SIONE 11

A mateana kai Lasaros

1A tangaloi katukwale a hinana i Lasaros u toka lo vanua Betani vae u lenga. A gwatuivanua Betani aia a tata i Meri mai tuana i Mata. #Luk 10.38-39 2(I Meri aia hi, hinea mo didihi na vurae boniboni tilo garu na Hugwe* i Jisas, mo kwasu mamahakinia kina vuluna. Vae i hagwena i Lasaros aia hi mo lenga.) #Jen 12.3 3I rahagwe i Lasaros kairua raru mo hora leo vaki mai Jisas raru viti “Hugwe. I buluimu hinea ku lagwa maia haburu vae u lenga.” #Sione 11.36

4Lolona i Jisas mo rongo hokinia hi mo viti kwara, “A lengeana hika vae a gweregwereki hete mateana, vae ne vosangi na huirana noi God, vake kwara i God ne tabe hakekiau, i nau i Natuna.” #Sione 9.3

5I Jisas u lagwa haburu mai Mata mai tuana, mai hagwegaru i Lasaros vake. 6Aia u rongo kwara i Lasaros u lenga vae u hugu rani kairua vake takwa-hi mo hugu eia. 7Vunu mo kwaha mana nona ngwalagelo mo viti “Ta mule taliku vaki Sutia.”

8Vunu a nona ngwalagelo ramo kwaha maia ramo viti “Tisa. Nakwaiha, he tuai tea, a gwaloana noi Isrel* rau vai kwara rana vohoiko ki vatu takwa-hi. ?Vae kona mule vaki takwa-hi taliku?” #Sione 8.59; 10.31

9I Jisas mo daraki lakwara mo viti kwara, “A aoa hangavulu dongwana kairua lo rani katukwale. Diko te tangaloi ne lakao lolo rani ne tagataga lai, nehe tatu tea, huri u tagai na leleha na varamana. 10Vae diko u lakao lolo bongi ne tatu huri he leleha tea kwara ne tagataga.” #Sione 12.35 11I Jisas mo kwaha kwehi mo rovo, vunu mo hoke na leona vake, mo viti kwara, “I buluida i Lasaros u maturu, vae na vano na va vakaradae.” #a Mat 9.24; 27.52; Mak 5.39; Luk 8.52; Bol 7.60; b 1 Kor 11.30

12A nona ngwalagelo ramo viti “Hugwe. Diko u maturu, karea, a lengeana ne kata tiua, neri ahi.”

13I Jisas u viti na leo hokinia hi, a domianaki kwara i Lasaros u mate, vae a nona ngwalagelo rau domi kwara i Lasaros u maturu kareaki. 14Hikani i Jisas mo viti matangwasaraki lakwara mo viti “I Lasaros u mate ba. 15Vae nu lagwa nomo tikei maia, huri nu domi hurikamu kwara vae i kamu tulu neri hauhuri. Ta vano vaki maia.”

16I Tomas a hinana kairuaki i Natu Malava, mo kwaha mana ngwalagelo ratuaki mo viti “I kita vunu ta huria, ta va mate haragoki maia.” #Mak 14.31; Rom 6.8

I Jisas aia a gwataki na marakaana mana ahiana

17Lolona i Jisas mo maravuti, mo rongo kwara i Lasaros rau tanomia a rani kaivati koro ba. 18A gwatuivanua hi Betani u garagarani mana gwatuivanua lakua Serusalem kwara te kilometa kaitolu vohoki. #Mat 21.17 19A ngwera Sutia rusa rau vanamai kwara rana tagai Mata mai Meri, kwara rana amohi na domigaru huri na mateana noi hagwegaru i Lasaros.

20I Mata mo rongo kwara i Jisas u vanamai, mo vano kwara ne vaki maia, vae i Meri u hugu na vanua. 21I Mata mo kwaha mai Jisas mo viti “Hugwe*. Kwara vae diko i nigo hike, i hagwegu nehe mate tea. #Sione 11.32 22Vae nu kikilai hika kwara i God ne beteko kina havakinau hinea kona uduhuri kinia.”

