MATIU 17

A tarabehi i Jisas mo bohi mo vavarama

(Mak 9.2-13; Luk 9.28-36)

1Vunu a rani kaiono koro i Jisas mo lavi i Pita, i Semis mai tuana i Sione, mo tomuakinira hake vaki lo vuti aulu, aira kahera. 2Ramo taga tiluna, a tarabehina mo bohi. A nakona mo kwaka hoki na mataniaho, a lugwana u lotu mo tavila vohoki. #2 Pita 1.16-18 3Vunu ramo tagai Mosis mai Elaesa raru mo toko kwaha mai Jisas. 4Hikani i Pita mo kwaha mai Jisas mo viti kwara, “Hugwe*, mo karea i kami hike. Diko ku masinge, na vai na ingwa haleki kaitolu hike, katukwale huriko, katukwale huri i Mosis, katukwale huri i Elaesa.”

5Lolona mo toko kwaha radu nga, a taenalangi tavila mo malumalu korora, a dilao mo tangi lolo taenalangi mo viti “Hikani i Natugu, a Natu tabe. Nu lagwa maia haburu. Tulu rongohuria.” #a Sam 2.7; Mat 3.17; 12.18; Mak 1.11; Luk 3.22; 2 Pita 1.17; b Dut 18.15; Bol 3.22

6Lolona a ngwalagelo ramo rongo na dilao hi, ramo mataku haburu, ramo sovi hivo ramo saro tagwao lo tano. 7I Jisas mo vanamai vaki maira mo kihira mo viti “Tulu maraka, tulu hatu mataku.”

8Hikani ramo lalangao rahe tagai na tangaloi te vohoki, vae i Jisas aia kahea maira.

9Lolona ramo duvule tina vuti, i Jisas mo surira mo viti “Tulu hatu viti lakwa na tangaloi kwara te katukwale huri na vakatabobo hini tulu mo tagaia, tarisaki i nau, a Natu* na Tangaloi, nana maraka taliku tina mateana.” #Mat 16.20

10Vunu a ngwalagelo ramo uduhuri ki Jisas ramo viti “?Kworohokinia a tangaloi* kikikila na Uliuli* Kokona ramo viti kwara i Elaesa ne vanamai tomua?”

11I Jisas mo daraki lakwara mo viti “Kareaki i Elaesa ne vanamai tomua, ne vai rarai na kinau savia. #Mal 4.5-6 12Vae na viti lakwakamu, i Elaesa u vanamai ba vae a tangaloi rahe taga kikilakinia tea, vae rau vai vovohia hokinia rau lengaia. I nau, a Natu na Tangaloi, vae i nau vake na rongo hati lo kabaga hokinia nga.” #Mat 11.14

13Vunu a ngwalagelo ramo rongo kikilakinia kwara u tuku kwahakwaha maira huri i Sione a tangaloi na bavtaes tangaloi. #Luk 1.17

I Jisas mo vakahiki na natu ngwera kelekele a tanungwe hati u vaia

(Mak 9.14-29; Luk 9.37-43)

14Lolona ramo maravuti mana vao, a tangaloi mo vanamai vaki mai Jisas mo titiugwao koro na nakona. 15Mo viti kwara, “Hugwe*. Ko hakavi natugu a ngwera, huri u tuku matemate u tuku maruti u hati haburu. Tigwaravu hi u tuku sovi tilolo kabu diko tilolo kwai. 16Nu lavia vaki mana nomu ngwalagelo vae rahe vakahiki lavia tea.”

17I Jisas mo daraki mo viti kwara, “!I kamu a hava tangaloi hika a nomiu hauhuriana mo tikei! !Tulu vaivai nomiu! ?Na va loli maikamu tarisaki ave? ?Nari va rongo karea kikamu kihokua? Ko lavi na natu hi vanamai hike vaki maiau.” #Dut 32.5,20

18Hikani i Jisas mo hora na tanungwe hati hini, mo vano tina natu ngwera hini, vae mo ahi lo taro hini vohoki. #Mat 8.13; 9.22; 15.28; Sione 4.52-53

19Vunu a ngwalagelo ramo vanamai vaki mai Jisas tavuniki ramo uduhuri kinia ramo viti “?Kworohokinia kehe va livu lavi na tanungwe hati hi tea tiua?”

20I Jisas mo daraki mo viti kwara, “Huri a nomiu hauhuriana u kelekele haburu. Kareaki na viti lakwakamu, venaha diko a nomiu hauhuriana u kelekele bise hoki na biu na vibaga, vae tulu ne viti lai lakwa na vuti hika kwara, ‘Ko vano tiua takwa-hi vaki takwahinea,’ vae ne vano. Vae a kinau nehe madi tea maikamu, vae tulu ne vai lavi na kinau haro nga. #Mat 21.21; Mak 11.23; Luk 17.6; 1 Kor 13.2 21Vae a tanungwe hati hokinia hi nehe livuana lai tea tina tangaloi kina kinau dolua, vae kehekeheki kina tiutangaroa mana reterete.” #17.21: Lo Buku Kokona rusa hinea a tangaloi rau ulira tuai a leo aira vano hi lo ves 21 rau tikei luga.

I Jisas mo matangwasaraki vakairuaki kwara vae ne mate vunu ne maraka taliku

(Mak 9.30-32; Luk 9.43-45)

22Lolona a nona ngwalagelo ramo vileki tabulutaki lo vanua Galili*, i Jisas mo viti lakwara kwara, “I nau, a Natu* na Tangaloi, vae a tangaloi rana tirakiau tilo kaba na tangaloi 23hinea vae rana kwohi mateiau, vae lo rani kaitoluki i God ne rakatiau na ahi taliku.”

A nona ngwalagelo rau rongo hati haburu. #Mat 16.21

I Jisas mo voli na takis na Ingwa Kokona noi God

24Lolona i Jisas mana nona ngwalagelo ramo vanamai vaki Kavaneam, a tangaloi na vile a mane* na takis hi huri kwara vae rana voli a vivilagoki vaki lolo Ingwa Kokona noi God, ramo vano vaki mai Pita ramo uduhuri kinia ramo viti kwara, “?Kworohokinia? ?A nomiu Hugwe* u voli a takis na Ingwa Kokona noi God diko hetea?” #Eks 30.13; 38.26

25I Pita mo daraki mo viti kwara, “Io, u tuku voli.”

Lolona i Pita mo soro tilolo ingwa, i Jisas mo kwaha maia tomua mo viti “Saemon. ?Lolo domimu ku domi kworohokinia? ?A hugwe lalakua lo varamana hika rau lai a takis ti ihe? ?Tina noga tangaloi, diko tina vanamaiana?”

26I Pita mo daraki mo viti “Tina vanamaiana.”

I Jisas mo viti “U karea, hi a domianaki kwara a tangaloi nona hugwe ranahe voli tea. 27Vae tahe lengaia tea kwara tana vai na tangaloi vano hikani rana rongo hati. Karea, ko vano vaki lo kwai tokatoka lakua, komo tuli na karo tilolona. Komo revei na ika tomua halaradu, komo gege na kwakwana, vae kona hagwe na mane silva katukwale lolona, u taritarisa mana nodaru takis na Ingwa Kokona noi God. Komo lavia komo voli na nodaru takis kinia.”

Currently Selected:

MATIU 17: HWT

Highlight

Copy