Кʼаред Шандийа 13

Рʼӧһʼе Пироз Паԝлос у Барнабас дьшинә

1Щьвина Әнтакйайеда чәнд пʼехәмбәр у дәрсдар һәбун, Барнабас, Шьмһʼуне кӧ жерʼа Нигер#13:1 «Нигер» жи чаԝа «мәрьве чʼәрме рʼәш» те фәʼмкьрьне. дьготьн, Лукйойе жь Курене, Мәнайине кӧ тʼәви Һеродәсе сәрԝер#13:1 Әва Һеродәса, аԝа готи Һеродәс-Антипас, сәрԝере Щәлиле бу (Луԛа 3:1). мәзьн бьбу у Шаԝул. 2Әвана кӧ нава һʼәбандьна Хӧданда бун у рʼожи дьгьртьн, Рʼӧһʼе Пироз ԝанрʼа гот: «Барнабас у Шаԝул Мьнрʼа бона ԝи шьхӧле кӧ Мьн гази ԝан кьрийә щӧдә кьн». 3Ԝи чахи рʼожи гьртьн, дӧа кьрьн, дәстед хԝә данинә сәр ԝан у әԝ шандьн.

Шанди гьрава Ԛӧбрьседа Мьзгинийе дьдьн

4Аԝа әвана кӧ жь Рʼӧһʼе Пироз һатьнә шандьне, бәржери Селукйайе бун у жь ԝьр бь гәмийе дәрбази Ԛӧбрьсе бун. 5Гава гьһиштьнә Сәламисе, кʼьништед щьһуйада хәбәра Хԝәде даннасин дькьрьн у Йуһʼәнна жи кʼомәкдаре ԝан бу. 6Әԝ тʼәмамийа ԝе гьраве гәрʼийан, гьһиштьнә һʼәта Пафосе. Ль ԝьр пʼехәмбәрәки щьһуйайи дәрәԝ у сербаз дитьн кӧ наве ԝи Барйешу бу. 7Әва йәки жь бәрдәстийед Сәргийо Паԝлосе ԝәли бу. Сәргийо Паԝлос жи мәрьвәки аԛьл бу, әви гази Барнабас у Шаԝул кьр, кӧ хәбәра Хԝәде бьбьһе. 8Ле Барйешуйе сербаз, аԝа готи бь йунани Елумас, мьԛабьли ԝан рʼабу у дькьр кӧ ԝәли жь баԝәрийе бьхальфинә. 9Һьнге Шаԝуле кӧ жерʼа Паԝлос жи дьбежьн, бь Рʼӧһʼе Пироз тʼьжи ль ԝи сербази ньһерʼи 10у готе: «Һәй мьхәнәто у һʼәму фелбазийава тʼьжийо! Щәԝрьке мирещьн! Дьжмьне тʼәмамийа рʼастийе! Те һʼәта кʼәнге тʼәрка хальфандьна рʼийед Хӧданә рʼаст нәки? 11Ва дәсте Хӧдан ньһа ԝе сәр тә гьран бә, те кор би у дәмәке тәʼве нәбини». У дәстхԝәда мьж у думан һатә сәр ԝи, вьрда-ԝеда дькʼәт рʼебәр дьхԝәстьн. 12Ԝи чахи ԝәли кӧ әв йәк дит, баԝәр кьр, сәр ԝе һинкьрьна бона Хӧдан әʼщебмайи ма.

Паԝлос у Барнабас ль бажаре Әнтакйа ԛәза Пьсидйайе

13Һьнге Паԝлос һәвалед хԝәва бь гәмийе жь Пафосе рʼекʼәтьн һатьнә Пәргейа Памфилйайе. Йуһʼәнна ль ԝьр жь ԝан ԛәтийа, вәгәрʼийа Оршәлиме. 14Әԝана жи жь Пәрге чунә Әнтакйа Пьсидйайе, рʼожа шәмийе кʼәтьнә кʼьниште рʼуньштьн. 15Пәй хԝәндьна Ԛанун у ньвисаред пʼехәмбәрарʼа сәрԝеред кʼьниште йәк шандьнә щәм ԝан у готьн: «Гәли бьра, һәгәр готьнәкә ԝә һәйә кӧ дьл бьдьнә щьмәʼте, кʼәрәм кьн бежьн». 16Паԝлос рʼабу, дәсте хԝә һʼәжанд у гот:

«Гәли щьмәʼта Исраеле у нәщьһуйед кӧ жь Хԝәде дьтьрсьн гӧһдар бьн! 17Хԝәдейе ви мьләте Исраеле кал-бавед мә бьжартьн у мьләт ль ԝәлате Мьсьре хәрибийеда зедә кьр. Бь дәсте зор әԝ жь ԝьр дәрхьстьн#13:17 Дәркʼәтьн 1:7; 12:51. , 18чьл сали бәрʼийеда#13:18 Жьмар 14:34. ль ԝан сәбьр кьр#13:18 Нав һьнәк дәстньвисарада дәԝса «ль ԝан сәбьр кьр» «әԝ хԝәй кьрьн» һәйә. . 19Ԝәлате Кәнанеда кʼока һʼәфт мьләта ани, әʼрде ԝан чаԝа щи-ԝар да щьмәʼта Хԝә#13:19 Ԛануна Дӧщари 7:1; Йешу 14-19. . 20Һʼәта һьнге чарсьд пенщи сал дәрбаз бу. Жь ԝьр шунда һʼакьм данә ԝан һʼәта һена Самуел пʼехәмбәр#13:20 Һʼакьмти 2:16; Пʼадшати I, 3:20. . 21Паше пʼадша хԝәстьн, Хԝәде чьл сали йәки жь әʼшира Бьнйамин, Шаԝуле кӧрʼе Кис да ԝан#13:21 Пʼадшати I, 8:5; 10:21. . 22Гава әԝ авит, Даԝьд сәр ԝан кьрә пʼадша, кӧ бона ԝи шәʼдәти да у гот: ‹Мьн Даԝьде Йеша мәрик дьле Хԝәрʼа дит, ԝе хԝәстьна Мьн гьшки бинә сери›#13:22 Пʼадшати I, 13:14. . 23Жь зӧрʼәта ԝи Хԝәде анәгори созе Хԝә Исраелрʼа Хьлазкьрәк рʼакьр, һәма хут Иса. 24Бәри һатьна Ԝи, пешийе Йуһʼәнна тʼәмамийа мьләте Исраелерʼа даннасин кьр, кӧ жь гӧнәкьрьне вәгәрʼьн у бенә ньхӧмандьне#13:24 Луԛа 3:3. . 25Гава Йуһʼәнна шьхӧле хԝә сәр һәвда ани, гот: ‹Һун бона мьн чаԝа дьфькьрьн, әз кʼи мә? Әз нә Әԝ ьм, бона кʼижани һун дьфькьрьн. Ле ва йә Әԝ пәй мьн те, кӧ әз нә һежа мә бәне чарьхед ньгед Ԝи вәкьм›#13:25 Луԛа 3:16. .

26Гәли бьра, зарʼед хун-ԛьнета Бьраһим у нәщьһуйед нава ԝәдайә кӧ жь Хԝәде дьтьрсьн, мәрʼа әв хәбәра кӧ пе хьлаз дьбьн һатә шандьне. 27Бьнәлийед Оршәлиме у сәрԝеред ԝан Иса чаԝа Хьлазкьр нас нәкьрьн, ле гава диԝана Ԝи кьрьн, готьнед пʼехәмбәрайә кӧ һәр шәми дьхуньн анинә сери. 28Нәһәԛийа бона кӧштьне жи сәр Ԝи нәдитьн, ле диса һиви жь Пилато кьрьн кӧ Ԝи бьдә кӧштьне#13:28 Луԛа 23:21-23. . 29Гава һәр тьштед кӧ бона Ԝи ньвисар бун анинә сери, жь дар анинә хԝаре кьрьнә тʼьрбе#13:29 Луԛа 23:50-56. . 30Ле Хԝәде Әԝ жь мьрьне рʼакьр 31у гәләк рʼожа Хԝә ԝанва да хӧйакьрьне, кʼижан жь Щәлиле тʼәви Ԝи һатьбунә Оршәлиме. Ньһа жи әԝ ль бәр щьмәʼте шәʼдед Ԝи нә#13:31 Кʼаред Шандийа 1:3. . 32У әм ве Мьзгинийе дьдьнә ԝә: Чь кӧ Хԝәде кал-бавед мәрʼа соз дабу, 33Әԝи бона мә кьр, аԝа готи зарʼед ԝанрʼа, гава Иса жь мьрьне рʼакьр. Чаԝа Зәбура дӧдада жи ньвисар ә:

‹Тӧ Кӧрʼе Мьн и,

Тӧ иро Мьнрʼа буйи›#13:33 Зәбур 2:7. .

