Malaki 1
1
1Mwene Zambi yambila Malaki#1:1 MALAKI: hanji kanganda kami. alweze maliji wano kuli Aisraele.
Mwene Zambi kanazange Aisraele
2Mwene Zambi kanambila atu jenyi ngwenyi: “Nakunuzanga matangwa eswe.”
Alioze ayo kaanahula ngwo: “Ngwe kuchi wakutulweza zango lie?”
Mwene Zambi ngwenyi: “Esau ni Yakoba te asongo ni mutu, alioze nakuzanga Yakoba ni vungu lienyi, 3nakuvutwokela Esau ni vungu lienyi. Hinenyeka chifuchi chenyi cha milundu#1:3 chifuchi cha milundu, Edome, ku sude ya chitende cha Kufwa. ni kuchihichika kuli mikuza a mu puya.”
4Nyi ngwe vungu lia Esau, akwa Edome, maamba ngwo: “Membo heenyeka, alioze mutwatungulula,” Mwene Zambi makumbulula ngwenyi: “Tungululenu koko, hindu mungwabuzula nawa. Atu kumaaluka ho ngwo: ‘Chifuchi cha ungulungulu,’ nawa ngwo: ‘Vungu lize Mwene Zambi akutenukina miaka yeswe.’ ”
5Aisraele maalimwena cho ni meso, mba maamba ngwo: “Mwene Zambi kali ni ndundo chibwe haze lia chifuchi cha Israele!”
Mwene Zambi kanakumika mahako a Zambi
6Mwene Zambi Mukwa Ndundo Jeswe kanambila mahako ngwenyi: “Mwana kakulemesa tato, ni kavumbi kakulemesa mwata wenyi. Yami nguli tatenu, kuchi mba kunushi kungulemesa? Nguli mwata wenu, kuchi mba kunushi kungusa vumbi? Nwakungulelesa, hindu nwakuhula ngwenu: ‘Ngwe kuchi nwakungulelesa?’ 7Ngwami, nwakungulelesa muze nwakungulambula yakulia yamokomoko ha chilumbilo chami. Mba nwakunguhula ngwenu: ‘Ngwe kuchi kutushi kukusa vumbi?’ Ngunanulweze ngwami, mumu nwakulelesa chilumbilo chami. 8Kuma muze nwakulambula yimuna afwa meso, hanji yilema, hanji ayiza, nwakuchimona ngwenu, chili chibema, nyi? Achesekenu kulambula yimuna ngwe yize kuli mukwa kuyula. Kuma kumawahilila ni yenu ni kunuvwila keke, nyi?”
9Yenu mahako, esekenu kulemba kuli Zambi atuvwile kama keke. Kechi kunukumbulula, mumu ha yitela yenu. 10Mwene Zambi Mukwa Ndundo Jeswe kanambe ngwenyi: “Kachi umwe ajile kama ku yikolo hanga kunuchi kuwika kahia kamokomoko ha chilumbilo chami. Chisolo kunuvwila kuwaha nichimwe, chichi kutayiza milambu yenu. 11Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa! 12Alioze yenu nwakungulelesa muze nwakwamba ngwenu, chilumbilo chami chili chamokomoko, ni muze nwakulambula ho yakulia yize nwakulelesa. 13Nwakwamba ngwenu: ‘Hitwahonga ha yuma yino yeswe!’ Nwakungunyekununa. Nwakungulambula yimuna yize nweyile, hanji yilema, hanji ayiza. Kuma nunanyongo ngwenu mungutambula milambu yize, nyi? 14Ngwami, Shingo likwate yoze wakweseka kungulambula yimuna yamokomoko muze te ali ni yimuna yibema mu chendo chenyi! Mumu nguli mwanangana munene, atu a ku mavungu eswe kaakunguvwila woma.”
Currently Selected:
Malaki 1: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
