Mateu Maliji Atangu
Maliji Atangu
Mukanda uno unalumbununa sango Jibema ja Yesu, Chilamwina yoze Zambi alakenyene. Mwenawo Zambi amanunwine nenyi yilakenyo yize alakenyene atu jenyi mu Usendo Ukulu. Yesu wasemukinyine ni wakolelele mukachi ka Ayuda. Hindu sango jino Jibema hi mumu hali Ayuda wika ko, alioze mumu hali atu eswe.
Mukanda wa Mateu unalumbununa yikuma yeswe kanawa. Unabatula ni kusemuka cha Yesu, yikusula upapachiso wenyi ni cheseko chenyi, mba yikusula milimo yenyi ya kwambujola, ya kulongesa, ni ya kuwuka mu chifuchi cha Galilea. Unalumbununa nawa wenyi wa Yesu chize ku Galilea ndoo ku limbo lia Yerusaleme, ni mwono wenyi ha semana yakusula. Unashindakenya chize akwa kole jenyi amuhachile ha kulusu ni chize ahindukile.
Mukanda uno unashindakenya ngwo, Yesu kali longeshi wa mana kuhiana, yoze uli ni chiyulo cha kulumbununa Shimbi ja Zambi, ni cha kulongesa hakutwala ku Wanangana wa Zambi. Longeso lienyi lili ni yikuma yitano. (1) Longeso lia ha mulundu lize linalumbununa ndako ja enyembo a mu Wanangana wa mwilu, ni milimo yo, ni kukundulula cho mu mwono wo hano hashi, ni yiwape yo ya kulutwe. (Mat 5-7); (2) Longeso kuli tumbaji kumi ni aali hakutwala ku milimo yo (Mat 10); (3) Yishima hakutwala ku Wanangana wa mwilu (Mat 13); (4) Longeso hakutwala ku ulumbunwiso wa umbaji (Mat 18); (5) Longeso hakutwala ku songo lia mwokono ni kwiza cha Wanangana wa Zambi (Mat 24-25).
Yikuma Yinene
1. Maliji atangu 1:1—4:11
Tushakulu twa Yesu ni kusemuka chenyi 1:1—2:23
Milimo ya Yoano Chipapachisa 3:1-12
Upapachiso wa Yesu ni cheseko chenyi 3:13—4:11
2. Milimo ya Yesu mu chifuchi cha Galilea 4:12—18:35
3. Wenyi wa Yesu chize ku Galilea ndoo ku Yerusaleme 19:1—20:34
4. Semana yakusula ku Yerusaleme 21:1—27:66
5. Uhindukilo a Mwene Yesu Kristu ni kusoloka chenyi 28:1-20
Currently Selected:
Mateu Maliji Atangu: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.