DIPESALOME 24
24
Kgoši ye kgolo
Ke pesalome ya Dafida.
1 Lefase ke la Morena le tšohle tše di lego go lona;
lefase ke la gagwe le tšohle tše di phelago go lona.
2O le theile godimo ga mawatle,
o le agile godimo ga phamphamadiba.
3Ke mang yo a ka namelago thaba ya Morena?
Ke mang a ka tsenago ka Tempeleng ya gagwe ye kgethwa?
4 Ke yo a dirago tše di lokilego,
a nago le pelo ye botse.
Ke yo a sa amanego le bofora,
a sa enego ka maaka.
5Yena Morena o tla mo šegofatša;
Modimo, Mophološi wa gagwe kahlolong,
o tla re ga a ne molato.
6Ba babjalo ke ba ba tlago go Modimo,
ba ba ipegago go Modimo wa Jakobo.
7Bulegang go ahlama, lena dikgoro;
ipuleng, lena mamati a bogologolo,
gore Kgoši ye kgolo e tsene!
8Ke mang Kgoši ye kgolo yeo?
Ke Morena yo maatla le yo bogale,
Morena, yena mogale ntweng.
9Bulegang go ahlama, lena dikgoro;
ipuleng, lena mamati a bogologolo,
gore Kgoši ye kgolo e tsene!
10Le re ke mang Kgoši ye kgolo yeo?
Morena Ramaatlaohle –
ke yena Kgoši ye kgolo yeo.
Currently Selected:
DIPESALOME 24: NSO00
Highlight
Share
Copy
Want to have your highlights saved across all your devices? Sign up or sign in
Bible in Sepedi 2000 translation © Bible Society of South Africa 2000. Digital Version © Bible Society of South Africa 2012. All rights reserved. www.biblesa.co.za.