MATIU 19

I Jisas mo huhui na tangaloi huri na talahi lakiana

(Mak 10.1-12)

1I Jisas mo viti na kinau vano hikani mo rovo, vunu mo tiraki na vanua Galili*, mo vano taliku vaki lo vanua Sutia, tavaluki tina Kwai Sotan. #Mat 7.28; 11.1; 13.53; 26.1 2A vao lakua ramo huria, mo vakahikinira takwahini.

3A Varisi* tuaki ramo vanamai vaki maia ramo vai kwara rana tiusinae kina leo uhiuhi, ramo viti “?A noda tangwata u tiraki kwara a ngwera ne talahi na nona lakiana huri na kinau te haro nga?” #Mat 16.1

4I Jisas mo daraki mo viti “?Tulu he valuki na Uliuli* Kokona te hikani? Aia u viti kwara lo tinatinakakiki i God mo kihi na tangaloi kairua, a ngwera mana vavine. #Jen 1.27; 5.2 5Vae i God mo viti ‘Huri hini a ngwera ne tiraki i tamana mai retahina ne bulu mai vavinehina, i rarua raru ne kwareki tarabehi katukwale.’ ” 6Vunu i Jisas mo kwaha taliku mo viti “Hokinia hi raru nehe kwareki tea kairua, vae a tarabehi katukwale. A havakinau hi i God mo hariki tabulutaki, a tangaloi ne hatu talahi.”

7A Varisi ramo uduhuri kinia ramo viti “?Kworohokinia i Mosis mo tuliki na leoki mo viti kwara a ngwera ne bete a veva na talahi lakiana lakwai vavinehina ne horae letiu?” #Dut 24.1; Mat 5.31

8I Jisas mo daraki mo viti “I Mosis u tau na tulikileo kwara tulu ne talahi lakiana huri a gwatumiu rau madi haburu. Vae lo tinatinakakiki aia hete kwehini. 9Na viti lakwakamu, diko te ngwera ne tiraki i vavinehina vae i vavinehina he veveki rera te kinia, vunu a ngwera hi nete laki mana vavine dolua, aia u veveki rera ki vavinehina vohoki.” #Mat 5.32; 1 Kor 7.10-11

10A nona ngwalagelo ramo kwaha maia ramo viti “Diko a hala na lakiana u madi hokinia, he karea tea kwara a tangaloi rana laki.” #1 Kor 7.1-2,7-9

11I Jisas mo daraki mo viti “A huhuiana hika hete lakwa na tangaloi vunuhia, vae lakwa na tangaloi kehekeheki aira hinea i God u betea lakwara kwara rana kwiribibia. #1 Kor 7.7,9,17 12A tangaloi rahe laki lai tea huri na kinau a gwatuki u rusa. Tuaki rahe laki lai tea huri aira rau vora kwehini, tuaki huri a tangaloi rau vai banikinira kwara ranahe laki tea. Tuaki rahe laki tea huri kwara rana boloki noi God hinea a noga Hugwe Lakua. A tangaloi mo vai lai kwara ne lavi na huhuiana hika ne lavia.”

I Jisas mo vai tabetabeki na sakwarigi

(Mak 10.13-16; Luk 18.15-17)

13Hikani a tangaloi tuaki rau lavi na sakwarigi vanamai vaki mai Jisas kwara ne tau kabana luga ne tiutangaroa, vae a nona ngwalagelo ramo tu korora. 14Vae i Jisas mo viti kwara, “Tulu tiraki na sakwarigi rana vanamai vaki maiau. Tulu hatu tu korora, huri a natu kwaririgi aira vake i God u kwarera kwara ne hugwe korora.” #Mat 18.2-3

15Mo tatagao luga vunu mo vano.

A ngwalagelo aia a tangaloi hugwe

(Mak 10.17-31; Luk 18.18-30)

16Vakatukwale a tangaloi u vanamai vaki mai Jisas mo uduhuri kinia mo viti kwara, “?Tisa, a havakinau hinea u karea kwara na vai, vae na lavi na ahiana vaki tuai?” #Mat 19.29; Luk 10.25

17I Jisas mo daraki mo viti “?Kworohokinia komo uhiau huri na kinau hi u karea? Katukwale kehekeheki aia u karea. Diko ku lengaia kwara kona lavi na ahiana, ko kwiribibi na leo na Tangwata*.” #Lev 18.5; Luk 10.28

18Mo uduhuri mo viti kwara, “?A hava leo?”

