SEKARIAH 7
7
1Go e pakilina natau kevati ki nawota Darius, naga navasaana ki Yehovah e umai paki Sekariah naaleatia kevati ni atelagi keloveti doko Kislef. 2Go tea maga ni Beth‐el eu dip̃aki lua Shareser ma Rekemmelek, go naatam̃oli adeada maga naga euga tatago nasaup̃iaana ki Yehovah. 3Go naga euga vasa paki tea viri maga ni nasum̃a ki Yehovah ki taua maga, go paki profeta maga, po naga, Aga wo susue po pali atelagi kelima, dapala waina a po do mari a natau laapa kite? 4Go navasaana ki Yehovah ki taua maga e umai paki nau, e naga, 5P̃a vasa paki narei mamau puti ni navanua, go paki tea viri maga, po naga, Ragi waina ku pali po susue atelagi kelima go atelagi kelarua, natau rualima larua waina eu pano sua, ku pali nalakena kinau kite? 6Go ragi waina ku do ganikani, go ragi waina ku do munu, ku da dum̃amu ganikani nalakena nimu mau, po dum̃amu munu nalakena nimu mau, kite? 7Ragi waina Yerusalem e pei natokoana ni natam̃ateana, go natokoana aneana maga eu doko dalivirigoro e, go taleva ni Sauth go malo matemate eu pei natokoana maga, navasaana maga waia eu da pei navasaana waina Yehovah e dogorogo ki nia pae nawoka ni profeta vea maga, kite?
8Go navasaana ki Yehovah e umai paki Sekariah, 9po naga, Yehovah ki taua maga e pasa dapala nea, e naga, P̃a mari navasap̃otaeana leana, go sara naatam̃oli euga sikasikai pisei ki nadodomiana go namaritadodomiana paki taina: 10Po da diesoki nagoroi malepu mau, kite namalepu maga, kite nam̃enaki‐atatoko, kite tea tika; go te naata sikai kakamu ega ta midoaki tea sa nap̃op̃ona dip̃a taina mau. 11Ma eu karai dogo parati ki, go eu dosa liliu napauda, go eu p̃ogoro nadaligada maga, naga euga ta dogo e mau. 12Io, eu mari nap̃op̃oda maga eu kasua dapala vatu, mase eu pe rogo nawotaeana, go navasaana maga waina Yehovah ki taua maga e dip̃aki lua ra pae naatana pae nam̃elearu ni profeta vea maga: nalakena tea wanogoe namaetoana warua e pae Yehovah ki taua maga umai. 13Go e pakilina naga dapala waina e pioso, go nara eu karai dogo e; dapala nogoe nara eu pioso, go kinau a da dogo e mau, Yehovah ki taua maga e noa e; 14Ma a daperavera ki da ki suitaviro sikai usuraki nalauna maga mamau puti waina eu da atae ra mau. Go dapala nogoe navanua e pei maso maladi edaku ki da, dapala te naata sikai e da surata asa kite liliu asa mau: nalakena eu mari navanua masauniana e pei maso maladi.
Currently Selected:
SEKARIAH 7: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
