SIONE 20

A tabu vuroki

(Mat 28.1-8; Mak 16.1-8; Luk 24.1-12)

1Lo Sade sirovobongi bise, u dodoka radu nga, i Meri a vavine Maktala u vano vaki lo tabu, mo taga kwara te tangaloi u rihi na vatu letiu ba tina matakihalaki. #Sione 20.19; Bol 20.7 2Mo kwalao mule vaki mai Saemon Pita mana ngwalagelo kairuaki vake hinea i Jisas u lagwa maia, mo kwaha mairarua mo viti “Rau lavi na Hugwe* tina tabu. I kami kehe kikilai tea kwara rau taua ave.” #a Sione 13.23; 19.26; 21.7,20; b Sione 20.13

3Vunu i Pita mana ngwalagelo kairuaki vake raru mo vano vaki lo tabu. 4I rarua vunu raru mo kwalao, vae a ngwalagelo hi kairuaki u kwalao karakara sileti Pita, aia u maravuti lo tabu hi tomua. 5Mo olo hivo mo tagai na lugwa lotu vano hi ramo saro, aia vae he soro tea. 6I Saemon Pita mo hurihuri mo maravuti, aia mo hena vaki lolo tabu hi. Mo tagai na lugwa lotu vano hi ramo saro. 7Mo tagai na lugwa hi ramo kweti na gwatu i Jisas kinia he saro tea mana lugwa vano hi ratuaki, vae u lululu u saro kehekeheki. #Sione 11.44 8Vunu a ngwalagelo hi kairuaki, aia hi mo maravuti tomua mana tabu, mo soro tilolona vake, mo tagaia mo hauhuri. 9Raru he kikilai na Uliuli* Kokona te radu nga, aia hi mo viti kwara vae ne maraka tina mateana. #Sam 16.9; Luk 24.26-27; Bol 2.27,31; 1 Kor 15.4 10Vunu a ngwalagelo kairua hi raru mo mule taliku vaki tatagaru.

I Jisas mo vosangia sibona lakwai Meri a vavine Maktala

(Mat 28.9-10; Mak 16.9-11)

11I Meri u tu varea mana tabu hi mo toko tangi. U tuku tangi radu nga, mo olo hivo mo taga tilolo tabu. 12Mo tagai na kaihora tina taetae kairua a lugwagaru rau lotu raru hugu lo tanotano na tarabehi i Jisas mo eno eia, kairuaki lo gwatulungwana kairuaki lo tanugaruna. 13Raru mo uduhuri kinia, raru mo viti “?Tubui, ku tuku tangi huri aha?”

Aia mo daraki mo viti kwara, “Rau lavi na nogu Hugwe* letiu, vae nahe kikilai te kwara ra va taua ave.” #Sione 20.2

14Mo viti kwehi, mo halebohi mo tagai Jisas mo tu, vae he kikilai tea kwara i Jisas. #Luk 24.16; Sione 21.4 15I Jisas mo uduhuri kinia mo viti “?Tubui, ku tuku tangi huri aha? ?Ku taga harohe?”

A vavine hini u domi kwara diko aia a tangaloi hi u tuku tagahuri na talutalu hi, mo kwaha maia mo viti kwara, “Diko i nigo ku lavia, ko viti lakweau kwara ku taua ave, vae nari vano nomo lavia.”

16I Jisas mo kwaha maia mo viti “Meri.”

I Meri mo halebohi vovohia, mo kwaha lo leo Hibru* a leo nona gwaloana noi Isrel*, mo viti “Ravoni.” A domianaki kwara, “Tisa.”

17I Jisas mo viti lakwae kwara, “Hatu kwiribibiau ba, huri i nau nohe mule hake te radu nga vaki mai Tamagu. Vae ko vano vaki mai ratuagu, ko viti lakwara kwara i nau nu viti kwara, ‘Nana mule hake vaki maia, aia hi i Tamagu, i Tamamiu, a nogu God a nomiu God.’ ” #Rom 8.29; Hib 2.11-12

18Hokinia i Meri a vavine Maktala mo vano mo viti lakwa na ngwalagelo noi Jisas kwara aia u tagai na Hugwe mo viti na leo vano hi lakwae.

