DIPESALOME 26
26
Thapelo ya monna wa go loka
Ke pesalome ya Dafida.
1Kahlolo ya gago a e nthekge, Morena,
gobane ke phela ke se na bosodi,
mme ke botile wena ke sa tekateke.
2Ntlhahlobe o ntekole, Morena;
ntlhwekiše pelo le menagano.
3Leratorato la gago le a nketetša;
ke phela go ya ka therešo ya gago.
4Ga ke ikopanye le baradia;
ga ke sepele le baikaketši.
5Ke hloile go dula le batho ba babe,
ebile ga ke ikopanye le bakgopo.
6Morena, ke hlapa diatla go itatola molato,
le gona ke dikologa aletare ya gago ke go rapela
7ke opela sefela sa tebogo,
ke bile ke anega mehlolo ya gago.
8Morena, ke rata ngwako wo o dulago go wona,
felo mo go dulago letago la gago.
9Hle, o se mpheleletše gotee le badiradibe,
o se ntloše tšatšing le babolai.
10Ke bona ba ba dirago tša bokebeka,
ba ba phelago ka tsogolekobong.
11Ge e le nna ke phela ke se na bosodi.
Hle, nkgaugele mme o mphološe!
12Ke iketlile,
mme ke tla reta Morena ke na le phuthego yohle ya gagwe.
Currently Selected:
DIPESALOME 26: NSO00
Highlight
Share
Copy
Want to have your highlights saved across all your devices? Sign up or sign in
Bible in Sepedi 2000 translation © Bible Society of South Africa 2000. Digital Version © Bible Society of South Africa 2012. All rights reserved. www.biblesa.co.za.
