ne vai rarai hinaka, vae kairuaki ne laiana letiu, kairuaki ne hugu. 42Tulu tagahuri ne karea, huri tulu he kikilai tea kwara a hava rani a nomiu Hugwe* ne vanamai luna. #Mat 25.13 43A lolomiu ne hatu bongi kina kinau hika. Kwara vae diko a tangaloi na ingwa u kikilai kwara a tangaloi na babalua ne vanamai vaki tatana lo hava taro lolo bongi, ne tagataga, nehe tirakinia tea kwara ne gae na ingwana ne soro tilolona. #1 Tes 5.2; 2 Pita 3.10; Rev 3.3; 16.15 44Lo hala hokinia hi, i kamu vake tulu ne rarai vatavataha na taroki, huri i nau a Natu na Tangaloi vae na mulemai taliku lo taro hinea tulu he domidomi te luna.” #Luk 12.39-40

A tangaloi boloki u karohuri mana tangaloi boloki he karohuri tea

(Luk 12.41-48)

45Vunu i Jisas mo viti kwara, “?Ihe tangaloi boloki hinea u karohuri u kikikila? Aia hini a nona hugwe u taua mo tagahuri na tangaloi boloki ratuaki kwara ne bete kaga hinaka lo taroki bakotoki. 46Vae diko a hugwe hi ne mulemai ne hagwe na nona tangaloi boloki u vai hokinia hi, vae a tangaloi boloki hi ne havutia haburu. 47Kareaki na viti lakwakamu, a hugwe hi ne tau na tangaloi boloki hi ne tagahuri na nona vivilagoki savia. #Mat 25.21,23 48Vae diko aia a tangaloi boloki hati, ne domi sibona kwara, ‘A nogu hugwe u vaivai ta tuai vohoki,’ 49vunu ne maraka ne kwohikwohi rabuluina, ne kanikani ne inuinu mana tangaloi torongi. 50Vunu a hugwe hi ne mulemai taliku te lo raniki hinea a tangaloi boloki hi he kikilai tea, he raraia tea. 51A hugwe hi ne vai kadia, ne taua vaki mana tangaloi kwetukwetutu hinea rau viti kinau ki ringoga vohoki. Takwahini ne ngara ne kati raharahaki na livona.” #Mat 8.12; 13.42,50; 22.13; 25.30; Luk 13.28

Currently Selected:

MATIU 24: HWT

Highlight

Copy