Israelfɔ Ɩlʋ 146
146
Bulu Tɛkɩ Afɔɔsʋ, Kpa Awumbi Mʋ́a Asʋrapʋ
1Kanfʋ Nana Bulu!
Oo mɩ ɔkla, kanfʋ Nana Bulu!
2Ɩnɩá ntsie nkpa a, nɛ́kanfʋ Nana Bulu.
Nɔ́wa ɩlʋ kanfʋ mʋ mɩ nkpatɔ fɛ́ɛ́.
3Mlɩmápʋ ansɩ dɩnka awie pʋ́ anyankpʋsasʋ.
Bʋmɛ́ɛtalɩ hɔ mlɩ nkpa.
4Nɩ anyankpʋsa ɔŋɛ ɩdalɩ amʋ́tɔ a, bʋteyinki yɔ ɩsɩtɔ.
Amʋ́ nhɩhɩɛ fɛ́ɛ́ tɔfwɩ ɛkɛ amʋ ɛkɛ amʋ.
5Ansɩ igyi aha ánɩ́ Yakob Bulu gyi amʋ́ bʋalɛ ogyipʋ,
bʋdɛ amʋ́ Bulu ɔkpa kɩ.
6Mʋlɔbwɛ ɔsʋ mʋ́a asɩ,
ɔpʋ mʋ́a atɔá ɩbʋ mʋ́ fɛ́ɛ́tɔ,
ɔdɛ mʋ ɔnɔkwalɩtɔ brɛ fɛ́ɛ́.
7Otegyi asʋn ɔnɔkwalɩsʋ ha aha ánɩ́ bʋdɛ amʋ́ sisi,
ɔtɛha aha ánɩ́ akʋn dɛ amʋ́ atogyihɛ.
Nana Bulu tɛlɛ obu adɩpʋ obu.
8Mʋtobwii ansibi abwiepʋ ansibi,
ototsu aha ánɩ́ baba amʋ́ asɩ kʋsʋ.
Otekle yile abwɛpʋ asʋn.
9Ɔtɛkɩ afɔɔsʋ, kpa awumbi mʋ́a asʋrapʋ;
tamɛ oteyinta lalahɛ abwɛpʋ nhɩhɩɛ.
10Nana Bulu dɛ iwie gyi brɛ fɛ́ɛ́.
Sionfɔ, mlɩ Bulu amʋ obégyi iwie otuntufla fɛ́ɛ́.
Mlɩkanfʋ Nana Bulu!
Currently Selected:
Israelfɔ Ɩlʋ 146: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