23I Jisas mo viti lakwae kwara, “I hagwemu ne maraka taliku.”

24I Mata mo viti lakwae kwara, “Nu kikilai kwara neri maraka taliku lo taro na marakaana lo rani ki rovonaki.” #Dan 12.2; Sione 5.28-29; 6.39-40; Bol 24.15

25I Jisas mo kwaha maia mo viti kwara, “A gwataki na marakaana mana ahiana, i nau. Ihe hi u hauhuri lugu, vae diko ne mate, vae ne ahi taliku. 26Vunu vake ihe hi u toka, u hauhuri lugu, vae nehe mate te vohoki. ?I nigo ku hauhuri luna hi?” #Sione 8.51

27A vavine hi mo daraki mo viti “Io, Hugwe. Nu hauhuri kwara i nigo i Vurae*, i Natu i God, aia hinea kwara vae ne vanamai vaki lo varamana.” #a Sione 6.69; b Mat 16.16; d Sione 6.14

I Jisas mo tangi

28I Mata mo kwaha mo rovo, mo mule taliku mo kware raraveki tuana i Meri mo viti “A Tisa aia hike ba. U uduharoko kwara kona tagaia.” 29I Meri mo rongo kwehi mo vaivai heheri kwara ne vano vaki maia. 30(I Jisas he maravuti te radu nga lo gwatuivanua hi, vae aia radu nga lo mahao hini i Mata mo maravuti maia eia.) #Sione 11.20 31A tangaloi aira lolo ingwa mai Meri, rau tuku amohi na domina. Vae ramo tagai Meri mo maraka mo lakao rururu tivarea ramo huria huri rau domi kwara ne vano vaki lo tabu ne va tangi takwa-hi.

32Vunu i Meri mo maravuti mai Jisas, mo tagaia mo sovi hivo mana garuna mo viti “Hugwe*. Kwara vae diko i nigo hike, i hagwegu nehe mate tea.” #Sione 11.21

33I Jisas mo tagaia u tuku tangi, a tangaloi aira hi ramo huria rau tangi maia vake. I Jisas a domina mo kilu mo rongo hati haburu. 34Mo uduhuri kinira mo viti “?Tulu tanomia ave?”

Ramo daraki lakwae ramo viti “Hugwe. Ko vanamai, ko tagaia.”

35I Jisas mo tangi. #Luk 19.41 36Hikani a tangaloi ramo viti “Tulu tagaia. U lagwa haburu maia kareaki.”

37Vae ratuaki rau viti kwara, “A tangaloi hika u vai lavi na tangaloi matadodo mo tagataga lai. ?Vae kworoho he va tu koro na kinau te hika, kwara vae i Lasaros ne hatu mate?” #Sione 9.6

I Lasaros u ahi taliku

38I Jisas a domina mo kilu taliku u rongo hati radu nga. Mo vano vaki mana tabu hi a malanga, rau rihi na vatu lakua koro na matakihalaki ba. #Mat 27.60; Mak 15.46; Luk 23.53; 24.2; Sione 20.1

39I Jisas mo kwaha maira mo viti “Tulu rihi na vatu hi tiua.”

I Mata, i hagwena hini mo mate, mo kwaha mai Jisas mo viti “Hugwe*. Hika u boni ba huri keu tanomia a rani kaivati koro ba.”

40I Jisas mo daraki lakwae mo viti kwara, “I nau nu viti lakwako ba kwara diko ku hauhuri lugu vae kona tagai na huirana noi God.” 41Hikani ramo rihi na vatu hi letiu. Vunu i Jisas mo lalangao hake mo viti “Mama, Nu lagwakinigo huri komo toko rongohuriau. 42Nu kikilai kwara ku rongohuriau tigwaravu. Vae nomo viti kwehi huri na tangaloi hike, kwara vae rana hauhuri kwara i nigo ku horeau.” #a Sione 12.30; b Sione 6.29; 17.8,21 43I Jisas mo kwaha kwehi mo rovo, vunu mo kware karakara mo viti “!Lasaros! !Ku ngwalua tivarea!” 44A mateana hi mo ngwalua tivarea, a kabana, a garuna, rau vivihiana kina lugwa, a nakona rau kweti koroa vake kina lugwa. I Jisas mo viti lakwara kwara, “Tulu teri na lugwa vano hi tiua, tulu tirakinia ne lakao.” #Sione 20.6-7