I Jisas mo vosangia sibona lakwa na nona ngwalagelo

(Mat 28.16-20; Mak 16.14-18; Luk 24.36-49)

19Lo raniki kwahaia hi lo Sade raviravi, a ngwalagelo vano hi rau mule tabulutaki rau valiseki-bibi na noga katama u rovo ba, huri aira rau mataku kina kaitomuaki nona gwaloana noi Isrel*. Vunu i Jisas mo vanamai mo tu lo livukaga, mo kwaha mo viti “A magemuana ne eno maikamu.” #a Sione 20.1; Bol 20.7; b Sione 20.26; d Sione 7.13; 9.22; 19.38 20Mo viti kwehi mo rovo, mo vosangira kina kabana mana ngwarasana. A ngwalagelo ramo tagai na Hugwe* mo havutira. #a Sione 19.34; 20.25,27; b Sione 16.20,22 21Vunu i Jisas mo viti lakwara taliku kwara, “A magemuana ne eno maikamu. Hokinia i Tamagu mo horeau, vae hokinia i nau nu horakamu” #Sione 17.18 22Aia mo viti hokinia hini, vunu mo mabu tiluga mo viti “Tulu lavi na Tanungwe Kokona. 23Diko i kamu tulu ne domidomi koro lakwa na tangaloi lo nona vaivai hati, vae i God ne domidomi koro lakwae vake. Diko i kamu tulu nehe domidomi koroa tea, vae i God nehe domidomi koro tea lakwae vake.” #Mat 16.19; 18.18

I Jisas mai Tomas

24Lolona i Jisas mo vanamai vaki mana nona ngwalagelo, katukwale tiura, i Tomas aia hi u kwareki i Natu Malava, u tikei maira. #Sione 11.16; 21.2 25Vunu a ngwalagelo ratuaki ramo viti lakwae kwara, “I kami keu tagai na Hugwe*.”

I Tomas mo kwaha maira mo viti kwara, “Kwara vae diko na tagai na mata na duru lolo kabana vunu na tau na bihugu lo mata na duru, na tau na kabagu lo ngwarasana, nari hauhuri. Diko hetea, nanahe hauhuri tea.” #Sione 19.34; 20.20

26Lo Sade kairuaki a ngwalagelo rau hugu tabulutaki lolo ingwa taliku, vae i Tomas u hugu maira. Rau valiseki-bibi na noga katama taliku, vae i Jisas mo vanamai mo tu maira mo viti “A magemuana ne eno maikamu.” #Sione 20.19 27Vunu aia mo kwaha mai Tomas mo viti kwara, “Ko tau na bihumu hike, ko tagai na kabagu, vunu ko hokaki na kabamu ko taua tilo ngwarasagu. Ko hatu domi kairua aia ko hauhuri.” #Sione 19.34; 20.20,25

28I Tomas mo viti lakwae kwara, “!I nigo a nogu Hugwe, a nogu God!”

29I Jisas mo kwaha maia mo viti “I nigo ko hauhuri huri ku tagaiau. Aira hinea rahe tagaiau tea aia vae rau hauhuri, u havutira.” #1 Pita 1.8

A buku hika u uliana kwara ne hago mana tangaloi rana hauhuri lui Jisas

30I Jisas u vai na kaivosangi lalakua vake u rusa lengalenga lo nako na nona ngwalagelo, vae rahe uliana tea lo buku* hika. #Sione 21.25 31Vae aira hi rau uliana lo buku hika kwara vae i kamu tulu neri hauhuri kwara i Jisas aia i Vurae*, i Natu i God. Hokinia tulu neri hagwe na ahiana lo hinana huri tulu hauhuri luna. #Sione 3.15; 1 Sione 5.13

Currently Selected:

SIONE 20: HWT

Highlight

Copy