SEKARIAH 3
3
1Go e pisei ki nau Yoshua, tea viri warua liu, e lawodu narae ni agelo ki Yehovah, go Satan e lawodu nam̃elearuna ni matua naga ega vei tea vasa dip̃a e. 2Go Yehovah e noa ki Satan, e naga, Yehovah ega vasa kasua ki‐go, Satan O; io, Yehovah waina e matadoa Yerusalem ega vasa kasua ki‐go: tea waia e da pei naseati waina e pei tea vualuaana m̃elu dua ki nakapu vavaga, kite? 3Go Yoshua e pei tea sugoroana ki tea suniana loa sa, go e lawodu narae ni agelo wanogoe. 4Go e pasadara po noa ki tea maga waina eu lawodu naraena, e naga, Kuga vualua sugoro loa kiana. Go e noa paki nia, e naga, P̃a leo, a po mari namarinaleotageleana anigo e m̃elu dua ki‐go pano, go aga wo sugoro ko ki tea suniana wia lua. 5Go a naga, Euga sawa ki tap̃au vivisiana dare sikai ega toko nap̃auna. Go dapala nogoe eu sawa ki tap̃au vivisiana dare sikai e doko nap̃auna, po sugoro e ki tea suniana maga; go agelo ki Yehovah e lawodu m̃aladigi. 6Go agelo ki Yehovah e pasa parati ki Yoshua, po naga, 7Yehovah ki taua maga e noa dapala nea: Waina ku pe surata napua aginau maga, go waina ku pe vavaigoro navasaparatikiana aginau, ragi wanogoe p̃a wo moro pasa p̃otae nasum̃a aginau, po moro pavaigoro roara ni nasum̃a aginau maga, go aga wo dua ko tokora sikai m̃aleoputo ni tea maga waia waina eu lawodu m̃aladigi. 8P̃a rogo ragi waia, Yoshua tea viri warua liu O, nimu ma taim̃a tea viri maga waina eu dasake naraem̃a; nalakena nara eu pei naatam̃oli maga waina eu pei tea ni navaivaiana sikai: p̃a leo, aga wo piragi lua tea suasua aginau, Arana, umai. 9Nalakena p̃a leo, vatu waina a lawo ki nia narae ni Yoshua; vatu sikai e peani namatana eu larua: p̃a leo, aga wo dae midiri tea tae‐midiriana kakana asa, Yehovah ki taua maga e noa e, go aga wo kasi lua namarinaleotageleana ni navanua wanogoe naaleatia sikai maau. 10Doko naaleatia wanogoe, Yehovah ki taua maga e noa e, sara naatam̃oli sikasikai kakamu ega soso tea ni m̃aladigi ki nia paki melu ni vaine go melu ni nakau napuliva.
Currently Selected:
SEKARIAH 3: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