A tovotovo huri na mateana kai Jisas

(Mat 26.1-5; Mak 14.1-2; Luk 22.1-2)

45A tangaloi rusa rau vanamai kwara rana tiroki Meri, vae ramo tagai na kinau hi i Jisas mo vai, ramo hauhuri luna. #Luk 16.31; Sione 2.23; 7.31; 8.30; 10.42; 12.11,42 46Vae ratuaki tiura rau mule taliku vaki mana Varisi* maira ramo viti lakwara huri na kinau vano hi i Jisas mo toko vaira. 47Hikani a Varisi mana tangaloi* lingilingi lalakua ramo vileki tabulutaki mana Tangaloi* Tovotovo Lalakua, ramo kwaha ramo viti “?Tana vai kworoho? A tangaloi hika u vai na kaivosangi lalakua u rusa haburu. 48Diko tana tirakinia ne vano hokinia hi nga, vae vunuhi na tangaloi rana hauhuri luna, vunu a ngwera Rom hinea rau hugwe korokita rana vanamai, rana vai ginaraki na Ingwa Kokona noi God, vake mana ngwera tatada doluaki.”

49Katukwale tiura a hinana i Kaeavas aia a hugwe na tangaloi* lingilingi lo hukao aia hi, mo kwaha maira mo viti “!Tulu he kikilai na kinau te vohoki! 50?I kamu tulu he kikilai tea kwara u taritarisa lakwakita kwara a tangaloi katukwale ne mate huri na tangaloi savia, kwara vae a tangaloi doluaki tatada ranahe mate tea?” #Sione 18.14 51Lolona mo viti na leo hi, hete leona sibona vae hokinia, aia a hugwe na tangaloi lingilingi lo hukao aia hi, mo duruki terekaki na leo ki tomuaki kwara vae vaki takuni i Jisas ne mate koro na gwaloana noi Isrel*. 52Vae hete hurira kehekeheki, vae huri kwara ne lai tabulutaki i raranatu i God hinea rau hugu vataha na mahagweki rana mulemai ki tangaloi katukwale. #a Sione 10.16; b Sione 17.21

53Vunu mo tinakaki lo rani aia hi, a kaitomuaki nona gwaloana noi Isrel vano hi ramo tovotovo tabulutaki kwara vae rana kwohi matei Jisas. #Mat 14.5; Sione 5.18; 7.1,25; 8.37,40 54Vae huri hi, i Jisas he vano te na ngwasara lo vanua Sutia, vae mo tiraki takwa-hi, mo vano vaki lo gwatuivanua katukwale u kwareki Evrem garagarani mana vanua vuroki, mo hugu takwa-hi mana nona ngwalagelo. #a Sione 7.1; b Sione 2.12; 3.22

55A taro na vileki tabulutakiana nona gwaloana noi Isrel rau kwarekinia a Kanikani* na Tivekiana u garagarani. A tangaloi rusa ramo vano tina vanua laliki vaki Serusalem kwara rana vai ngwakutakinira rana ngwasara tomuaki vunu vari a kanikani. #a Sione 2.13; 6.4; b 2 Kron 30.17 56Ramo toko soro haro i Jisas, vae ramo vileki tabulutaki lolo Vanua* Kokona noi God ramo uhiuhira ramo viti “?Tulu domi kworohokinia? ?Hika vae ne vanamai lai vaki lolo kanikani, diko hetea?” #Sione 7.11 57A tangaloi lingilingi lalakua mana Varisi maira ramo tau na leo kwara diko te katukwale u kikilai kwara i Jisas aia ave ne vitia lakwara vae rana kwiribibia.

Currently Selected:

SIONE 11: HWT

Highlight

Copy