I Jisas mo daraki mo viti “Hatu ua mate tangaloi. Hatu vai doridori hati mana vavine. Hatu babalu. Hatu kurakura. 19Ko domi mavaki i tamamu mai retahimu. Ko lagwa mana tangaloi laliki, kona vai tabetabekinira hokinia komo vai tabetabekinigo sibomu.” #Eks 20.12-16; Dut 5.16-20; Rom 13.9 #Lev 19.18; Mat 22.39; Mak 12.31; Luk 10.27; Rom 13.9

20A ngwalagelo hi mo daraki mo viti kwara, “Nu rongohuri savi na leo na Tangwata vano hi ba. ?Na vai na havakinau vake?”

21I Jisas mo daraki mo viti “Diko ku lengaia kwara kona bakoto vohoki, ko vano ko hokaki savi na nomu vivilagoki, ko lavi na kaivoliki ko bete lakwa na tangaloi kakaravi, vunu lo taroki konari hagwe nomu vivilagoki karekarea rusa lolo taetae, vae ko vanamai ko huriau.” #a Mak 14.5; Luk 12.33; Sione 12.5; Bol 2.45; 4.34-37; b Mat 6.20

22Lolona a ngwalagelo mo rongo kwehini, mo lakao tiua u rongo hati, huri a nona vivilagoki u rusa lengalenga. #Sam 62.10

23Vunu i Jisas mo kwaha mana nona ngwalagelo mo viti kwara, “Kareaki na viti lakwakamu, ne madi haburu lakwa na tangaloi hugwe kwara ne soro tilo Vanua Karagwa hinea i God u hugwe koroa. 24Na viti na kinau vake lakwakamu. U madi haburu lakwa na boboroa lakua hi u kwareki a kamel kwara ne soro lalahi na mata na nitili. Vae u madi siletia lakwa na tangaloi hugwe kwara ne hivokinia ne hugu tavuti na Hugwe Lakua i God.”

25Lolona a nona ngwalagelo ramo rongo na leo hi ramo idila haburu. Ramo uduhuri kinia ramo viti kwara, “?Vae ihe ne va ahi te hika?”

26I Jisas mo tagataga hurira, mo viti kwara, “A kinau hi u madi mana tangaloi, vae i God u vai lai vataha na kinau.” #Jen 18.14; Job 42.2; Sek 8.6

27Vunu i Pita mo kwaha mo viti “?Kworohokinia maikami? Keu tiraki savi na kinau kemo huriko. ?Kena lavi na havakinau?”

28I Jisas mo viti lakwara kwara, “Kareaki na viti lakwakamu, lo taro karagwa i nau a Natu* na Tangaloi na mulemai ki Hugwe Lakua, na hugu lo hagehagelegu hinea u hahaburuka. Lo taro hi i kamu hi hangavulu dongwana kairua hinea tulu mo huriau, i kamu vake tulu ne kwareki a hugwe lalakua, tulu ne hugu lo hagehagelemiu. Vae tulu ne hugwe koro na tangaloi lo gwatuidamu hangavulu dongwana kairua nona gwaloana noi Isrel*. #a Dan 7.9-10; Mat 25.31; b Mat 20.21; Mak 10.37; Rev 3.21; d Luk 22.30 29Vae aira vunu hinea rau tiraki na ingwaga, diko i ratuaga, diko i rahagwega, diko i tamaga, diko i retahiga, diko i raranatuga, diko a vanuaga huri aira a nogu tangaloi rana hagwe vidolua kehe tiluga vae ranari ahi vaki tuai. #Mat 19.16; Luk 10.25 30Vae u rusa hika rau tomua vae rana takuni, rau takuni hika vae rana tomua.” #Mat 20.16; Luk 13.30

Currently Selected:

MATIU 19: HWT

Highlight

Copy