MATAIO 1
1
1Tusi ni navakilinaana ki Yesu Kristo, natu ni David, natu ni Abraham.
2Abraham e pesi Isaak; go Isaak e pesi Yakob; go Yakob e pesi Yudah go taina maga; 3go Yudah e pesi Peres go Serah ki Tamar; go Peres e pesi Hesron; go Hesron e pesi Ram; 4go Ram e pesi Amminadab; go Amminadab e pesi Nahshon; go Nahshon e pesi Salmon; go Salmon e pesi Boas ki Rahab; 5go Boas e pesi Obed ki Ruth; go Obed e pesi Yesse; 6go Yesse e pesi David nawota.
Go David e pesi Solomon ki Uriah anagoroi; go Solomon e pesi Rehoboam; 7go Rehoboam e pesi Abiyah; 8go Abiyah e pesi Asa; go Asa e pesi Yehoshafat; go Yehoshafat e pesi Yoram; go Yoram e pesi Ussiah; 9go Ussiah e pesi Yotham; go Yotham e pesi Ahas; go Ahas e pesi Hesekiah; go Hesekiah e pesi Manasseh; 10go Manasseh e pesi Amon; go Amon e pesi Yosiah; 11go Yosiah e pesi Yekoniah go taina maga, ragi ni naviragiluaana paki Babelon.
12Go ragi edaku ki naviragiluaana paki Babelon, Yekoniah e pesi Shealtiel; go Shealtiel e pesi Serubbabel; 13go Serubbabel e pesi Abiud; go Abiud e pesi Eliakim; go Eliakim e pesi Asor; 14go Asor e pesi Sadok; go Sadok e pesi Akim; go Akim e pesi Eliud; 15go Eliud e pesi Eleasar; go Eleasar e pesi Matthan; go Matthan e pesi Yakob; 16go Yakob e pesi Yosef Maria anawota, go Maria Yesu e pakilina m̃elu asa, waina e pei tea sosoana ki Kristo.
17Dapala nogoe tagona maga mamau puti pae Abraham pa pa paki David eu pei tagona rualima sikai tamate pati; go pae David pa pa paki naviragiluaana paki Babelon tagona rualima sikai tamate pati; go pae naviragiluaana paki Babelon pa pa paki Kristo tagona rualima sikai tamate pati.
18Go navakilinaana ki Yesu Kristo e dapala waia; Ragi waina p̃ilana Maria e magi Yosef pei tea vasasokiana sua, ragi waina ero ko da saisai mau e pei tea vap̃aiana e magi Naatana Tapu diena. 19Go anawota Yosef, waina e pei tea leana sikai, po da masauna mau naga ega mari a ega vei tea vasap̃otaeana lina, e midoa ki nia naga ega tip̃aki lua panako e. 20Ma ragi waina e do midoa ki tea maga wanogoe, kuga leo, agelo sikai ki Yehovah e pakilina ki nia nap̃erea sikai, po naga, Yosef, natu ni David, p̃a ta mataku piragi Maria am̃agoroi mau: nalakena tea waina e diena ki nia e pei tea ni Naatana Tapu. 21Go ega wo dape natuna naanoai sikai; go p̃a wo salagisana ki YESU; nalakena nae ega wo mauti pauri narei aneana m̃elu dua ki namarinaleosaana adeada maga. 22Go tea mamau wanogoe e pakilina, naga tea waina Yehovah e noa e pae profeta ega lolomana, e naga,
23Kuga leo, nagoroi atara ega wo diena, go ega wo dape natuna naanoai sikai,
Go euga wo soso nagisana ki Emmanuel;
Waina e pei tea vasadoaana e pei Sup̃e sikoti gida. 24Go Yosef e duleana m̃elu dua ki namaturuana aneana, po mari dapala waina agelo ki Yehovah e dip̃a ki nia asa, po piragi anagoroi; 25go e da atae a mau pa pa e dape sua natuna naanoai sikai: go e salagisana ki YESU.
Currently Selected:
MATAIO 1: NTB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Bible Society of the South Pacific