Israelfɔ Ɩlʋ 52
52
Bulu Asʋngyi Pʋ́ Mʋ Awɩtɔlɛ
Dawid atosuna ɩlʋ ha ɩlʋ osunapʋ. Ɔlɔwa mʋ́ brɛá Edomyin Doeg lɛyɛbla Saul ánɩ́ ɔbʋ Ahimelek woyitɔ.
1Ɔha yinhɛ, ntogyi sʋ fʋdɛ ɩwɩ adabi da,
lalahɛá fʋdɛpʋgyi Bulu aha sʋ?
Ekekegyiɛkɛ ɔyɩkɛhɛ fɛ́ɛ́, 2fʋdɛ lalahɛ susu.
Ofunupʋ olembiapʋ,
fʋ ɔdandʋ bʋ ogya fɛ ɔdayibi.
3Fʋtekle lalahɛ dʋn yile,
fʋtekle afunu ɛ dʋn ɔnɔkwalɩ. Ɩya.
4Ofunupʋ, asʋkpan ánɩ́ ɩbɛ́tɩ lowu ha fʋ aba fʋtekle.
5Tamɛ Bulu ɔbɛ́da fʋ lɛ da,
fʋmɛ́ɛtra kʋsʋ ɛkɛkɛɛkɛ.
Ɔbɛ́lɛ fʋ lɛ fʋ tati-obuto,
puli fʋ lɛ akɩankpapʋ ɔsʋlʋsʋ. Ɩya.
6Aha yile bówun, nya ifu.
Bɔ́mɔsɩ fʋ blɩ bɛɛ,
7“Kɩ, ntɔ dɛ ɔha yinhɛ anfɩ bwɛ?
Ɔtamasrɩ tanʋ Bulu,
ɩnyasʋ ɔlɔpʋ ansɩ dɩnka,
pʋ atonyahɛ bwɛ mʋ ɔtanʋkpa.”
8Tamɛ mɩ mʋ́ ngyi fɛ olif-oyiá#52:8 Anɩmá oyi anfɩ ɩda Nkonyatɔ. ɩlayɛyɛɩ,
ɩlɩɩ Bulu woyitɔ.
Mɩ ansɩ dɩn Bulu ɔdwɛá ɩma ɔkasʋ brɛ fɛ́ɛ́.
9Oo Bulu, nɛ́kanfʋ fʋ brɛ fɛ́ɛ́,
fʋ bwɛhɛ sʋ.
Nɛ́da fʋ ɩda ɔkan aha ánɩ́ bʋtamakpa fʋ ɔma ansɩtɔ,
tsufɛ fʋbʋ alɛ.
Currently Selected:
Israelfɔ Ɩlʋ 52: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