34Бона ве йәке кӧ Әԝ жь мьрьне рʼакьр у иди Әԝ тʼӧ щар нарʼьзә, Хԝәде аһа готийә:

‹Әзе ԝан дӧа-дьрозгед пирозә амьн у Даԝьдрʼа создайи сәр ԝәда бьбариньм›#13:34 Ишайа 55:3. .

35Зәбурәкә дьнда жи дьбежә:

‹Тӧ наһели Пирозе Тә бьрʼьзә›#13:35 Зәбур 16:10. .

36Бәле Даԝьд зәмане хԝәда ԛьрара Хԝәдерʼа хӧламти кьр мьр у гьһиштә пешийед хԝә, бәдәна ԝи рʼьзи. 37Ле Әԝе кӧ Хԝәде жь мьрьне рʼакьр нәрʼьзи. 38Ньһа бьра әв йәк ԝәва әʼйан бә, гәли бьра, кӧ бь сайа Иса ԝәрʼа бона бахшандьна гӧна те даннасинкьрьне. У жь ԝан һәр тьштед кӧ һун бь Ԛануна Муса нькарьбун бесущ буна, 39ньһа кʼи кӧ баԝәрийа хԝә Иса бинә ԝе бесущ бә. 40Һаш жь хԝә һәбьн, нәбә әв тьште кӧ пʼехәмбәра готийә бе сәре ԝә:

41‹Бьньһерʼьн кʼӧбар-бабахно,

әʼщебмайи бьн у бәтавәбьн,

чьмки Әзе рʼожед ԝәда кьрәки бькьм,

кьрәки ӧса, кӧ йәк ԝәрʼа бежә жи

һуне баԝәр нәкьн›#13:41 Һәбаԛуԛ 1:5. ».

42Гава Барнабас у Паԝлос жь ԝьр дәркʼәтьн, һиви жь ԝан кьрьн, кӧ шәмийа дьн жи бона ԝе йәке ԝанрʼа хәбәр дьн. 43Гава щьвина кʼьниште бәла бу, гәләк щьһу у жь нәщьһуйед кӧ һатьбунә сәр баԝәрийа щьһуйа пәй Паԝлос у Барнабас дьчун. Ԝанарʼа хәбәр дьдан у дьл дьданә ԝан, ԝәки тʼьме нава кʼәрәма Хԝәдеда бьминьн.

44Рʼожа шәмийа дьн незики тʼәмамийа бажер щьвийа, кӧ хәбәра Хӧдан бьбьһе. 45Гава щьһуйа әԝ әʼлаләт дит, жь һʼәвсудийе мьԛабьли готьнед Паԝлос сәкьнин у әԝ беһӧрмәт кьрьн. 46Һьнге Паԝлос у Барнабас меркʼими готьн: «Гәрәке пешийе хәбәра Хԝәде ԝәрʼа бьһата хәбәрдане, ле һун кӧ хәбәра Хԝәде тʼәхсир дькьн у хԝә лайиԛи жийина һʼәта-һʼәтайе накьн, ва әм вәдьгәрʼьнә бәрбь нәщьһуйа. 47Чьмки Хӧдан аһа әʼмьри мә кьр: ‹Мьн Тӧ кьри рʼонайа нәщьһуйа, ԝәки һʼәта сәре дьнйайе бьби мәщала хьлазбуне›#13:47 Ишайа 49:6. ».

48Гава йед нәщьһу әв йәк бьһистьн, ша бун шькьри дьданә готьна Хӧдан. У әԝед кӧ бона жийина һʼәта-һʼәтайе кʼьфшкьри бун, баԝәр кьрьн.

49Хәбәра Хӧдан тʼәмамийа ԝәлетда бәла бу. 50Ле щьһуйа һелан данә кʼӧлфәтед хԝәдебаԝәрә хԝәйиԛәдьр, тʼәви гьрәгьред бажер, мьԛабьли Паԝлос у Барнабас рʼакьрьн у жь синоред хԝә дәрхьстьн. 51Ԝана жи тʼоза ньгед хԝә сәр ԝанда даԝшанд, чунә Ԛонйайе#13:51 Луԛа 9:5. 52у шагьрт бь шабуне у Рʼӧһʼе Пирозва тʼьжи бун.

Currently Selected:

Кʼаред Шандийа 13: KmrNTC

Highlight

Copy